ابنتي

المشهد الاول

بسم الله الرحمن الرحيم
تبدا احداث القصة في وقت ليس ببعيد من الزمن
فالزمن يعيد نفسه كما يقولون والجهل ما زال مستمرا
وعبارة الرجال قوامون على النساء كأنها سلاح يرزه ذكور المجتمع على نساءه الضعفاء

ابو حسين: جاءت ابنتي تهمل دموعها كأنها تغرز خناجر حادة في خاصرتي كلما نزلت من عندها تلك الدكوع الثقيلة التي تتلئلئ في عينيها كأنها لؤلؤ شفاف
ها بنيتي شبيج ؟؟
سارة : بابا مصطفى كتلني ويكول بعد ماكو طلعة وية صديقاتج ولا اكو روحة للمدرسة
ابو حسين : ليش هو منو سامحلة يحجي وياجن ؟
سارة ؛ يكول اني ابن عمج واني بكيفي اكدر انهي عليج وحتى زواج مااخليج تزوجين ؟
ابو حسين : هههههه لج غير هسة اكوم اطيحلج حظة هذا الزعطوط
مدام بهاي الرية هوة اكسر ظهرة ليحجي وياكم .
سارة : احنة ٣ بنات اني الجبيرة وعندي اثنين اخوات اصغر مني راح تتعرفون عليهم من تكملون القصة اني بنية بالثالث متوسط حلمي ادخل كلية حتى بابا يرفع راسة ويفتخر بية كدام الي يعيرونة بالبنات
بابا اجمل شيء صار بحياتي حتى من ماما تكلة خلي احمل واجيب ولد يكول وشنو فرقة عالبنات خاف يشلع قلبي مثل ذاك (ابن عمي )
فهو راضي بقسمتة من هاي الدنيا صح مرات يخاف علينة لان ماعدنة سند بس يكول اني راح اخليكم تدرسون حتى تصير عدكم شهادة تسندون عليها نفسكم بعد رب العالمين

مشهد رقم ١
ابو حسين
بعد ما سمعت محمد يحجي وية سارة وكايللها بطلي حلفت الة ادبة واذا ما اتادب اطردة من البيت اذا يجي بعد
اني بناتي يتحكم بيهن واحد مثل محمد السكط هو خلي يشوف مستواه وين وبناتي واخلاقهم وين
محمد:اجيت لبيت عمي لازم جكارتي كالعادة اني عمري ١٩ سنة مبطل من المدرسة واشتغل وية واحد بالاسواق طولي وسط  ومن ذولي المراهقين الي زاهية بيهم الدنيا فلوس وحرية ابوي ميحاسبني لان يكول انت ولد وشايل عيبك
بين قوسين لان ولد
وحتى عماتي بس يشوفني يفرحن بيه اجة الهيبة اجة حزام الظهر

طلعلي عمي ابو حسين : ها كول شرايد
محمد : الناس تكول مساء الخير وعليكم السلام
مو هيج عاد عمي من الباب
ابو حسين :اي كول شرايد ؟
محمد لا هيج بس كلت اسير عليكم
ابو حسين :باوع اذا مرة ثانية حجيت وية بناتي بالطريقة الي حاجيت بيها سارة اطيح حظك وعتبة الباب ما توصلها
محمد :عمي اني شكتلها كتلها مدرسة ماكو لان ولد وشباب وذني بنات حتى اخو ما عدهن يدافعلهن
ابو حسين :ايي انت صير خوش اخو ودافعلهم
لو تريد تنهى عليهن سكط
محمد : عمي ليش تغلط فوك ما اني خايف عليهن من هذا المجتمع الجايف
ابو حسين :جايف لان بيه امثالك
واذا بعد توصل عتبة الباب احش رجلك حش
وكول لابوك الشفية عمي طردني واذا اوصل لفرعهم يحش رجلي حش
محمد : اول مرة يحجي عمي وياي بهيج طريقة اني شمرت الجكارة من ايدي وفتريت درر وجهي وكبل للكهوة
كعدت وحدي والدمعة بطرف عيني من القهر
محد حاجي وياي بهاي الطريقة من صرت لهسة
وحلفت الة اندمة

هناك بيت ابو حسين
ام حسين صاحت ها عيني شبيج ضايج
راح تسؤلون ليش ابو حسين وام حسين وهم عدهم بس ٣ بنات
هاي راح تعرفوها بالجزء الي يجي .....

يتبع