'' သားနားနေရောပဲ ဟေး ''
သန့်စင်ခန်းထဲမှ မိမိပုံရိပ်ကို ကြည့်ပြီး အကျေနပ်ကြီး ကျေနပ်နေသော
ဂျိတ်ခ် ဖြစ်သည် ။
ခြေထောက်အောက်၌ ခွေကျနေသော လူ၏ ပစ္စည်းမှန်သမျှအဝဝကို
ခရီးဆောင်အိတ်ထဲ ထိုးထည့်တော့ ရုပ်တရက် ထိုလူ၏ ပတ်စပို့က
ထွက်ကျလာသည် ။
ရှင်းဂျယ်ယွန်း - အသက် ၂၃
သိပ်ဂရုမထားပဲ ပတ်စပို့ကို ကျောပိုးအိတ်ထဲထိုးထည့်လိုက်ပြီး အခုမှ လေယာဥ်ပေါ်က ဆင်းလာခါစလူလို ဟန်ဆောင်လိုက်သည် ။
အိုး.. ဒီအတိုင်းကျလည်း လူတစ်ယောက်ကို အကြမ်းနည်းနဲ့ ဓားပြတိုက်ထားသည့် လူနှင့် မတူသလိုပါပဲ။
လေဆိပ်ထဲတွင် ဘေးဘီကို
ဂရုမစိုက်ပဲ လျှောက်လာသော်လည်း သူ့လက်မောင်းကို လှမ်းဆွဲသည့်
လက်တစ်စုံကြောင့်
ဂျိတ်ခ် အလိုမကျဖြစ်စွာ
လှည့်ကြည့်လိုက်ရသည် ။
'' ရှင်းဂျယ်ယွန်းလား ''
သူ အနုကြမ်းစီးခဲ့သည့် လူ၏ နာမည်ကို ကြားသည့်အခါ ဂျိတ်ခ် နည်းနည်းတော့ စိတ်မလုံသလို ဖြစ်သွားပေမဲ့ ခပ်ပြတ်ပြတ်ပဲ ငြင်းလိုက်သည်။
'' မဟုတ်ဘူး ''
''မဖြစ်နိုင်တာ ''
မျက်ခုံးတွေကို တွန့်ချိုးပြီး
ထိုလူက ခပ်တိုးတိုးရေရွယ်သည် ။
ဂျိတ်ခ် မှင်သပ်သွား၏ ။ ဤလူက သိပ်ကြည့်ကောင်းလွန်းနေသည် ။
''မင်း ကိုယ်ပေါ်က အင်္ကျီရဲ့ Summer Design က ငါ ကိုယ်တိုင်ဆွဲထားတာ ''
'' သြော် အင်္ကျီကတစ်ထည်တည်း
ရှိတာမှ မဟုတ်ပဲ ''
''မဟုတ်ဘူး ဒီတစ်ထည်ပဲ ရှိတာ ။
ရှင်းဂျယ်ယွန်းဆိုတဲ့ လူကို
ငါသီးသန့်လုပ်ပေးထားတာ ''
'' ဟ ဘလိုင်းကြီး စွပ်စွဲနေတာပဲ ''
ဂျိတ်ခ်၏ ခါးခါးသီးသီး အငြင်းစကားကို ထိုလူက ပိုသဘောမတွေ့ ဖြစ်လာပုံရသည် ။
''မင်း ပတ်စပို့ ငါ့ကိုပြ ။
မင်း ရှင်းဂျယ်ယွန်း မဟုတ်ရင် ငါထွက်သွားပေးမယ် ''
ဂျိတ်ခ် ထပ်ပြီး ခါးခါးသီးသီး ငြင်းလိုက်သည် ။
'' ဘာကိစ္စ ပြရမှာလည်း ''
