لم استطع الكتمان

البّـــــــارت الثـــــــالث

الروايه: لم استطع الكتمان
الكتابه: اريونا
______________
_مادمت احلم فانا حي
لان الموتى لا يحلمون
_________________♡
_________________♡

.
.
.
.
.
.

باوعت عليها وبعدت روحي عنها بخفه
وبهدوء باوعتلي وكالت

زمرد: جوعانه اسويلج شي تاكلينه

ايلول: اذا اريد اندل المطبخ انه اروح

زمرد: تمام براحتج انه جوا اذا تريديني

ايلول: تمام........ طلعت من لغرفه وانه كمت
من مكاني وباوعت للمكان لي حنت احط
بي لگيتار وطاحن دموعي نزلت راسي ليجوا
مغمضه عيوني وانه قابضه بكل قوتي هل
لغطه وره فتره رفعت راسي ومسحت دموعي
وكمت غسلت وجهي ورجعت شفت داغر متصل

عليه مسحت وجهي بايديه ورجعت اتصلت
عليه وانه متصنعه السعاده واحاول اكتم صوتي
لحزين

داغر: ولج شلونج مشتاقتلج اول مره اغيب عنج
وانتي ما تسالين

ايلول: اي من جكد ما مخلصه وقتي افكر بيك
نسيت احاجيج تدري

داغر: بويه هلكد انه عزيز عليج

ايلول: يااا توك تتدري

داغر: والله لو ادري هلكد عزيز انه جان كابلتج
وكعدت

ايلول: يلا معليه من ترجع تكابلني واكعد

داغر: اكيد عزيزتي اكيد

ايلول: ها حسيت بقيمتي

داغر: والله ليش لجذب مشتاقلج بكد رحمه الله

ايلول: ابتسمت وما رديت عليه

داغر: كضي هذا عثمان يزن عل راسي من
مساع يريد يحاجيج

عثمان: جريت لتلفون منه وحجيت..... ولج مشتاقلج
وانه هل غيبه

_ترا مصايرلكم يومين

_ولج يومين هواي اصلا مجاي نتونس بدونج
لو ابقه بعد شويه بدونج اطك واموت

_دمعن عيوني ولك طلعت تحبني

_غير اختي شعندي غيرها اغلا من كل لناس

داغر: وانه بياع خضره ماني غالي

عثمان: ولك انت عيني ليسار وايلول عيني ليمين

دااغر: وليش انه ليسار مو ليمين

عثمان: بويه جيب لي بفهمه مو حبيبي انه احب
عيني ليسار اكثر لهذا كتلك انت ليسار

داغر: اهاا اي اقتنعت

ايلول: انتو متصلين عليه تحجون سوا لو تحاجوني

عثمان: غير هذا قاطعني

ايلول: والله لبيت فاهي بدونكم ما اعرف وان اروح
ضليت مفهيه

عثمان: انه مجاي اعرف دربي بدونج