اسمي بين صفحات الماضي

البارت 9

ام ياسر وهي تاخذ كاسه العصير:مشاءلله هاذي ساره تغيرت
ام مشعل:من اي ناحيه
ام ياسر:من كل النواحي احلوت
ساره بخجل:عيونك الحلوه
ام ياسر:انخطبت ولا لساتها
ام مشعل:لا وش دعوة بعدها صغيره وبعدين ساره تبي تخلص الجامعه
ام ياسر بابتسامه:مشاءلله الله يوفقها ..بس لو انخطبت خطبه بس وتكمل دراستها
ام مشعل بابتسامه وهي تعرف مغزى ام ياسر من كلامها:والله لذاك الوقت ما ادري وش اقول..
ام ياسر وهي ترد على وليد الي اتصل عليها :هلا
وليد:يمه انا عند الباب
ام ياسر وهي معقده حواجبها:ليه جيت لنا
وليد :ايه يمه لا تتاخرين
ام ياسر:انا اوريك ياوليد ان ما علمت ابوك ما اكون امك..ختمت كلامها وهي تسكر الجوال بوجهه ..قامت وهي تلبس العبايه وتتأسف من أم مشعل على الزياره السريعة مشت وخلفها جود دخلت لسيارة نطقت وهي تقفل الباب:وليد لهنا وبس تراك زودت فيها تجي متى بغيت
هو بكيفك
وليد بابتسامه:لا ابد يالغاليه بس كنت مستعجل واحتمال ما اقدر امر لك مرره ثانيه
ام ياسر وهي تصغر عيونها:وش ورا هالابتسامة
وليد بابتسامه:يعني يمه ليه لازم اذا ابتسمت يعني شي وراي
ام ياسر:اكيد كانت قافله معاك والحين مشاءلله الابتسامه شاقه الحلق
فرحنا معاك
وليد :بعدين بتعرفين

جالسه تسمع لكلامهم بهدوء وهي مستغربه من هالابتسامة..ملت وهي بيت ام مشعل سوالفهم بايخة وجوهم زفت لو كانت تدري كان ما جاءت عرفت الحين ليه رافضين وسن ومي انهم يجوون عند صديقات امهم بس لساته مو سبب مقنع انه يحلفون ويحرمون انهم يروحون مع امهم..قطع تفكيرها صوت خالتها :يلا ياجود وصلنا
نزلت بهدوء ودخلت وهي ترد السلام على عمها وسن ومي جلست بهدوء
ابو ياسر بابتسامة :كيف غيرتي جو
جود بابتسامه عشان تقهر وسن ومي:ايه مرره يجنن
وسن:شكله عاجبك سوالف الحريم
دخلت ام ياسر وليد وراها جلسوا وهم يردوا السلام
ابو ياسر بترحيب لام ياسر :ياهلا والله نور البيت
ام ياسر بتعقيده حواجب:وش فيك اليوم انت ولدك.. ترحب فيني مو من عوايدك
ابو ياسر:افاا افاا وش فيني انا وولدي
ام ياسر:مدري اسئله
وليد:ماله داعي انك تسألني انت تعرف
ابو ياسر:اها صح ذكرتني معانا عزيمه باكر
ام ياسر: وش عزيمته
ابو ياسر:فهد جاء من السفر
ام ياسر:الحين كل هذا عشان انه فهد جاء من السفر
ابو ياسر:ايه اكيد وانتي تدرين بمكانته ومعزته عندنا
ام ياسر وهي تقوم ونطقت بهدوء:ايه

وسن بهمس:تعالي معانا
هزت جود براسها ومشت وراهم بهدوء..دخلت للغرفة وهي تشيل النقاب والشيله وترميهم بالارض باهمال..نطقت بهدوء:وش عندكم
وسن رفعت حاجبها:أولاً وش ذا الكسل الي فيك ترمين الملابس بالارض..ثانياً ما عندنا شيء بس انتي قصي لنا وش صار امي ما قالت شيء وليه جيتوا بهالسرعه
جود بهدوء:لحضه لحضه بقولك على كل هالاسئله حواب واحد بس..ما كملنا رسميات الا واخوك الخبل داق يقول انا تحت انزلوا
وسن:بس هذا الي صار ما شفتي ساىه بنت ام مشعل
جود بتذكر:ايه شفتها مشاءلله تجنن
مي بابتسامه:هاذي ساره امي تبي تخطبها لياسر اخوي
جود بضحكه خفيفه:بصراحه حسيت بهالشيء لانه امك تقول لها عادي لو خطبوها بس تكمل دراستها
وسن :ايه بصراحه انا كارهتها
حود:خرام عليك واضح انه طيوبه
مي:ندري بس امي عورت روؤسنا كل يوم وهي تمدحها ساره سوت وساره عملت صيروا مثلها
وسن:انتظري بعدين لما ننزل نسوي العشاء بتقول لو شفتوا ساره كيف هي مؤدبه وصوتها هادئ وكلامها راقي ينطرح القلب عليها عسل ذيك البنت عسل
جود :وانتي وش دراك
وسن :امي وعارفتها كل ما راحت عند احد..وجاءت عندنا تمدحهم
جود :طيب بعدين ونشوف