تختلف هاي القصه هواي عن قصص الحب لان هذه قصه انتحار بمسمى حب
تخرجت من الكليه الحمد لله وحصلت وظيفه بعقد لكن الوظيفه ماطولت بيها سنه ونص
ورا ماتركت هاي الوظيفه بعقد بمكان حكومي ورا شهرين رحت ادور شغل لكيت والحمد لله بمدرسه اهليه وافقو بيه لان عندي خبره وظيفيه ومؤهلات علميه المهم اسبوع بالشغل الوضع طبيعي ورا اسبوعين أيضا طبيعي هذا الحجي صادف الشهر السابع اجيتهم سنه2018 ورا شهر ال7 صارت امتحانات الدور الثاني واحتاجيت إسئله بخصوص شي يخص الشغل بعدني ماشايفته بوقتها بس مره وحده هو صادف معاون وماعندي رقمه اخذت رقمه من أحد العاملين ولأن اني حساسه كلش خفت لوحدي لان اجت المعاونه كانت العطله الصيفيه فمن اجت كانت عصبيه ومو حبابه وياي لان ماتعرفني بعدها ماعرف شلون صارت وكفت ع شباك أحد الصفوف المطله على الشارع انتظره ماعرف ليش وشنو السبب بس كنت أريده يجي لان ضجت وخفت من هاي المعاونه المهم ماعرف شلون اتصلت عليه بدون ماعرف ليش وشمعنى هو اتصلت عليه كتله استاذ شوكت تجي كال عندي مراقبه فد ربع ساعه ماحسيت بنفسي اله كتله (هواي)
هو سكت اول شي بعدين ضحك وصاح على صديقه المدير الي بالحكومي لان هو معاون بالحكومي ومعاون ايضا بالمكان الي اشتغل بيه الاهليه المهم كاله هيج هيج من اهلك طالع انا تعرفون لحظه العطش بالصيف وتموز وصيام وتفطر بماي ثلج هيج لحظتها الشعور من كالي جاي المهم اجه والوضع جدا طبيعي ماكو شي بيناتنا بس الشغل
ورا كم يوم ضاعت اسئله ضاج وعصب كان اكو مدرس كاعد ماكدرت اكوله لاتضوج دزيتله مسج كتله اضحك ميخالف هسه تلكاها هو ابتسم حسيت روحي بالغيم من شفت ابتسامته
ورا يومين كان عندي شغل موصيني عليه اكمله صادف وقت الغروب ردت اتصل بيه شفت حسابه ع الواتساب مخليه صوره بجعه بيضه ويمها اللهم صل على محمد وال محمد كلت بكلبي نيالها الي تراسله ويامن يحجي ياترى ع الواتساب اتصلت عليه كان طالع بواجب فاتحه أحد معارفه
بس ماعرف ليش هيج حجيت مع العلم ماكو شي بيناتنا بس سبحان الله من ينطي كل الإشارات ع أن هذا الشخص راح يصير قرين روحك
وراها كمت اسولف وياه أكثر واكثر بالدوام وهو كولش حباب واريحي جدا ولطيف والي شدني اله طريقه اهتمامه الغريبه والحلوه
انا خلصت عمري بين صفحات الكتب لم الاحظ اي اهتمام من رجل سابقا كوني احب الكتب والاطلاع بصوره كبيره وحتى عند بدايه دوامي وياهم دوم كتبي وياي واقرا ومره انطيته كتاب يقرأه وهو ماقراه هههههههههههه يكول مالاحك اسم الكتاب كان (تبدأ حياتك حينما تدرك أن لديك حياه ثانيه)
وصادف محرم فمره اجه ثواب للمدرسه هو الوحيده انا بقالي ثواب مال شخصين بعدين ظلينا نحجي كلام عادي جدا ع التلغرام بس انا بطبيعتي كنت خجوله منه بعدني ماعرفه كولش لذلك اي شي أحسه مايرد عليه أو يتأخر امسحه
فمره مل هو وضاج من طريقه المسح مالتي كال بعد إذا تمسحين عليها غرامه كان تلفوني مكسوره شاشته وبالتصليح اول ماحجينا تلغرام لذلك كنت اراسله ع الحاسبه كان يظل يسولف وياي لل٥ الفجر
ودائما هيج نطول نحجي بعدين مره مسحت هم كالي بسيطه عليح غرامه دولمه ضحكت كتله سهله صادف يوم الخميس وكانت جمعه وسبت عطله كال مو يومين سنتين شوكت يخلصن وشيصبرني للاحد
كل ايام حياتي اكعد مالي خلك وكوه اكوم من الفراش بس من حبيته ماحجيلكم شنو يعني شعور تكعد من وحدك فرحان وبس تريد الصبح يجي الفرحه الي من افتح عيوني مو طبيعيه احس روحي اسعد انسانه ع الأرض كان الاستيقاظ اله معنى يختلف عن كل الاستيقاظ سابقا في كل حياتي
رحت للدوام كنت متوتره ومشتاقه اشوفه لان قبل يوم الخميس كان كلامنا طبيعي وعادي بس بالعطله الجمعه والسبت هواي حجينا وكنت متشوقه اشوفه ماحجيلكم ابد ماكعد افتر بالغرفه يمكن ساعه كامله امشي منتظرته كانت غرفتي فوك هو صعد ماحجه ولاحرف وياي بس شافني باسني وكالي اطلبج غرامه بلحظته ماعرف حسيت الدنيا توقفت ماعرف شصار نزل هو وراح لان خاف أحد يجي ويشوفه
انا ظليت واكفه بمكاني ماتحركت جمدت كان أول بوسه من اول حبيب واغلى انسان دخل روحي ومو اي انسان لا انسان اكبر مني وواعي وفاهم مو من الشباب المراهق
هذه كانت قصه تعارفنا الي عن طريق تلفون ولأن كنت خايفه
YOU ARE READING
عندما تعشق الوردة
Romanceالورده التي تعشق ينتهي بها الأمر أن تذبل أو تقتطع قصه فتاه في عمر الزهور عشقت حتى جن عقلها بمن أحبت ولكن حب من نوع آخر أدى بها إلى الهلاك
