မထင်မှတ်ထားတဲ့ကိစ္စတစ်ခုကြောင့် မနက်စာကိုပိုလုပ်ရသည်။
လွယ်လွယ်ကူကူ macaroni cheeseပဲလုပ်ထားပေမယ့် တစ်ယောက်သောသူကြောင့် Pastaပြောင်းလုပ်လိုက်ရသည်။ Cheese အနံ့ကိုမကြိုက်ဘူးဆိုတာကJiminခေါင်းထဲရောက်လာပြီး Pastaထပ်လုပ်ရသည်။"ဖေဖေ ဒီနေ့ Pastaလား"
အိပ်ချင်မူးတူးရုပ်လေးနဲ့ဗြောရောက်လာပြီးသူ့ကိုမေးသည်။ ဆံပင်လေးကိုခပ်ဖွဖွပွတ်လိုက်ပြီး.
"ဟုတ်တယ် သမီးလေးရဲ့ ဒါပေမယ့် Macaroni Cheeseလည်းရှိတယ်"
"Pastaပဲစားတော့မယ်"
"မင်းသမီးလေး သဘောပါဗျာ"
ဗြောက တစ်ခစ်ခစ်ရယ်ကာ ထမင်းစားခန်းထဲကိုသွားသည်။ ထမင်းစားခန်းထဲမှာ..
"App..အဲလေ မဟုတ်ပါဘူး ဦးဦး Yoongi"
"ဗြော"
Jimin မီးဖိုခန်းကနေချောင်းကြည့်လိုက်မိသည်။ ဗြောက သူ့ပေါင်ပေါ်ကိုထိုင်ကာရယ်ပြနေသည်။ သူကလည်း သွားတန်းလေးတွေပေါ်တဲ့အထိရယ်လို့..
"ဦးဦးက ဒီကိုအလည်လာတာလား"
"မဟုတ်ဘူး သမီးလေးရဲ့ ဟိုနားကအိမ်ကိုပြောင်းလာတာ"
"ဟာ ကောင်းတယ် ဦးဦးနဲ့လာဆော့လို့ရပြီ"
"ဒါပေါ့ အချိန်မရွေးဘဲ"
ဗြောရဲ့ရယ်သံလေးတွေသည်စီစီရီရီထွက်လာသည်။
တစ်ခါတစ်လေတော့လည်းအတိတ်ကိုပြန်စဥ်းစားမိပြန်ပါသည်။ ဒီလိုတွေသာမဖြစ်ခဲ့ရင် သမီးလေးကလည်း သူ့အဖေနဲ့...
ပျော်ရွှင်စရာမိသားစုလေးပေါ့...အပြစ်မတင်ပါဘူး။ တစ်ခါတစ်လေ 0 နေပြန်စလို့ရခဲ့ရင်ပေါ့ ပြန်ပြီးပြောင်းလဲနိုင်ခဲ့မယ်ဆိုရင်အဲ့ဒီအချိန်မှာ ကျွန်တော့်မျက်စိတွေကိုဖွင့်ထားမိမှာ။
ခင်ဗျားတစ်ယောက်တည်းကိုမြင်ခဲ့တဲ့ကျွန်တော့်ရဲ့အမြင်တွေကိုဖွင့်ပေးခဲ့မှာ...ခင်ဗျားရဲ့စကားကိုပဲနား၀င်ခဲ့တဲ့ကျွန်တော့်ကိုကျွန်တော်ရော.."အ.."
နာကျင်တဲ့အသိကြောင့် အတွေးရေယဥ်ကြောထဲကနေထွက်ခွာလိုက်သည်။ အသီးလှီးနေတဲ့ဓါးက လက်သူကြွယ်ကိုထိသွားသည်။ တိတိကျကျပြောရရင် ဘယ်ဘက်လက်သူကြွယ်..
YOU ARE READING
SECOND
Fanfictionလူတိုင်းကဒုတိယအခွင့်အရေးနဲ့ထိုက်တန်တယ်လို့မင်းယူဆလား ဒါဆိုရင်မင်းဒီပုံပြင်လေးကိုနားထောင်ကြည့်ပါဦး... "ပင်လယ်သမုဒ္ဓရာတွေဟာ ကြယ်ငါးတွေကို ကမ်းခြေမှာတင်ကျန်ထားရစ်ခဲ့ကြတယ် သူတို့သိပ်ချစ်တာပေါ့ ဒါပေမယ့် ထားရစ်ခဲ့မှဖြစ်လို့လေ" "အဲ့ဒီလိုဆ...