سلام 👋عليكم
🌺🌺🌺🌺🌺🌺🌺🌺🌺
# زواج_ بالاتفاق...
#بقلم: مدمرة_القلوب
_________________________
فهد دخل غرفته بعد ما ساب والده ووالدته
ولقي سيدرا غيرت ونامت باين علي ملامحها التعب
مسك كشكول من صغره معاه وبدأ يكتب فيه بيحس لما يمسك كشكوله دا بيرجع طفل زي زمان
خلص ونام جمب سيدرا علي السرير
في الفجر صحي فهد ولبس بدلته ونزل ولتاني مرة سيدرا تاخد بالها من كدا بس كانت تعبانه جدا والنوم غلاب نامت تاني
نزل فهد يقابل مصطفي
علي النيل واقف فهد بعربيته ونزل منها ووقف علي النيل مستني مصطفي
مصطفي من وراه: صباحك فل
فهد : صباحك قمر
مصطفي : الله الله دا احنا رايقين خالص اهو
فهد : إلي حد ما ...المهم قربت تخلص مهمتك
مصطفي : فاضل فيها يومين وان شاء الله هكون بتصل بيك وقت الغدا عندك عشان اعرفك بقدوم اختي وكإنك متعرفش اني بقابلك
فهد : طيب بس هتخالي بالك ي مصطفي من نفسك صح
مصطفي عارف ان فهد خايف عليه طمنه : متقلش انا هجيلك واقعد اقرف فيك زي كل مرة وتقولي يوووه هو مفيش الا انت
فهد : اتمني دا وحضنه وسلم عليه وودعه ومشي
فهد دخل البيت بدري لاحظ خروج ابراهيم بدري في تلك الوقت لكن ابراهيم مشفهوش
تجاهل وطلع غرفته يكمل نومه
قرب الضهر سيدرا صحيت وبتتقلب علي السرير لقت فهد نايم جنبها اتفزعت من مكانها
سيدرا: فاااااااهد
فهد بفزع: يالهوي مين مات
سيدرا : انت نايم جمبي
فهد ببرود : دا مكاني وانا نايم فيه
سيدرا : يعني اي بقي
فهد : يعني دي اوضتي ودا سريري
سيدرا حست بتعب وخمول في جسمها مردتش عليه وقعدت مكانها
فهد : فيكي حاجة
سيدرا بجمود : خليك في حالك
فهد : انا هخرج حالا اشتري ليا هدوم ارجع القيكي مرتبة الاوضة
سيدرا : لاء
فهد : سيدرااا
بالفعل لبس وخرج يجبب هدوم عشان الابلة سيدرا ولعت في هدومه
دخل فهد قرب العصر كان يدوب الاكل اتحط وهما هيقعدوا ياكلوا
الجد موسي : سيدرا ورثك هيتكتب باسم فهد
ابراهيم وقعت منه المعلقة في اللحظة دي
فهد لاحظ دا وفهم قصد جده من جوازه لسيدرا
فهد بذكاء : وأي اللي يخليني اكتب حاجة مش ليا تبقي بتاعتي
سيدرا : جدي انا مش هوافق بكدا
الجد موسي : هو طبعا فهد جوزك
سيدرا : انا مش موافقة علي الجوازة وكمان ورثي من ابويا وامي هتكتبه باسمه انا مش عاوزة ابقي تحت ضرس حد
فهد : فلوسك في الحفظ والصون وبزيادة كمان ي بنت الحلال
ابراهيم: ازاي ي جدي تعمل كدا
فهد بخبث: دا يإذيك في حاجة دي فلوسنا يلزمك منها حاجة
