انكليزي تايم

كلمات متشابهه بالكتابه

عدنه اليوم كلمتين متشابهات كلش بالكتابه .

1. Dip :

تجي بمعنى فعل ومعناها انغمس او غطس او انحدر.

وتجي بمعنى اسم وبمعنى منحدر بالطريق .

او لمن مثلا شخص يريد يسبح حتى ينتعش يعني مو سبحه مال خايسين فهمتوا😔 مثلا عدنه هنا :

She went for a dip in a pool.

راحت تسبح بحمام السباحه.

ونكدر نستخدم هاي الكلمه ويه نوع من صلصات الطعام تكون سيمكه بحيث نغمس بيها الاكل قبل لا ناكل مثل :
Tasty garlic dip.

يعني ثوم لذيذ مغموس بالصلصله . هنا يجماعه اجت dip بمرادف كلمه sauce او صاص.

ونشير بيها لل foolish person  يعني شخص احمق او غبي.

طبعا الها هواي معاني كلش بس هاي نكدر نكول اهمها.

2. Drip :

اذا اجت فعل فمعناهه يقطر قطره قطره مثل الحنفيه من تقطر مرات او مثلا من نستخدم قطرات العيون.

The faucet won't stop dripping.

يعني الحنفيه ما جاي توكف عن التقطير. (هنا اجت فعل)

She put the bucket on top of the dresser to catch the drips.

بمعنى هي حطت سطل فوك كاونتر او خزانه المطبخ حتى يجمع القطرات ( وهنا اجت اسم ) ولو نريد نوضح الجمله اكثر فهنا تقصد انو سكف المطبخ مدري الغرفه جاي يقطر ماي فاضطرت تحط سطل .

#زنيبه_ئالجميله.