زينب :كدام الكل وليد طردني كالً كدام الخدم اني بنت ترفضني ومتخليني المسج اطلعي بره جايه تستشرفين هنا غيرج يتمنن بس اباوعلهن انتي مجرد خدامه
لميت اغراضي حسب الاتفاق وحنان جتي عليه تبجي واعتذرت ودعتها وطلعت لكيت السياره ركبت بيها
وليد:اجه حسام وع اتفاقنه مشه الوضع تمام كتله باوع هاي البنت اريدك توصلها للشقه وتكعدها وتجييبلها اكل وغراض وانطيها هالتلفون واريد نسخه من مفاتيح الشقه ونسخه ثانيه الها
حسام:ماشي بس ليش
وليد:باوع حسام هالبنت محد يتقربلهاا اعتبرها مرتي ماشي
حسام:اوك اوك لاتوصيني
وليد :جنت خايف ع زينب بس ماكو حل ثاني
حسام:رحت للسياره لكيت بنت منتبهت الشكلها كاعده وره
ركبت بالسياره باوعت بالمرايه شفت بنت تجنن شنو هالعيون التخبل والشعر ولخدود هسه عرفت ليش وليد ضامها النفسه
سلمت ع البنت واشترينه اكل بالطريق وغراض ومنظفات لان الشقه متروكه من فتره ووصلتها ونطيتها المفتاح ورحت بس ضلت بنفسي اعرف قصتها
وليد:ساعه ١٢ ضل بالي يم زينب دكيت ع التلفون مغلق متحملت ركبت سيارتي ورحت عليها
مدكيت الباب راسا فتحته بالمفتاح العندي فتت لكيت الشقه ظلمه فتحت لايت الصاله وشفت باب الغرفه مفتوح فتت شفت زينب نايمه جانت طالعه مثل الجهال بدون متشعر طبعت بوسه ع خدها صارت ساعه وحده نمت بالصاله مال الشقه
زينب:كعدت الصبح لكيت وليد بالصاله سويت ريوك وحضرتلهيا كعد هو
وليد:شنو هالريحه الطيبه
زينب:غسل وتعال تريك
وليد :اوكي
راح وليد واجه كعد ع الطاوله وزينب واكفه
وليد:اكعدي
زينب:اوك
وليد:انتي شلون حتضلين هنا وحدج واني كل شوي طاب طالع عليج هيج ميصير
زينب:لعد شلون
وليد:ازوجج حتىى محد يحجي عليج بعد
زينب: مارد ازوج اني واهلك محيقبلون تاخذ خدامه
وليد:حيكون زواجنه بالسر وبعدين مراح المسج ومن تلكين اهلج اعوفج
زينب ماشي
ورحنه للشيخ عقدلنه وموثقنه زواجنه بالمحكمه ابد جان زواج بس بالشرع
وليد كل يوميه يجي للشقه بس ابد ملمسني
بيوم وليد كالي حيسافر يومين ميرجع قفلت الشقه زين وجنت ضايجه حيل جنت لابسه دشداشه قصيره وربع ردان طلعت قناه مال اغاني وكعدت اركص ماحس غير ايد انمدت ع خصري
وليد:هاي شدسوين
زينب:خجلت خجل مو طبيعي ورحت اركض للغرفه مقبلت اطلع
وليد:لج شبيج اطلعي عادي مو زوجج حلال
زينب:ما انت مو كلت مسافر
وليد:اتاجلت السفره هههه طلعي عاد
زينب:طلعت وليد بس يضحك واني خجلانه حيل رحت سويتله عصير وفطاير اكلهم وداغسل المواعين حضني من وره
زينب:هاي شدسوي
وليد:زينب حبيبتي انتي وروحي وعمري سرقت بوسه من شفايفها
زينب:وخر عني ماريد
وليد:مهديتها اتقربت اكثر وبستها اكثر
زينب:جنت ادفعه بس استسلمت ماكدر اجذب ع روحي اني احبه هم
بهذاك اليوم صرنه مزوجين صدك
عشت اني وي وليد اشهر من الاحلام احله زوجين بالكون
وخلال هالفترة وليد لازم يرجع للخارج ويمكن ايطول سفره سنه
زينب:راح تعوفني مو
وليد:حسام حيطمئن عليج واي شي تحتاجي خابري
