هبه:.....
كريم: اييييه
رحمه: ايون ذي ماسمعت كده
هبه: دي حتي كلنا بنجبها
كريم: كده كتيير حرام عليكم دا انا حتي عايش معاكم في البيت في حد ياكل اخر يوم امتحاناتو سبانخ و...
رحمه: دي نعمه ربنا بردو
كريم: ماشي انا مقولتش حاجه بس..
انا داخل انام احسن ومحدش يصحيني عشان مش هاكل
رحمه: يلا احسن وفرت
هبه لما ابوكي يجي حطي الاكل
هبه: حاضر ياماما
معاذ: ماما انا جعان
رحمه: خلاص ياحبيبي جدو هيجي وناكل علي طول
معاذ: ماشي
.....
زينب: مردتش عليا في الموضوع اللي قولتلك عليه
احمد: موضوع ايه
زينب: انت لحقت نسيت الموضوع بتاع اختك
احمد: انا لسه مخلص النهارده معقول لحقت افكر
زينب: ماهي بنتي بردو وعايزه اشوفها
احمد: سيبيني افكر وارد عليكي وبعدين مش يمكن هيا هتنزل
زينب: ها لا ده بقي هيبقي في الحلم
احمد: خلاص اشوف واقولك
••••••••••••••••
في احدي الكافيهات في مكان اخر خارج مصر
حيث يجلس ادم منتظر قدوم شخص ما
...
علياء: ها اتأخرت
ادم: لا خالص
علياء: امم تمام انا درست المشروع كويس ولقيته انه.......
استاذ ادم انت معايا
ادم: هاا اه اه
كنا بنقول ايه
علياء: متأكد
ادم: اه اه اتفضلي
علياء: تمام بس احنا هنحتاج موقع مناسب
لان الموقع ده مش هيكون مناسب للمشروع
ادم: تمام احنا نشوف موقع يكون مناسب للتفاعل و...
علياء: بالضبط كده
تحب نبدأ ندور على الموقع من امتي
ادم: لو حابه من دلوقتي ماشي لو حابه من بكره ماشي
ضحكت علياء: دا انت شكلك متحمس علي الاخر
ادم: زي مابتقولي كده
علياء: تمام كده يااستاذ ادم...
ادم بضحك: مابلاش استاذ ادم دي احنا مش في الشركة قولي ادم عادي
علياء بنفس الضحكه: امم ماشي ياادم
ادم: هو انا ممكن اسألك سؤال
علياء: اتفضل
ادم: هو انتي مرتبطه
علياء: افندم
ادم: اسف لوضايقتك بسؤالي
علياء: لا ابدا بس استغربت
بس انا مش مرتبطه مستنيه الشخص المناسب
ادم بضحك: اه تمام
علياء بتردله الضحكه: ايه جايبلي عريس ولا ايه
ادم: ههههه
مش يمكن يكون انا
.....
''''''''''''''''''''''''''
في الصباح حيث تستيقظ يسرا علي صوت رسائل
فتحت موبايلها وكتبت
شات
اييييه كل الرسايل دي
ليلي: صحي النوم مش عندنا عروسه يعني
يسرا: نعم ياختي انتو اللي صاحيين بدري
بتول: مابدري ياحاجه الساعه 3
يسرا: ايه ده بجد
منه: مش من عوايدك النوم الكتيير ده
يسرا: عادي يعني كنت سهرانه
بتول: ها تحبي تنزلي امتي نجيب بقيت حاجتك
منه: تعالو ننزل علي 7كده
بتول: ماشي اشطا
يسرا: ماشي
ليلي: ماشي انا موافقه سلام دلوقتي بابا بينادي
البنات: سلاام
....
ليلي: نعم يابابا حضرتك نادتني
يحيي: اه تعالي عاوز اتكلم معاكي في موضوع
ليلي: خيرر
يحيي: انا جايبلك عريس
ليلي: ايييه
يحيي: انا مش عاوز رد دلوقتي فكري وبعدين ردي عليا
ليلي: بس انا مش بفكر في الموضوع ده دلوقتي
يحيي: لا فكري واحنا مستنين ردك
ليلي: طب هو انا اعرفه
يحيي: اه كلنا نعرفه وانتي يعتبر كنتي بتشوفيه كل يوم
ليلي: ومين بقي ده عريس الغفله
يحيي بأبتسامه واسعه: كريم ابن عمو اشرف
ليلي بصدمه: اييه انت بتهزر صح يابابا قول اللي انت بتهزر
يحيي: ايه عجبك
ليلي: عجبني ايه انا مش موافقه انت بتهزر صح وده اخر كلام عندي ولو هما فتحو الموضوع تاني معاك قولهم قالت لاااااا
يحيي: هو ضايقك في حاجه
ليلي: لا بس انا مش حاسه اني...
يحيي: علي العموم فكري
ليلي: ماشي ياحبيبي هفكر هفكر ايدك بقي علي ١٠٠٠
جنيه عشان نازله مع البنات نجيب فساتين
لفرح منه
يحيي: انا لو اعرف اني لوفتحت معاكي موضوع الجواز ده هيجي فوق دماغي مكنتش فتحته
ليلي بضحك علي والدها: ليه بس كده يايويو
يحيي: ههه ماشي ياستي لما نشوف اخرتها ايه
______________
في المساء حيث يجتمع الشباب في احدي المحلات
كريم: ها لقيتو حاجه
يوسف: احنا لسه داخلين ما تهدي
احمد: انا هروح اشوف كده الطقم ده
يوسف: تمام لو لقيت حاجه قولنا
....
في احدي المحلات التابعه للفساتين الاخري
حيث يجتمع البنات
يسرا: ايه رايكم في ده
👇🏻
