اسمي بين صفحات الماضي

البارت 4

البارت الرابع
خير وش تبون جايين هنا
حبيت افشلها لانها مرره استنقصتنا وما رحبت فينا اجل كذا يرحبون بالضيف نطقت باستهزاء:وعليكم السلام
ناظرني ابوي وابتسم على حركتي حول نظره ونطق باستهزاء مثلي:مابترحبين بضيوفك ولا بنرحب حنا بانفسنا ..واشر بيده على الكنب وناظرني:تفضلي اقعدي ياجود البيت بيتك
احتقن وجهها بالون الاحمر بغضب : ما احب ارحب بحيوانات وبعدين..وهي تاشر على الباب.. يلا الباب يوسع مية جمل انقلعوا يلا
تحولت ملامح الجدية بوجهه نطق وهو متجاهل كلامها:رح تجلس جود هنا اسبوع
تطقت الجده باستفزاز:تراك غلطان بين الميتم وبيتي
نطق بحده:حدك جود ..جود خط احمر تراني محترمك لكبر سنك ولا كان انتي الحين بالشارع
ما تنكر انها تخاف منه صحيح انه ما تبان ملامح الغضب بوجه بس حدته وجديته لحاله ترعبها ..نطقت وهي ترفع حاجبها بهدوء تحاول تخفي خوفها منه:بس اسبوع واحد لا اكثر
ابتسم بهدوء لجود :تم

..اخذ الشنطه وهو  يطلع بالدرج وجود خلفه
فتح باب احد الغرف وترك الشنطه على الارض نطق بهدوء:يلا انا رايح
انتبهي على نفسك
هزت راسها'بايه' راسها بهدوء:لا تخاف علي.. بس انت مارح تجلس هنا
مسفر:لا معاي شغل فوق راسي ما اقدر امر لك..وتابع كلامه وهو يمشي للباب :يمكن بعد اسبوع ..مع السلامه
تناظره بهدوء لين قفل الباب خلفه زفرت بضيق وهي ترمي نفسها على السرير :اوووووف وش يصبرني جلس مع هالخنزير اووف
ناظرت الغرفة بتمعن وعدلت جلستي كل شيء فيها بالون الرمادي السرير الجدران الستاير ..اعطاها منظر هادئ  ..لفت نظري كتاب بالون الاسود اخذته باستغراب نفضت عنه التراب واضح انه هاذي الغرفه مافي احد يدخلها ..فتحت اول صفحه مكتوب فيها بالخط العريض "مذكراتي"  ابتسمت بلؤم :بنشوف وش كاتب بمذكرته اتمنى انها تكون مفيده ..قلبت الصفحه الثانيه... مكتوب فيها"انا اكره اخوان  زي كذا ما ادري هم يخافون علي بس احس نظراتهم كلها كره،،  وكاني ماكل حلالهم مع انه انا اعاملهم باحترام بس هم عندهم قاعده "عامل الحسنه بالسئه"كل مرره اسمعها منهم حتى اخواني الي اصغر مني احترمهم وكانهم اكبر مني ..خلاص مليت من هالحياه ،مو مصبرني الا ابوي وامي ،احس الحياه لها طعم ثاني ..عندي امنيه وحده ..انه بس نبغى بهذا البيت انا وابوي وامي وبس ..وطبعاً زوجه المستقبل ".
استغربت من هذا الي كاتب كذا والواضح  امه كاره اخوانه وحاقد عليهم قلبت الصفحه الي بعدها ومكتوب عليها"انا احب بنت جيرانا ..كل يوم اقعد بدرج البقاله عشان اشوفها لما تروح وترجع من المدرسه وأحياناً اذا كنت مريض اناظرها اناظرها من البلكونه..ودي اصيح واصرخ باعلى صوتي احبك ياخلود".
ابتسمت بحزن لما عرفت انه هاذي بتكون امي ..يعني هذا كتاب ابوي هنا كان معانا عاشق ولهان ..كنت عارفه انه ابوي يحب امي بس ما توقعته لهاذي الدرجه يحبها انه يصيح باعلى صوته ويصرخ بحبه لها..
قفلت الكتاب ورجعته لدرج..تمددت بالسرير ..ناظرت بالسقف لين نامت
**********
*******
جالسه فوق الكنب بضجر مر يومين  وكانها سنه من الملل والطفش الي عايشته الخنزيره ما تجلس بالبيت بقولها انه ما تجالس حيوانات ..وهذا الي مريحه ..يقال مايته عليها ..قطع افكارها الجرس قامت بتكشيره وهي تمشي لناحيه الباب :اووف ذي على الاقل تكمل جميلها وتجلس خارج البيت يومين زياده ..فتحت الباب استغربت لما شافت الخنزيره ومعاها حرمتين ناظرتني بابتسامه وهي تضمني بهدوء وتسالني على حالي ..بصراحه انصدمت منها ومن تصرفها قلت يمكن تبي شيء مني ولا كيف كذا تنقلب من خنزيره الى غزاله ..خلني اسوي مثلها وانشوف وش تاليتها ..رديت عليها بهدوء وسلمت على الحريم ..دخلت هي والحريم الصاله وجلسوا على الكنب ..كنت طالعه لغرفتي مالي خلق لها بس استغربت لما قالت اجلسي ..جلست على الكنب باستغراب كنت استمع لكلامهم بصمت ..