الام. دخلت للغرفه ولكيت مريم منتحره والدم تارس الغرفه هنا اني صرخت بدون وعي وكمت ادك والطم ودخل ابو مريم انصدم من شاف مريم هيج اجو اخوان مريم اخذوها للمستشفى واني فقدت الوعي ومادري شنو الي صار ويي ويه مريم
الاخ. نصدمت من شفت مريم بهي الحاله والاكثر امي فقدت الوعي حرت بين امي و مريم اخرشي وديت مريم للمستشفى واتصلت ابويه يجيب امي لان ماكدر بعد مده ساعه ونص مريم بالعمليه وطلع الدكتور وطمنه انو لو متئخرين اكثر جا راحت مريم
مريم. فتحت عيني بالسكف وهذا الديكور مو ديكور غرفتي باوعت منا ومنا هي اني بالمستشفى ليش ياربي اني كلت لو تاخذني لو تخاليني احقق حلمي بهل اثناء دخل ابويه اني شفته درت وجهي عنه
الاب. بويه مريم ليش هيج سويتي بيه بهل ليل ماكلتي اذا متت اتعاقب يم ربي
مريم. لعد انته ماكلت هي خطيه من اجيت اتوسل بيك وابجي ودزيت كومه ناس علمود ترضه اصير ضابط ماكلت هي خطيه تتعب وتسهر ومتنام الليل ها اني انتحرت لان ماخليتني اصير ضابطه وهذا حلمي اكون ضابطه وانته تدري من جنت اصغيره اني احب اصير ضابطه و واستهزئت بيه من كتلك انتحر شفت اني بتك محد يستهزء بيه
الاب. بويه والله لمصلحتج لان تدرين هسا الناس شنو راح تحجي عليج وعليه وهذا خطر عليج لان انتي بنيه مو ولد واكول يحمي نفسه لا اخاف عليج لعد اني اذا خسرتج كم ابنيه عدي وليش تردين ضابطه ليش مو دكتوره مهندسه صيدلانيه واهواي ليش اله ضابطه
مريم. بويه اني مااريد مصلحتي اريد حلمي وشعلينه بالناس هما النبي محمد حجو عليه تريد اني ميحجون عليه واذا ليش اريد اصير ضابطه لان هذا حلمي واني شخصيتي مال ضابطه وهيبتي واريد ادافع عن وطني الي جاي يروح من ادينه اريد اكمش تجار المخدرات الي دمرو الشباب بعمر الورد شوفي بويه اذا ماصرت ضابطه اسوي شي اكثر من هذا والك مده تفكر شهر لا اكثر والله ثمه والله اذا ماصرت ضابطه اسوي الي مامتوقعه مني ماشي
الاب. كلشي لتسوين انشاء الله اكعد وافكر بالموضوع ويله هسا راح نطلع وامج بالغرفه الثانيه
مريم. امي ليش اشبيها بويه احجي 🥺
الاب. فقدت الوعي من شافتج بهي الحاله
مريم. بويه وديني على امي امشي
الاب. هي رايحين يله
مريم. رحت الامي لكيتها حاطيلها سيروم وهي هسا كعدت
الام. ليش يمه سويتي هيج بيه ها اني استاهل هيج
مريم. يمه كافي ماكدر احجي والله
الام. اخذي راحتج يله راح نرجع للبيت
مريم. رجعت للبيت ورحت للغرفه كلها دم اجتي امي كالت تعاي نامي يمي وباجر انضفها لان هسا ماكدر ولا انتي تكدرين كتالها ماشي جايه رحت نمت بحضن امي الدافي وهي تبوس براسي
أنت تقرأ
حب الاسد
Short Storyحب ضابط الى ضابطة انا الصامده انا قوه المرأه انا كيد النساء انا القويه انا الوحيده انا الضابطه انا التي تَسند ولا تُسند فما بالك ان تكون اسد للبوه فانا في عرين الاسد لبوته انا لبوه اسدي في الامان والحب انا من افلتت العالم لاجل اسد لبوته انا هي...
