هلوووو
عيون غزاله
بقلم.... زهرة الواقع
.........
ريلام...
ضليت صافنه بوجها حبتك حيه ام عشرين راس فتحت الباب ونزلت
زمال صدك عصبني اني بيا حال وهوه يكلي احبچ
صار بصفي بل سياره ومنزل الجامه
صگر... ريري فدوه للعصبي رحت تعالي حبيبتي تعالي
ريلام.... شفت شرطي واكف رحتله عمو
الشرطي... ها بابا
ريلام... روح ذب صگر بل سجن حباب
الشرطي... ليش ههههه چا هوه ياهو اليجي نذبه بل سجن
ريلام ... يريد يخطفني رد مفزوع
الشرطي.... وينه
ريلام.... اشرتله على سيارت صگر شافها من ذني الزينات باوعلي ورد باوعلها
الشرطي... تعرفي انتِ
ريلام.... لا زين وديني للمستشفى مااندلها دك هورن صگر نزيت
الشرطي... هله بشيخ صگر شلونه ابو جاسم ان شالله بخير
صگر .. يسلم عليك فدوه اروحلك
الشرطي.... صدك شيخ تتحرش بنات العالم ما مرجيه منك
صگر.... وسفه ولد الشيخ يتحارشون ماعيب وعلي
يلا بويه تعاي اصعدي
ريلام.... والنبي محمد ولا اصعد عمو وصلني للمستشفى حباب
صگر.... انه اوصلج تعاي
ريلام... صگر والعباس كلبي نار على فوفه وانته ردت اكمل خزرني خفت رحت صعدت بصفه سلم على الرجال وشخط السياره
همست مره ثانيه لتخزرني صگر ماتايهتلك خوش
صگر.... شردي تكولين
ريلام... تسخت
صگر.... هنوب تحجيها بكل صلافه
ريلام... يلا اسكت لتحاجيني
صگر.... نجبي ولج مو انتِ بطول الزبانه تسكتيني ما اسكت بكيفي
ريلام..... لتتتغلط عليه خوش
صگر... هوش الينطحج اغلط وبكيفي
ريلام... سكتت دايره وجهي عنه وصلنه للمستشفى نزلنه ليهم لكيت غزاله ملثمه ودموعها تدير كعدت بصفها بدون صوت لزمت ايدها فوفه شلونها
غزال... منا لربعه وعشرين ساعه اذا ما كعدت غيبوبه تصير بيها
اباوعلها ساكته ماكو اي رد فعل خفت عليها صگر كعد بصفها يحاجيها وهيه ساكته مرت الاربعه وعشرين ساعه
وفقدت فوفه طبت بغيبوبه الله اعلم يمته تكعد
امي من درت خرت وكعت شكل بيها سكر بسرعه.... نتهيت امي واختي وهاي لا حس ولا نفس جامده كاعده على الكرسي