سافر وليد واخذ قلبي معاه سرق روحي خلاني احبه واتعلق بيه وتركني مثل اهلي
حسام كان يضل يطمن عليه ويخابرني ويجيبلي كلشي نقص عندي
حسام:انتي لازم تكملين دراسه احسن من هالكعده
زينب:اخاف مانجح
حسام:راح اساعدج
وفعلا امتحنت خارجي ثالث متوسط ونجحت وراها امتحنت سادس ونجحت معدلي دخلني كليه اعلام
والفضل لله والحسام
اني وحسام جنه اصحاب ووليد اختفه تماما مسمعت عنه اي خبر حتى حسام ميحجي عنه
وصلت مرحله ثانيه كليه وحسام سوالي عيد ميلاد بالكليه وعزم القسم كله جانت حفله تخبل
هديته الي جانت تذكره البنان
رحت اني وياه تونسنه حيل واحنه طالعين فجاه اجتي فرقه موسيقيه واشخاص شايلين ورود وحسام شايل محبس وطلبني للزواج اني ضليت مصدومه
راسا اجه اباليً وليد وشلون جرحني ورة متزوجني خفت حسامً مثله كتله لا
وتفاركنه اني وحسام كملت كليه اعلام وقدمت ع وضيفه بقناة وتعينت
وليد ضل ابالي وبيوم جان يسوون لقائات وي المقدمين مال البرامج يسالون عن حياتهم سالوني حجيت اني ضعت من اهلي وتربيت بميتم
وره يومين اجاني اتصال من القناه انو ناس كالو هم اهلي رحت قابلتهم كانو نفس الاشخاص الاتخيلهم
زينب:ليش عفتوني
المراه:والله ماعرف شلون صار هيج بنتي احنه اسفين وبدو يبجون ويريدون ارجعلهم
العرفته انو هم عبالهم اني انخطفت ودورولي وملكوني
مكدرت اعتبرهم اهلي لان اني ربيت نفسي بنفسي
كنت اصيحلهم باسمائهم وازورهم مرات ً بس اهم شي عرفت انو عندي اهل مو لقيطه مثل مجانو يكولون عني
ابيوم سوو الحكومه احتفال ومهرجان للاعلاميين وكان بيه هواي مسؤوليين رحت للاحتفال لبست فستان اسود خليت مكياج يبرز لون عيوني فليت شعري
دخلت كل الرياجيل عينهم عليه مهتميت هذا شي معتاد مشيت للطاوله وكعدت صاحني مدير القناه اعرفج ع سياده السفير وليد وحرمه نهاد
ابتسمت له وصافحته كانه غريب عني
زوجتته بنت مسؤول قديم اكتشفت ازوجهة وره ماعافني بشهر محجيت وياه عاملته ابرود ورحت
ضل يلاحكني فتره بحجه يعتذر بس كلبي مستحيل يسامحه تركني طفله ورجعلي واني مراه حره
بهالفتره شفت حسام باحد الاماكن كانت وياه طفله جان اسمها زينب
زينب:سميتها ع اسمي
حسام:لان مكدرت انساج ابد
زينب:وين امها لغد
حسام:اتوفت وره مولدتها
زينب:الله يرحمها
حسام:يرحم الجميع ً
كثرت لقائاتي بحسام وبزينب حبيتها كانت فاقده حنان الامومه مثل ما اني فقدته
حسام:زينب تزوجيني
زينب:اكيد اي ههه
حسام وكعتي كلبي خفت ترفضين انوب
اتزوجت حسام وعشت وياه احلى عيشه طبعا بيوم عرسي متحملت ماخبث دزيت كارت دعوه الوليد العرسنه وكتبت عليه بخط ايدي شكرا لك لولاك لما وجدت هذه الجوهره
احيانا تفشل علاقاتنه واحيانا متكمل سعادتنه وي الي نتمناه مو مهم تعيش الحياه المهم شلون تعيشها جرب تنسى احزانك وتصير قوي وتوكف على حيلك خلي الكل يتمنه يكون مثلك
والي اذاك بيوم خلي يندم مو بانتقام لكن ابرودك وقوتك لاتخلي احد يكسرك
مع تحياتي ياقوته
queenn95 رايكم بالقصه
