النجفيه و البغدادي

part 3

فهد : جنت ادرب الشرطة وسمعت موبايلي يدك ... اخذت استراحة خمس دقائق فتحته الو ...... سمعت صوت ريناد تصرخ وتطلب الحكها انوب سمعت صوتها تصرخ سمعت صوت رجل خالتها عرفته جاي يعتدي عليها دين ما بقى براسي طلعت اركض اخذت سويجي ودست بنزين اتصل عليها مجاي ترد المشكله نا اعرفها وين خاف اروح لبيت خالتها يالله خلي اروح ماعولت اوصل ...... وصلت بسرعة وكفت لسيارة حتى ما قفلتها دكيت الباب ومحد طلعلي باوعت اكو سيم بالباب جريته وطبيت بسرعة للبيت اباوع هاذا صوت ريناد جاي تصرخ طبيت بسرعة باوعت اكو واحد نايم فوكاها وهاي جاي تصيح جريته بسرعة منها باوعتله رجال جبير الشيب تارس راسه ضربته بوكس طاح بالكاع ونمت فوكاه لا يكلب لا يسافل كمت اضربه بدون ما احس نار وجت بكلبي هيه هاي الامانه الي خلوها يمك تتعدى عليها حسيت ادين بارده على جسمي

اسعد.: وخر ك........

ريناد : فهد حباب عوفة راح يموت جوة ايدك حباب راح يموت

فهد.: كمت نزعت قميصي وخليته عليهة وكتله اهدئي اني يمج ما راح بسوي لك شيء

ريناد : بس بجي............... صعب على بنيه تتقبل الي صار بيها حتى لو مكانت مو زينه مو شريفة الشرف عزيز اني كل شيء انسلبت منه بحياتي بقالي بس شرفي و كرامتي لو ما فهد هسه الله يعلم بحالي توقعت كل شيء يصير ويايه اله أتعرض لعتداء فهد 

فهد : بخوف ريناد شبيج سوالج شيء هاذا النذل اخذج احجي موو وكفت كلبي

ريناد : بخوف لالا 

فهد.: بأريحيه اسكتي هسه والله محد يدنالج وانعل والديه ...... فزيت على صياح مرة

سعاد.: طبيت للبيت هذا اسعد وجهة مدمه وريناد وهاذا الضابط  الي وصلنه ذاك اليوم  ...... هاييييي شصايررررر

اسعد : بتعب همزين اجيتي تعاي شوفي هاي الي لفيتيها لبيتنا طلعت جايبه واحد للبيت 

سعاد : صدك  ولج انتي شنو من بنيه لهنا وصلت بيج تجيبين زلم للبيت لا يا دب سز ليش هيج

ريناد.: بصياح جذاب والله جذاب

سعاد.: طول عمرج مثل اهل ابوج ........ عليمن تطلعين

فهد. : بهدوء  اذا هيه كح......... وانتي وزوجج شنو هاا  اوكفي خلي اسمعج انتي تدرين بين ضابط استخبارات واي مكالمه تجيني تضل مسجله بالموبايل ودخلت على التسجيلات  وسسمعتها مكالمه ريناد

سعاد : لطمت  على صدرها  لا يا اسعد لاياسافل ولك طفله بكبر احفادك بشنو دنت نفسها لك انته شنو من بشر

اسعد.: بس  اسمعيني ان.........

سعاد : اش اش وباوعت لضابط اني ريناد ما عليه بيها وديها اهل أبوها تذبها بالشارع شنو تريد تسوي بيهة سوي اهم شيء ما تضل بيتي