قدري انت

8

ماما وبابا خرجو راحو عند اهل مي وعمر طلع اوضته وفجاه نزل
رايح فين
عمر :مش هقدر اعد في البيت انا هقلب الدنيا وهلاقيها مش هتسبني انا عارف دا روحي حاسس ان قلبي بيوجعني اوي مش قادر

عمر خرج وحالته صعبه اوي انا اتوضيت وصليت وفضلت ادعي انها تكون كويسه وترجعلنا بسلامه

فات 3شهور ومفيش جديد بخصوص مي عمر حالته بتسوء كل يوم مبيعملش حاجه غير انه يلف في الشوارع
اعدين نتغدا وعمر جه رايح يطلع اوضته بابا نده عليه واصر عليه ياكل فضل يلعب في الاكل
وبابا ادايء
بابا :عمر حبيبي ان شاء الله مي كويسه والله دا احساسي وهترجع بسلامه متعملش في نفسك كدا
عمر :مش قادر والله
بابا :هنروح كلنا بدون نقاش
الغريب ان عمر معترضش شكله اساسا مفيش عنده طاقه للجدال واستسلم لاي حاجه تحصل اصبح كاجثه هامده. ربنا يريح قلبه ويرجع مي لاننا بجد كلنا تعبنا واهلها

جدتي مامت ماما في الاسماعليه عايشه هناك هي واخوالي
انا وعمر بنستني الاجازه تيجي علشان نروح هناك وكنا متفقين نروح وناخد مي بس الا حصل بقي
تعريف شخصيات :--
الجده ثريا 70سنه طيبه جدا وحكايتها ميتزهقش منها وعمايلها في الكحك والقرص الفلاحي عندها تقوس جميله اوي بترجعنا لايام الزمن الجميل وهي بتجمعنا حواليها وتعلمنا نعمل ازاي ولاد وبنات وولاد الجيران عندها نفس معزتنا كان البيت بيتهم وكانها جدتهم عندها حنان مبينتهيش بشرتها بيضه كثلج وحجابها وعبايتها البيضه كانها ملاك والعكاز بتاعها بعشق تفاصيلها
خالو عمر الكبير زوجته هدي ولادهم رنا وسهي وخالد
خالو زوجته ناهد ولادهم يوسف ومازن وندي
خالو احمدزوجته مها ولادهم اسيل واسر توام صغيرين
وماما الصغيره
البيت بتاعهم اول ما بنروح بنلاقي بوابه كبيره
وفي الداخل جنينه كبيره وفيها جميع الورود والاشجار وفي وبعدين بيت كبير 5ادوار جدتي الاول وبعدين شقه لماما وبعدين اخوالي
وفي جنيه صغيره ورا البيت عامله زي حديقه الاطفال فيها مراجيح ومكان للعب الكوره وبيسين
طفولتي كلها هناك

صباح يوم جديد جهزنا حاجتنا وركبنا العربيه عمر من ساعه ماركب ماسك ايدي بخوف وحساه مش طبيعي وعمال يتلفت في كل الشوارع الطريق اربع ساعات
عمر فجاه نام علي كتفي وانا كل لما بقرب بحس بنفس الغصه القديمه في قلبي فكرت خلصت منها علي قد مابحب المكان دا بكرهه انا جوايا شعورين متناقضين فرحانه وزعلانه ومجروحه ومتحمسه وقلبي يؤلمني وووووووومليون شعور جوايا