Unicode
သာယာတဲ့နံနက်ခင်းတစ်ခုမှာ ရှောင်းကျန့် အိပ်ယာကနေ နိုးလာခဲ့တယ် အိပ်ချင်နေသေးတဲ့ မျက်လုံးတွေကိုမဖွင့်သေးဘဲ လုပ်နေကြအကျင့်အတိုင်း အိပ်ယာဘေးက တစ်စုံတစ်ယောက်ကို ဖက်ထားဖို့ လုပ်ခဲ့ပေမယ့် အေးစက်စက် အိပ်ယာခင်းတစ်ခုကပဲ စီးကြိုနေခဲ့ပါတယ်။
မျက်နှာသစ်ပြီး အိပ်ရှေ့ကိုထွက်လာတော့ နံနက်စာပူပူနွေးနွေးလေးက စားပွဲပေါ်မှာ အဆင့်သင့်နေရာယူထားတယ်။
ရင်ထဲကို အနွေးလှိုင်းသေးသေးလေး ဖြတ်သွားပေမယ့် ရှောင်းကျန့်သက်ပြင်းတစ်ခုပဲချလိုက်တယ် တစ်စုံတစ်ယောက်ရဲ့ လစ်ဟာနေမှုက သူ့ရဲ့ နှလုံးသားလေးကို နွမ်းနယ်စေပါတယ်။
တကယ်တော့ မနေ့ကသူနဲ့ ဝမ်ရိပေါ် နဲ့လက်ထပ်ခဲ့တဲ့ နှစ်ပတ်လည်နေ့ဖြစ်တယ်။
လွန်ခဲ့တဲ့ နှစ်နှစ်က သူငယ်ချင်းတစ်ယောက်ရဲ့ အတန်းကို အတူတူသွားတက်ရင်း ရိပေါ်လောင်ရှစ်နဲ့ သိကျွမ်းခဲ့ကြတာဖြစ်တယ်
X university က မိန်းမလှလေးတွေပါးစပ်ဖျားမှာ လောင်ရှစ်က အရမ်းနာမည်ကြီးတယ် Mr.wang က အရမ်းကို ချောမောပေမယ့် သူ့နားမကပ်ရဲလောက်အောင် အေးစက်တဲ့အရှိန်အဝါတွေ အပြည့်ရှိတယ် ပြီးတော့စိတ်ဝင်စားစရာကောင်းတာတစ်ခုရှိသေးတယ် ဝမ်လောင်ရှစ်က စာသင်တာကလွဲပီး သူရဲ့ အခြားသော အကြောင်းအရာတွေကို ဘယ်သူမှစုံစမ်းလို့မရဘူးတဲ့ ။
လောင်ရှစ်ကို စိတ်ဝင်စားနေကြတဲ့ မိန်းကလေးတွေရော ယောကျာ်းလေးတွေပါမကျန် ဝမ်ရိပေါ်အကြောင်းစုံစမ်းခဲ့ကြပေမယ့် တစ်နှစ်ပြီးတစ်နှစ်သာကုန်သွားတယ် ဘယ်သူ့မှ မသိရလောက်တဲ့အထိကို သူက လျှို့ဝှက်ချက် များတယ်။
တကယ်တော့ရှောင်းကျန့်က နာမည်ကြီးတဲ့ Alpha တစ်ယောက်ဖြစ်တယ် မိန်းကလေးတော်တော်များများက သူ မပိုးပန်းရသေးခင်ထဲက ခြေတော်ရင်း ဝပ်ဆင်းဖို့ အသင့်ဖြစ်နေ့ခဲ့ကြတာချည်းပဲ ဒါပေမယ့် ဒီ လောင်ရှစ်အလှလေးကတော့ ရှောင်းကျန့်အတွက် အရမ်းကိုခက်ခဲ ခဲ့တယ်
နှစ်နှစ်တိတိ လိုက်ခဲ့ပေမယ့် ဘာမှမထူးခြားတဲ့ အေးစက်စက် မျက်နှာထားနဲ့ လူကို မရှိသလိုဆက်ဆံနေတုန်းပါပဲ။
