هلاو هلاو ياحلوين
.
.
.
.
.
.
.
.
.
.
.
.
.
.
.
.
.
يلا نبلش قصتنه
.
.
.
.
.
.
.
.
.
.
فرح ... كعدت الصبح لكيت نفسي بحضن فهد هو نايم باوعت لوجهه بقيت ادقق بملامحه شكد تمنيت اشوفه وهو نايم بقيت امشي صبعي على وجهه كوله العب برموشه كفشت شعره فوك كفشته سمعت صوت غرفته نفتح عرفت امهه جاي تكعده لبدت بحضنه وسويت نفسي نايمه
ام حسام... فهههد كوم شسوي هنا فهههد
فرح ... هي تكعد بي واني اكرص بصدره
فهد .... هااا استغفر الله مو اليوم جمعه عوفوا الواحد خامد
ام حسام ... كووم شسوي هنا
فهد ... نايم
ام حسام ... وهنا
فهد ... رفعت راسي باوعت ... اي شبي هنا
ام حسام ... نزلوا وراي
فرح ... طلعت امه كعدت جريت المخده وكفخته
فهد ... هيوووو شبيج
فرح ... شسوي هنا بله مو عيب من امك
فهد ... اكلج دريت بيج مطي بس مو لهل درجه
فرح ... اكل تبن وكوم يلا وبعد لا تجي يمي
فهد ... خاب طيري غير رجلج
فرح ... رجلج ابو حلك ... كمت رحت للحمام غسلت ورجعت هو راح واني بدلت بسرعة وبلشت انظف
فهد ... عوفي هسه امشي نشوفهم شيردون
فرح ... روح انته
فهد ... وانتي
فرح ... استحي
فهد ... فرح تحجين صدك يعني بابا انتي مرتي مرتي تفهمين لو لا وبعدين محد اله دخل بينه
فرح ... حتى لو استحي
فهد ... امشي فرح لا شلعين كلبي
فرح ... اففف ... رحت لبست حجاب ونزلت ويا كاعدين امه وابوه والبيبي سلمنه عليهم كعدنه يمهم واني مدنكه واحس يطلع من وجهي نار
البيبي ... طلعوا وعوفوني وياهم
فرح ... حجت بدون متكول منو عبالي احنه النطلع فكمت اريد اروح
البيبي ... ويين
فرح ... مو كلتي طلعوا
البيبي ... اريد احجي وياكم انتي وهذا المصكوع
فرح ... اني اليوم شنوو من كعدت لهسه جفصات رجعت اشرتلي اكعد يمهه رحت كعدت وطلعوا ام وابو فهد
فهد ... فرح راح طك من الخجل وجهه احمررر ومحتار بعيونه كل شوي لون
البيبي ... تعال انته هم هنا
فهد ... الله يستر حجيه جنه عندج موضوع سري
البيبي ... اي تعال
أنت تقرأ
سندي 🖤🖤
ChickLitقصة حقيقية .... راح اتكلم عن احداث مرت خلال اخر فتره بحياة فرح الي تغيرت حياته وبلشت المشاكل تجيه ما تعرف منين بس جانت دائما مؤمنه بقوله تعالى ﴿لا تَدري لَعَلَّ اللَّهَ يُحدِثُ بَعدَ ذلِكَ أَمرًا﴾ اتمنى الكم قراءة متتعه والقصة تنال اعجابكم
