"تلك العتمه الباهره"
بقلامي : ᭡ ℝ𝗍𝗈
********************
نصدمت مو معقوله مهدي مستحيل منين جاب رقمي واصلا شعرفه بيه!!!
هواي اسئله دور بالي صحيت من شرودي على صوت مهدي
مهدي: نيار خيتي شونج
نيار: ستوك ذكرت عندك اخت
مهدي: نيار انتي كلش زين تعرفين اني وين وشنو وضعي
نيار عطت: شبيييي وضعككككك كاعد بلخارج ومرتاح وشهادتك بطولي شبييي وضعك هاااا!!
مهدي: زين امي ابوي شونهم حمزه شونه محمد حسين نسرين ضحى شونها
نيار: امك وابوك ماتو وحمزه ماعرف بي وحسين ملتهي بعائلته ومحمد نقتل وضحى ماعرف اخبارها
مهدي نصدمت: شنووو محمددد نقتل شونن
نيار: سالفه طويله مو مال تلفون
مهدي: زين انتي وين هسه
نيار: متزوجه
مهدي: هاا!!!
نيار: اي والله
مهدي: اني باجر احجز اللعراق واجي اريد اعرف شنو لفلم وانتي شون زوجتي وعائلتنه شون هيج طشرت
نيار بستهزاء: اي هلا بيك باجر تلكه فارشتلك لكاع ورد
مهدي: نيار لا تستفزيني
نيار: مهدي شتريد هسه!
مهدي: مااريد شي بس دزيلي عنوان بيتج
نيار: عود خوش، سديت من مهدي باوعت تجاه المرايه وجهي شاحب وحالتي حاله، كمت للكنتور طلعت منظفاتي ولحفافه صايره مزرعه
حته البقرا ضاحكه من شوف حالي تبجي
قفلت باب الغرفه باوعت ساعه سته المغرب، اني الك يافع
شكلت الحفافه وحفيت وجهي، باوعت روحي اي هسه صرت انثى مو مساع، خليت لباب مقفول ورحت للحمام سويت جسمي كله، طلعت رطبت جسمي جاي لبس وندك لباب
منو!!
زينب: نيار تعاي تعشي
نيار: لحظه عيوني، لبست دشداشه سوده بس مخصره وضيكه رحت خليت مكياج ولفيت شعري وخليت عطر وشمرت شال على راسي وطلعت
#يافع
ضلينه ننتظرها على لعشه ونسوان عمامي وعماتي كل شوي يشمرن حجايه نغثيت حيل شوي وطلعت ست ستات
اباوعله هاي شلابسه وشمصخمه بروحها!!
فهيت عليها اباوع ذني الحيايه فتحن عيونهن
نيار: ما تتعشون لو ضلون هيج صافنين
يافع: بلعت ريكي مديت يدي واكلت بس كمت ابلعم عطرها يفتت الكلب من كد ماطيب بي ريحه كيك، اباوعلها تاكل بكل هدوء
أنت تقرأ
تلك العتمه الباهرة
Adventureكاعد كدامي بكل هيبته نزع البيريه وكالي "حجيلي كلشي وعد اساعدج" توترت كمت اكل بظافري بلعت ريكي وكتله شحجي باوعلي وكال "كلشي" (الماضي يلاحقني بكل خطوه اخطيها كل ما احاول انسه الماضي واتقدم ارجع الف خطوه) " بقلامي : ᭡ ℝ𝗍𝗈
