إمرأة بلا وطن

البارت الرابع

مساءالخير

يا ابن امي الاخو عازته عازه
من غيره تظل وحشه الجنازه
تعال وصير بجروحي گزازه
ماگول احاه يالعازتك عازه

***********&&&&&********

احس بسامر يحوص ...ويتمنى رضاي ...وكل ساع يعتذر مني ويطلب السماح...واني كلبي قسى ..على شنو اسامح هن وحده اثنين ..

مكابلة غرفتي مرات تجيني تبارك ...ومن هي تروح اقفل الباب اذا هو مو بالبيت ...شكد عمتي تغرد وتدك بالباب وتسبني وتسب اهلي ولااجاوبها ...اضل اتحسب عليهم ليل نهار ...مرات رنا تجي هم وتضل تدعي وتسبني واني مغلسة ....بيوم سامر رجع قبل موعد رجعته وهن يغردن

سامر _شنو هالحجي

...وهن انخرسن...

رنا _سااااممر.....اااخ ...

يمكن ضربها لان صاحت وسمعت صوت راشدي

سامر_ولج كح...ييمتى كايلج هالكلام ...

رنا _حبيبي والله مو...اخ فدوة سامر شعري ...

سامر _عسى تموتين ولج حقيرة يمتى اني كايلج راح اطلكها...ولج اموت واطلكج ومااطلكها...ولج كتلج عقلي لاارجعج لابوج

رنا _خلاااص والله بعد معليه..

سامر _وانتي يوم مره شكبرج خاله عقلج ويه هاليتيمه ماكفى ابنج الك... عماها نازله عليها ...بس اريد اعرف ليش هالكره ....خاف عبالج صدكت ذيج الجذبه  مال السحورة وهالشغلات ترى اني مو جاهل بس اخذتج عللى مايج اريد اعرف وين توصلين بس خلاص اني راح اخذلها بيت وحدها ...

سمعت عمتي تتوسل بي..

ام سامر _خلاص يمه والله ماعليه بيها ...

قاطعها

سامر _خلص يمه خلصت فرصج ..وهاي الي جنتي تقنعيني بيها خليها يمج مثل المزهرية ...

اندك الباب  ....وفتحتها واني منزلة راسي
....فات ولزم ايدي واخذني للجرباية...كعدنا

سامر _حبيبتي وكمري ...كلها ايام ونرتاح..هسه راح ارجع للدوام لان اخذت اجازة زمنيه ...

ثاني يوم

تبارك كاعدة يمي ...

ريام _شونج زمرد

استغربت

زمرد _هلا حبيبتي

تقربت لزمت ايدي ...
ريام _اريد اعتذر منج ...واتمنى تسامحيني بحقج...

ابتسسمت ..

زمرد _اصلا موشايله بكلبي عليج حتى اسامحج..

ريام _فدوة شكد طيبة انتي ...

عافتنا تبارك ...

ريام _زمرده شرايج اخذج لغرفتنا اني وتبو ...وهيج تغيرين جو ...