البارت الثالث 🤎 :
حبيت أنوه عن شي جتني كثير أساله في خاص الانستا يقولون كيف تقولين اسمها النوري وهي نوره يا جماعه ( النوري ) دلع لأسم نوره وبس والله حبيت انوه خليكم مع البارت الثالث :
٢٠١٦ /١/١ ميلادياً / وأخر سنه للنوري في الثانويه العامه وصار عمر النوري ١٩ سنه وعمر فيصل ١٨ سنه وفهد ١٠ سنوات وتؤمنا الجميل عمرهم ٩ سنوات ✨
في اول يوم دراسي للنوري :
جتها صاحبتها جواهر تركض نوير نوير
نوره : هاه وشفيتس وش بلاتس
جواهر : ماصدق تخيلي وش شفت
نوره : وش شفتي؟
جواهر : شفت اخوتس فيصل يطب من حوش المدرسه منحاشش ومعه اخوياه وواحد منهم يدخن تحت
نوره : منحاش !! تدخين!!
جواهر : مو مصدقتني طلي وشوفي
وفعلاً طلت نوره ولقته منحاش ويركض مع خويه ريان وعلي ورا المدرسه وشافها فيصل تطل عليه وقعد يركض بسرعه وشافها ولد الجيران نواف وبسرعه نزلت نوره تدور جواهر ورنا
وتقول نوره : والله شفته يركض وشافني وانا اطل عليه تعالي جواهر ابيك شوي بسرعه !
جواهر : وش بلاتس خليتي البنت لحالها كذا ؟
نوره : تخيلي وش صار وانا اطل على فيصل؟ الله يقلع راسه المربع شافني نواف ولد الجيران والله شافني
جواهر شهقت وقالت : يويلي ويلاااااه شافتس!!
نوره : اي والله شافني مدري وش اسوي بموت
جواهر : لاتخافين اهدي شوي ماعليتس منه ماهو مسوي شي ولابيقول لابوتس شي اهم شي لاتعطينه وجهه ابد سامعتني؟ خليتس قويه ماعنده ماعند جدتي من يومنا صغار يشوفك تغلطين ولايقول يسكت ولا قال احد انك غلطتي يجحد غلطك
نوره : وليش اعطيه وجه هم جيرانا من جينا الحاره ولاقد مره عطيته نظره عين بعين يوم كبرنا
رنا داهمتهم وهم يتكلمون وقالت وهي معصبه : خلصتو ان شاء الله؟ انا جوعانه خلونا نروح ناكل
نوره : مسدوده نفسي مابي شي برقى فوق للفصل ولا تتأخرون علينا دين بعد شوي
رنا : ياربي حتى وهي زعلانه تفكر بالدراسه
جواهر : اذكري ربتس اعوذ بالله منتس اقول امسكي بس ٦ ريال جيبي لي انا ونوير خبر بيض وعصير برتقال
رنا : وش هذا الحرقان بيض وبرتقال ههه!!
جواهر : وش عليتس انتي اخلصي نستناتس فوق
رنا : طيب طيب 🏃🏻♀️🏃🏻♀️
( رقت جواهر فوق عند النوري وراحت رنا للمقصف)
جواهر : وشفيتس تضايقتي يوم شافتس يعني؟
أنت تقرأ
روايه النوري ❤️
Poetryعبدالله جُندي بالحدود متزوج وزوجته حامل ويناديه الواجب ويشاء القدر أن يُصاب بطلقه في صدره تأثر سلبياً على حياته وتقلبها فوق تحت ويرزق عبدالله ببنته البكر ( النوري ) وتبدا حياته تضحك له وتكون هي وجه الخير عليه وتكون السند له ولاخوانها وتبدا حياه الن...
