منتقبة وملتحي

البارت التالت

بد مغادرة والد ليان وعبد الرحمن جلست الفتاتين وبدأو في التحدث
ليان: انا خايفة اوي احنا منعرفش حد هنا
عائش: متخفيش انا هعرفك ع مصر كلها
ليان: عرفاكي يختي مش عارفة هتوصلينا لاية كل يوم واحدة تكسفنا
عائش: كسفة ف الدين مجراش حاجة
ليان طيب قومي يختي نرتب شنطنا
عائش: طيب يلا....
بدأت الفتاتين في ترتيب المكان...وسمعو الباب بيخبط
ليان:  انا خايفة مين بيخبط
عائش: اتهدي اكيد صاحبة السكن روحي افتحي الباب لحد ما اللبس
ليان: لا افتحي انتي
عائش:  يبنتي لي الخوف طيب شوفي مين لحد ما اللبس النقاب
ليان: حاضر...مين
ام احمد:  انا ام احمد صاحبة السكن
عائش:  وسعي افتح..  معلش يطنط صحبتي بتخاف
ام احمد: ولا يهمك يبنتي اخوكي وصاني انزل اطمن عليكم كل فترة
عائش: اتفضلي يطنط انا عائشة ودي السكرتيرة بتاعتي ليان
ام احمد: ربنا يبارك فيكم يبنتي عايزين اي حاجة
عائشة: عايزين سلامتك يطنط ليان معاكي اهي يطنط انصحيها تبطل كسوف انا هعملكم احلا ايس كوفي
ليان: انا سكتالك من الصبح من الصبح هاجي اضربك
عائش:  اخيرا نطقتي...  وبابست ام احمد من خدها معلش بقا يطنط هسيبك مع صحبي الخجول
ام احمد: ماشي يبنتي ربنا يبارك فيكي..  اي يلو الخجل دا من الصبح مسمعتش صوتك انتي وعائشة صحاب ولا متعرفين ع بعض جديد
ليان:  لا احنا صحاب من الطفولة بس هي جريئة وبتتكلم مع كل الناس كانها عشرة معاهم انا بتكسف اتكلم مع حد معرفهوش
ام احمد:  ربنا يحميكم يبنتي انا اعتبريني زي مامتك اي وقت تحتجيني هتلاقيني معاكي
ليان حاضر يطنط
عائشة:  وهوووووب احلا مسا عليكم اتفضلو بقا احلا ايس كوفي عليكم
ليان: طيب ورينا يختي علي الله منرحش المستشفي
ام احمد: لا ان شاء الله مفيش مستشفيات دا شكلة جميل
ليان: لا يطنط اسكتي انتي متعرفيش حاجة دي عمرها ما دخلت المطبخ
ام احمد: ان بقي كدا ربنا يستر
عائشة: بقي كدا لا يطنط انا بعرف اعمل كل حاجة هاتي يا اختاه اذا خايفة ع نفسك
ليان:  لا بهزر يصحبي تعرفي يطنط عائشة بتعمل كل حاجة
ام احمد: ههههه ربنا يحميكم اسيبكم انا

عائش: خليكي. يطنط قعدتك حلوة
ليان: اه والله يطنط احنا انبسطنا اوي بوجودك
ام احمد معلش بقا يولاد ابو احمد ع وصول لو احتجتو حاجة انا فوق اطلعولي
عائش: حاضر يطنط ربنا يباركلنا فيكي
ام احمد:  ويبارك فيكم
عائش:  يلا يا اوخت نكمل ترتيب
ليان:  حاضر.. بت مين روح قلبك دا بتحبي ولا اي
عائش: اه بحب دا حبيبي وروحي وكل حياتي وحشني اوي ابن الاية
ليان: ازاي يعائش متعرفيش دا حرام
عائش: حرام اي اخرسي خالص قال حرام قال
ليان:  ربنا يهديكي يا عائش
عائش:  ويهديكي يا اوختششي...  يلهوي دا رانن فوق التلاتين مرة دا هينفخني
وانا بابا رانن هرن علية
عائش الو عامل اي يحبيبي يقلبي
عبدة:  مش بتردي لية بقالي ساعة برن
عائشة اسفة والله مشفتش الرنة خالتو ام احمد كانت عندنا
عبدة طيب مش المفروض التلفون يبقي جنبك انتي وليان ولا حد بيرد ينفع كدا قلقتونا
عائش:  معلش والله هي جت فجأه وتلاهينا في الكلام.
