مصيبه الدنيا من تدور
وتخلي السبع ينذل
وابو النفس العزيز يكوم
بلمايسوه يتوسل
المابي خير يحجي عليك
ولبي خير مايسأل
المو رجال ع الرجال يتمرجل
هاي الناس عميه عين
الأعوج صار عدهم زين
ويذمون المعدل
الخاين ها لوكت مرتاح
بس الطيب مبهذل
دخيل الله شحملنه هموم
كل غروب نتبلل
سهرانيين من الضيم
ويكولون نتعلل
بشر مو أنبياء الله
حتى هواي نتحمل
هاي الناس ماتنجاس
اسكيها بوفه وتبذل
الجان امنيته يحجي وياي
هسه كبالي يتختل
الما وكفولي وكت الضيج
دين عليهم مسجل
وهيه المشكله
مابيهم اليخجل
بعد مااعاتب اي إنسان
طبعه وياي يتبدل
كلمن يوصله البسمار
خل يتوكل ويزعل
**********&&&&&&*****
2009
اطراف كركوك
كعدت الصبح واني جسمي متكسر مشيت واني اسحب برجلي رحت غسلت وجهي ورفعت راسي عالمرايا واني اشوف خدي الايسر متورم وجوه عيني صاير ازرك نزلت دموعي على خدي واني احس الدموع تحركني ...رفعت راسي للسما توه النهار طلعت وسمعت صوت عمتي تلعلع وهي تسب بيه وباهلي من الخوف كمت ارجف وبسرعة غسلت وجهي ونشفته ....
دخلت جوه واني اضغط على روحي ماابين وجعي وضعفي ....
عمتي ام سامر_لابارك الله بيج يالعاگر مو زين منا ولفيناج شو انداري عليه ...غصبت روحي وانداريت حتى تشوف الللوحة الي كل يوم ابنها يرسمها بوجهي وهي اشوف نظرات الفخر
كل ماتشوفها
عمتي _عفية بالسبع خوش مربيج ...وهسه ولي وروحي خبزي الله ياخذج ونخلص منج والله اله اكسر خشمج واخذ بنت اختي على راسج...
نزلت راسي وماجاوبت ورحت اخذت العجين حتى اصعد للسطح واخبز ...الدنيا صيف ....قبل لافد مرة اموت من الحر. ...بديت اخبز والعرك يصب مني رغم بعدنا باول الصبح بس بعد شهر اب ويسمط سمط طول مااخبز دموعي تجري واني اتذكر العافوني بهاي الجهنم مدري المن الوم الوم الي راحو للگبور لو الوم الراح للغربة ونسه خيته ...
واني يوميه انام على امل افز الصبح واكحل عيوني بشوفته بس من افز الصبح واشوف حالي ومكاني تنزل دم مو دموع على خدي مرات اريد اقسى كلبي عليه بس من اشوف حالي بداخلي انطيه عذر وادعيله الله يحفظه ويرجعلي حتى يخلصني من هالجحيم ....
كملت وطفيت التنور ونزلت الخبزات وفتت وانا اشوف تسبح بالمسبحه وانا اكول بداخلي شيفيد المسبحه لازمتيها واني اليتيمه مارحمتي بحالي ...
ام سامر _طاح حظج ساعتين حتى تخبزين جم خبزة ...
مجاوبتها لان اذا اجاوب معناها اليوم يجنزوني.....رحت خليت الجاي عالنار ....وفرشت السفرة ....وخليت اللبن (الخاثر)وطكيت جم بيضه بالطاوة ...
فات وحشي ...
أنت تقرأ
إمرأة بلا وطن
Randomشسولف والعمـرما جاي سد بسد دنيا وطشرتني بيــن جــزر ومـــد نــذرت شگــد دعيــت شگــد چـــم طــارش آدز لٓــهہ وأتانـي ومـا يجينـي الــرد
