لم استطع الكتمان

البّـــــــارت الاول

الروايه: لم استطع الكتمان

الكاتبه: اريونا
_____________
There is an emptiness, after all.
_هناك فراغ رغم كل شيء
______________♡
______________♡
.
.
.
.
.
.
.
_____________
لُكل شي لهُ نهايه وهنا تكون بدايه
قصه بدت بشجار ونهايتها مجهوله

الساعه4:00الظهر نزلت جوا من
سمعت لباب انسد بمعنا اكو واحد
دخل وسد لباب نزلت عل لدرج وانه
اركض حته احضن ماما وضحكتي

شاكه حلكي من شفتها ملامحها ما
تتفسر بس من شافتني ابستمت ونزلت
لمستواي حته تحضني واجت ماما زمرد
وهيه دكول

زمرد: ها حبيبتي سوزان خلص راح تروحين

سوزان: بعدت ايدين ايلول عني وشلتها
وكعدتها عل رجلي وانه احچي..
اي زمرد راح اروح وهسه راح احضر جنطي
واودع لاطفال واروح

زمرد: تعرفين انو انتي تكدرين تتراجعين
حته لو بس علمود هذوله لاطفال شنو ذنبهم

سوزان: تنهدت وانه اكول لعد شسوي غير دكليلي
اموت روحي علمود ترتاحون

زمرد: الله يفرجها

اسمع لحجيهن واحس لدنيه فرت بيه
شنو جاي يصير وليش هيج يحجن
ليش تروح ومنو يروح نزلت عن رجل
ماما وكفت كدامها وكلت..... ماما وان رايحين

سوزان: حطيت ايدي عل وجناتها وكلت ما رايحين
حبيبتي بس جدو وبيبي تعبانين وانه رايحه اساعدهم

ايلول: باوعت بعيونها وكلت.... اكدر اروح وياج

سوزان: لا حبيبتي انتي واخوانج راح تضلون يم ماما زمرد

زمرد: كضيت ايد ايلول وكلت.. اي حبيبتي منو
يبقه وياي اذا رحتي غير انتي تبقين وياي ونطبخ سوا

ايلول: عيوني تفتر بين عيونهم وكلت.... بس
ماما جانت تطبخ ويانه وهسه راح تضل وحدها
انه اروح وخلي عثمان وداغر يطبخون وياج

زمرد: جريتها من ايدها بخفه وكعدتها بحضني
...... لا شنو هذول بس يلعبون طوبه غير انتي
حبيبتي تبقين وياي

ايلول: باوعت عل ماما وكلت..... ماما لامته ترجعين

سوزان: تنهدت ولدمعه بطرف عيني.... لا حبيبتي
بعد ما ارجع انتم تجوني

ايلول: وبعد ما تجين هنا

سوزان: اي حبيبتي بس انتي واخوانج تجوني
ماما زمرد تجيبكم

ايلول: وكفت وانه اطك رجلي بلكاع بعصبيه وانافخ
..... بس انتي كلتيلي راح تساعديني ونرسم هل حايط غرفتي

سوزان: بجيت وانه ايدي ترجف مسحت دموعي وحجيت... ماما زمرد هنا هيه تساعدج

ايلول: لا لا انه اريد انتي..... تقربت يمها ونزلت عل لكاع وانه لازمه ايديها بكل قوا وكلت.. وعديني ؤاح تجين