___________________________
في دجى الليل الأسود هام في البيداء راكبا فرسه الادهم ليصل نحو أطراف مدينة يترقب الموعد المحدد للقاء بعد أن قرر الهجرة عنها ها هو يعود تارة أخرى لكن لم يأن الآوان لما في خُلجه...
___________
بغداد
الساعه ٨:٠٠ صباحا
- ماما حبيبي اني راح اروح للمدرسة تأخرت كلش
- ام فيروزه: يا امي دومج مستعجله اكعدي اكلي لكمة شوفي وجهج شلون صاير جنه ليمونه
-فيروزه: امي حبيبتي اكل بالمدرسة هسه تأخرت كلش
- هو شدمرج غير الاكل الي تاكلي هناك ع الاقل اخذيلج لفه منا
( اخذت قطعه كعك من الطاوله و هرولت قائله ): يلا اخذت هاي اكلها بالطريق هاي صوت الباب اكيد مها جتي
- ام فيروزه: بحفظ الرحمن
...................
بابل..
وفي إحدى القصور العظيمه
- الا يزال يتردد عليها
( صمت)
- أولا تجيب ؟ أكلمكككككك أناااا
- ن..نعم هو هو كذلك ..لك لكني لم أره يدخل اسوار المدينه هو فقط ...
-فقط ماذا اجب؟
-فقط يقف عند اسوار المدينه يرقب الأفق ثم ما يلبث إلا أن يعود لمضجعه ثم يرجع قبيل الشروق
- واه له من صبي أولا يعلم إنه لم يأن الآوان بعد ..
اسمع فإذا رأيته يهم بالخروج اذهب و مره فاليأتني
- أمر مولاي ...
- والآن إنصرف..
_______________________
-ألو هلو مها شلونج
- هلو فيروزه تمام و انتي
- تمام ماشيه، حبيبي اكلج
- مها: كولي قلبي شنو
-فيروزه: شوفي شنو رأيج نروح لآثار بابل
- مها: من كد ما تقرين روايات عليها و كتب و تحجين حبيتها بس حاليا تعرفين امتحانات و احنا اخر سنه و بكالوريا
- فيروزه: اهوو انتي ما تخلين الواحد ينسه شوي
زين باعي نتفق ويه اهلنا ورا الامتحانات نروح
- مها : نستلم النتائج يلا فيروزه تعرفيني ما اتونس الا اخذ نتيجتي
- فيروزه: اعرفج اعرفج هم بنت عمي وهم صديقتي
يلا روحي خل ننام ما وراج فايده 😔😂
- مها: مو صوجج صوجي اني اخاف على مستقبلنا روحي نامي ولا تسهرين ع الروايات تجيني الصبح عيونج غايره
- فيروزه: ههههههه حبيبي تصبحين على خير
- مها: تلاكي💋
ألقت في نفسها على السرير ممسكه برواية في يدها وما لبثت أن غفت عينيها قبل أن تبدأ بمطالعتها .....
يتبع
غدير الشمري