عبدة طيب انتو كويسين
عائشة: الحمد لله احنا عال العال انتو بقي وصلتوا لفين
عبدة: خلاص طالعين من اسيوط سلام يقمري وابقي ردي ع موبايلك الي حصل النهاردا ميتكررش
عائش: توصلو بالسلامة وسلملي ع ماما كتير سلان
ليان: عائش ممكن نتكلم
عائش: اتكلمي يعبيطة انتي بتستأذي
ليان: مين الي بتكلمية دا ومحكتيش علية لي وانا اسفة هقول لمامتك
عائش: اخرسي يمجنونة تقولي لماما اي دا اخويا عبدة
ليان: متكدبيش يعائش الي بتعملية غلط والغلط بيجيب غلط مش معني سافرنا ان نخون سقة اهلنا
عائش: يبنتي دا عبدة هرن علية اهو وشوفي
عبدة: اي يبنتي في حاجة حصلت
عائش لا يحبيبي بس الاستاذة كانت مفكراك واحد بكلمة
عبدة:  اي الكلام دا مش فاهم
عبدة: لما رنيت عليا ليان شافت ان مسمياك روح قلبي بتقولي مين دا قلتلها حبيبي
عبدة: ما انتي الي غلطانة قلها عبدالرحمن وخلاص لازم تلفي
عائشة: انا بحب اثير الجدل هههه سلام
ليان: انا اسفة
عائش: مش هسامح الا لو عملتي حاجة ناكلها هههه
ليان: حاضر طول عمرك همك ع كرشك
وقضي الصديقات يومهم بين الجد والمرح
عائش يلا بقا ننام النهاردا كان يوم متعب
ليان: فعلا علي الله بقي نعرف نصحي الفجر نصلي
عائش: ان شاء الله هنصحي
ليان: تعرفي يعائش مش مصدقة ان خلاص كلها اسبوع وهنروح الجامعة وهلبس النقاب
عائش ان شاء الله يقلبي يلا بقا ننام
ليان: تصبحي ع خير
عائشة وانتي من اهل الخير
.............
عائش يبنتي
عائش: اي يلو في اي
ليان: مش عارفة مش جايلي نوم وحاسة بقلق ما ترني ع عبدة نطمن علشان بابا بينام علشان العلاج
عائش: حاضر...  السلام عليكم
عبدة وعليكم السلام  في حاجة
عائش لا كنت متصلة بطمن وصلتوو
عبدة لا القطر واقف بقالة ساعتين ف سوهاج
عائش توصلوا بالسلامة وعمي البحيري كويس
عبدة: الحمد لله كويس
عائش:  طيب الحمد لله سلام
ليان اي كلة تمام
عائشة: الحمد لله بس القطر واقف ف سوهاج من ساعتين اتهدي بقي ونامي
ليان: طيب هنام اهو
مجهول:  الو ليان معايا
ليان:  ايوة مين
مجهول: والد حضرتك عمل حادث
...  لاااااااا باباااااا
عائشة:  مالك يبنتي في اي
ليان:  كبوس انا خايفة ع بابا وعبدة شفت كبوس وحش اوي في حد كلمني وقال ان بابا
عائشة: متحكيش ومفيش حاجة ان شاء الله اكيد علشان انتي خايفة ع بباكي انا هاجي انام جمبك
نامت ليان وعائشة تطمنها وتهديها
وفي الصباح مع اذان الفجر فاقت الفتاتين
وصلوا فرضهم وقرأوا وردهم
عائش: انا جعانة اوي
ليان:رتبي انتي السرير وانا هعمل احلا فطار
عائش: تمام يسكر...  خدي تلفونك بيرن بباكي
ليان: هاتي السلام عليكم ازيك يحاج واحشني اوي
مجهول: وعليكم السلام حضرتك تعرفي صاحب الرقم
ليان: ايوة رقم بابا مين معايا
مجهول: انا اسف بس بباكي عمل حادث بالقطر وتنقل ع مستشفي***** بقنا الو الو يا انسة الو
عائشة: ليااان ليان..  الو ازيك يعمي
مجهول: مين معايا فين الانسة
عائشة:  انا عائشة صحبتة ليان مش دا رقم والدها
مجهول انا اسف بس والد الانسة ليان اتنقل ع مستشفى ******بقنا عمل حادث بالقطر وفي شاب معاه اتصلنا بوالدتة
عائشة وعيناها مغرقة بالدموع يارب سلم يارب سلم قومي يليان خلينا نعرف هنعمل اي
