"شـــــــارع الصدفه"
"بقلم: طيبه
مرة حبينة وعشگنة
وغنت أم كلثوم حُبنة
والآذان يصيح حيهم،
والأمام يصيح خلهم
والعشاير رفضت
الحب الحقيقي
وحللت بالتفگة دمنة..!
............................................................................
يوم الأحد الساعه السابعه صباحاً
رائد: فردوس _ فردوس كومي بويه كعدي ألاولاد صارت ساعه سبعه عدهم دوام
فردوس: صباح الخير
رائد: صباح النور
فردوس: كاعد اليوم قبلي
رائد: أي ولله اتصلو عليه على الشغل ولازم اروح
فردوس: انتضر اسويلك ريوك قبل لتروح
رائد: لا بويه مستعجل هناك أكل، ياله اني رايح اذا تردون شي اتصلو عليه
فردوس: خوش عيني الله وياك
كمت عزلت الغرفه وطلعت رحت لغرفه ولدي شفت حارث كاعد، صباح الخير ماما
حارث: هلا يمه صباح النور
فردوس: اسويلك ريوك قبل متروح للمستشفى
حارث: لا يمه ماشتهي ولله من اجوع أكل هناك، وهذا مجد كعدي يراجع مو جنه تيس نايم اربعه وعشرين ساعه
فردوس: يمه على كيفك وياا هم خطيه يضل يسهر بس يقره
حارث: كلش يقره يقراله كلمه ويصفن ساعه
مجد: يالله من الصبح تاخذون بغيبه العالم ومتخلوها نايمه متكولون خطيه تعبان سادس كاتله الضيم والعوز
حارث: دكوم ابو الموز تعبان من شنو كل ماشوفك لو لازم الجهاز لو نايم
مجد: انت تجي بس من ألزم الجهاز
حارث: دكوم ياله طلع الكتب واقره وياويلك اذا اجي والكاك نايم لو على الجهاز الا اكسره براسك
مجد: من صباحيات الله يتكسر الراس فهمت ولله فهمت
حارث: خوش
مجد: أكلك
حارث: كول
مجد: ولك لا تلبس بنطرون أسود
حارث: ليش بي شي
مجد: اي موحلو البنات ميحبن البنطرون الاسود للولد
حارث: واني لابسه الي لو للبنات بعدين اذا ميحبن الاسود شنو يحبن لعد
مجد: لا مو علمود تجذب نضرهن الك ألبس بنطرون احمر وقميص احمر تطلع بطل گجب أصلي ولله
حارث: يمه طلعي هذا من الغرفه لا والكافل اكوم اجرم بي واطلع حركه هذا التقرير براسه
فردوس: هههههه ولك مجد يمته تبطل سوالفك هاي
أنت تقرأ
شـــــــارع الصـــدفــــــه
Romanceصدفه قديمه أرتوت في شارع ما حيث القى كُل شخص نفسه للأخر.. وبعد مرور كُل هذا الوقت هل القدر سوف يجمعهما من جديد.. ام كل شخص يرحل في طريقه.. هل سيصبح بينهما كلام.. ام يلتزمان الصمت.. هل سوف يحاربان الزمان والمكان لكي يصبحا لبعض.. ام يتخلان عن بعضهما...
