فرقتنا نزوة

المشهد

فرقتنا نزوة
غرقد الحسيني
....
المشهد الأول

أنتَ كلمة حبيبتي ما تكول ياحب هذا التحجي عليه انت حتى علاقتك وياي مثل الفرض عليك اي شبير اعترف انت مجبور عليه لا تكول لا وتبرر لان اصلا صار شهر على زواجنا و خطوبة شهرين يعني صار ثلاث اشهر وانت لليوم من تنام تنطيني ظهرك وتنام ولا يوم خليتني انام بحضنك ولا سمعتني الغزل جنت اكول هذا طبعه وكل انسان وشخصيته بس طلعت خطا تدري بيوم خطبتني فرحت كلت اخيرا راح يجي شخص يحبني واحبه ونعيش اني ويا بسعاده بس طلعت غلطانه طلع زوجي عقله كله يم الكتب والدراسة اني اخر محطة بحياته مادري ليش هيج حياتي
.......
المشهد الثاني

صافن عليهم واحد يأشر للثاني قررت أحل النزاع بينهم وابدا اني
تفضلوا صاير شي صار ساعة واحد يأشر للثاني اول ماسكتت ونزلت عيني للارض نطق الوالد

يابه شبير اريد اطلب منك طلب وما اريد تردني

يابه انت مو تطلب انت تأمر واني لازم انفذ من دون نقاش كولي يابه وعتبره تم
الله يرضى عليك يابه بالدنيا قبل الاخر من ماتردني

يابه ترى تعبت من الاخذ والعطا هسه غير اعرف شنو تريدون شبر احجي أنتَ لان الوالد متأكد كلشي ماراح يحجي

خويه نريدك ترد بنت عمك هاي بنت عمنا وعرضنا مايصير نطلكها مهما صار وأنت هم غلطان وبيك صوج

هاي صدك تحجون تريدون ارجعها من كل عقلكم مااكدر صعبة عليه نفسي ماتتقبلها

يابه واذا اكولك الخاطر هاي الشيبات رجعها مااريد أقابل اخوي باجر بوجه اسود ويعتب عليه ليش ابنك هيج سوى

وجهت نظري بين الوالد وشبر اريد احجي بس الكلمات ما تسعفني بقيت اباوع عليهم اريد تصير معجزة تنقذني من الجواب بس هيهات تصير معجزة ماانتهى لحد هنا بس صدمني شُبر من سترسل بالكلام صرت حتى ريكي مااكدر ابلعه موس ووكف بحنجرتي من كالي انت اخوي وغالي عليه وادري شنو بيك بس الخاطر العشرة والخاطر أويس رجعها انت مو تكول صديقي واخوي اذا اخوك يهون عليك تخلي متعذب هيج لا ليل ينام ولا نهار مايدري شنو يسوي تبقى اخته الخاطره رجعها وتبقى خالة الجهالي مانخلص من حجي ناس

يابه رجعها تبقى خدامة الك تعاونك انت كاعد تشوف وضعك الصحي شلون تعبان لا بيك تحرك ايد ولا رجل رجعها تخدمك وتقوم بواجبك ومن ترجع صحتك ازوج بدل الوحده تلاثة عليها بس انت اقبل حتى يرتاح كلبي
مااعرف شنو اكول وشنو احجي جان السكوت هو افضل حل رغم معرفتي بهذا الوقت السكوت بيه أكبر خطأ ويمكن راح تكون نتائج سكوتي صعبة بس ماكدرت احجي وفضلت السكوت بعد ما ذكروني بعجزي اليمنعني من أي شيء اكثر شعور صعب واحقر شي بالحياة هو حاجتك للناس بابسط شي بحياتك حتى واذا متقبلين وضعك بس يبقى صعب واقل شي يحسسك بنقصك وهذا الصار وياي تذكيرهم الي ذكرني بنقصي خلاني انزل عيني واقبل...