يطنط الحقيني ليان مغمي عليها ممكن تساعديني
ام احمد: يبنتي متعيطيش ان شاء الله خير وصحبتك هتفوق
ليان: بابا حبيبي فين بابا يعائش هو كويس صح
عائش: ان شاء الله يليان هيكونوا كويسين هرن ع ماما
لو ماما احمد وعمي عاملين اي
حسنية: والله لسة يبنتي في العناية المركزة انتوا متقلقوش نفسكم وطمني صحبتك وبلاش عياط
عائش: انا هنزل يماما مقدرش  اسيب عبدة وهو كدا
حسنية: طيب يبنتي الي تشوفية
عائش:  قومي بقا يليان علشان هننزل انا اسفة يطنط شغلتك
ام احمد: عيب كدا يبنتي انتوا عندي زي احمد وندي
ليان تسلمى يطنط
وسافرت ليان وعائشة والقلق داخل قلبهم
يارب سلم يارب سلم
وصلو المستشفي وحضنت ليان وعائش الست حسنية ودموع مغرقة عيناهم
حسنية: خلاص يولاد ان شاء الله خير ادعولهم انتوا بس
خرج الدكتور من غرفة العمليات
حسنية.: طمنا يدكتور
الدكتور: الشاب اتعدي مرحلة الخطر بس في كسر بسيط ف دراعة
حسنية: والحاج البحيري
الدكتور:  انا اسف البقاء لله
نزلت الجملة ع ليان كالصاعقة
عائشة ليااااان انتي اغميتي تاني
حسنيى لاحول ولا قوة الا بالله
...................................
حسنية عاملة اي يدكتور ليان
الدكتور: اديتها حقنة مهدأ شوية وهتفوق والشاب لو كمان شوية وهيفوق اتفضلو شوفوة
عائشة: انا زعلانة اوي ع ليان يماما كانت بتحبة اوي انا هطمن ع عبدة وهقعد جنبها
حسنية: كلو قضاء ربنا يبنتي ربنا يصبرها
عائشة: الف سلامة يعبدة
عبدة انتي جيتي الله يسلمك عمو البحيري عامل اي
حسنية تعيشةانتا يبني
عبدة لا حول ولاقوة الابالله العلي العظيم وليان عاملة اي
عائش فكرتني صح اروح اشوفها الدكتور ركبلها محلول
....  ليان يحبيبتي البقاء لله
ليان: سبحان من لة الدوام هو ف مكان احسن مش كدا 😢
عائش: طبعا يبنتي هو في مكان احسن بكتير وبلاش الدموع دي علشان متزعليش بباكي
ليان: هيوحشني اوي مش مصدقة ان خلاص مش هسمع صوتة تاني
عائش: ادعيلوا بالرحمة
ليان ربنا يرحمة عبدة عامل اي كويس مش كدا
عائش الحمد لله كويس
ليان: انا عايزة اخرج من هنا
عائش: حاضر هشوف الدكتور وهرجعلك
حسنية عاملة اي يليان
ليان: الحمد لله يطنط
حسنية البقاء لله يبنتي
ليان سبحان من لة الدوام
حسنية متعيطيش بقا يبنتي وانا زي والدتك وانتي عارفة دا وعائشة وعبدة اخواتك الا اذا كان عندك اعتراض
ليان: والله يطنط يشرفني
عائشة: سالت الدكتور وقال ممكن تطلعي النهاردا
ليان: انا عايزة اشوف بابا
حسنية: انا اسفة يبنتي بس هيغسلوة ويكفنوة وهيدفنوة من المستشفي
ليان: لا يطنط انا عايزة اشوفة لو لمرة😭
حسنية حاضر يبنتي روحي يعائش شوفي اخوكي
عائش:  حاضر يماما
حسنية: يبنتي متقطعيش قلبي بلاش عياط يليان متعيطيش بباكي هيزعل منك
ممرض: لو سمحتي يمدام اتفضلي علشان نجهز المتوفي
حسنية يلا يبنتي
ليان: ينفع اطمن ع عبدة يطنط
حسنية تعالي يبنتي
ليان الف سلامة يعبدة
عبدة الله يسلمك البقاء لله
ليان سبحان من لة الدوام وستوووووووووووووب وصلنا لاخر حلقتنا ياتري هيحصل اي معاهم وليان هتعيش فين وهيسافروا تاني ولا لا وقصة عبدة وليان معرفناش كل دا هنعرفة الحلقات القادمة يلا تشجيع علشان اكمل احسن ما اكسل واتخيل مع نفسي😂
بقلم اسراء علي