"ဒါက ကြင်ယာတော်ဝမ်...ကြင်ယာတော်ဝမ် လုပ်ခိုင်းလို့ပါ"
"ဘာ!"
အခမ်းအနားတစ်ခုလုံး တီးတိုးပြောဆိုသံတို့ဖြင့် ပြည့်နှက်ကုန်သည်။
တကယ်ပဲ ကြင်ယာတော်ဝမ်က ကြံစည်ခဲ့လေသလား။ကြင်ယာတော်ဝမ်ဟာ မျက်လွှာကိုအသာချကာ သက်ပျင်းသဲ့သဲ့ချသည်။ သို့သော် ကြောက်ရွံ့တုန်လှုပ်ဟန်မရှိ။
အနောက်ဘက်ရှိရှောင်းကျန့်ကတော့ ထိုစားဖိုဆောင်မှနန်းတွင်းသူအား စူးစိုက်၍ကြည့်နေသည်။
ဓါးအိမ်အား တင်းမာနေအောင်ကိုင်ထားကာ တစ်ခုခုဆိုလျှင် ကြင်ယာတော်ဝမ်၏အရှေ့မှနေ၍ မားမားမတ်မတ်ကာကွယ်ပေးမည့်ဟန်ပင်။"ရှန်အရှင်Sean...ဒီသံတမန်က ရှောင်းဧကရာဇ်စေလွှတ်လိုက်တဲ့ကိုယ်စားလှယ်ပေမို့ ရှောင်းဧကရာဇ်လိုပဲ သဘောထားရမှာမဟုတ်ပေဘူးလား"
"ဆိုလိုချင်တာကို ကိုယ်တော်နားလည်လက်ခံပါတယ် သံအမတ်ကြီး...သို့ပေမယ့်"
"ဒီအမှုကိစ္စကို ရှန်အရှင်က ကြင်ယာတော်နေနေ မိဖုရားနေနေ တရားမျှတစွာနဲ့ဖြေရှင်းပေးမယ်လို့ ဒီသံတမန်ယုံကြည်နေမယ်"
သံအမတ်ကြီးရဲ့စကားကြောင့် ရှောင်းကျန့်၏မျက်မှောင်တို့ စုကျုံ့သွားသလို Seanဟာလည်း ပါးရိုးများပင်တင်းသွားသည်။
ဒီသံအမတ်ကြီးက စားဖိုးဆောင်ကနန်းတွင်းသူရဲ့ယိုးစွပ်မှုကိုယုံကြည်ပြီးထောက်ခံနေတာမဟုတ်ဘူးလား။
ဒါဟာ ကြင်ယာတော်ဝမ်က အပြစ်သားတစ်ယောက်ဟု ဆိုလိုလိုက်သလိုဖြစ်နေတာကြောင့် နှစ်ယောက်လုံးဒေါသထွက်သွားသည်မှာ အမှန်။"ဒီကိစ္စကို ကိုယ်တော်က တရားမျှတစွာနဲ့ဖြေရှင်းပေးမှာမို့ သံအမတ်ကြီးက နားနားနေနေ နေပါဦး...လာကြစမ်း သံအမတ်ကြီးကို နားနေဆောင်ကိုလိုက်ပို့ကြ"
"အဟမ်း"
ရှောင်းပြည်ထောင်စုက သံအမတ်ကြီးကတော့ ချောင်းသံပြုကာ ဝတ်ရုံစအားခါခက်ပြုပြီး ထွက်သွားလေသည်။
"ကဲ အားလုံးတိတ်ကြစမ်း...ငါကိုယ်တော်မြတ် ဒီနေရာမှာပဲစစ်ဆေးတော်မူမယ်"
အရှင်မင်းကြီးSean၏ ဩဇာငြိမ့်ငြောင်းလှသည့်စကားသံအဆုံးတွင်တော့ အခမ်းအနားတစ်ခုလုံး ငြိမ်ကျသွားတော့၏။
![](https://img.wattpad.com/cover/297320012-288-k239214.jpg)
YOU ARE READING
Consort Wang
Fanfictionကြင်ယာတော်ဝမ်၏ ချစ်ခြင်းမေတ္တာသည် မည်သည့်အတိုင်းအတာအထိ ကျယ်ပြန့်သနည်း.... #cover photo from Pinterest