مشاعر مبعثره

بارت 1

الزمن لا يجعلك تنسى.....
بل يجعلك أكثر نضجا.....
وأكثر قدرة على الفهم.....
ما كان بالأمس لغزا......
أصبح اليوم واضحا.....
الزمن يجيب عن الأسئلة.....
وتبقى أسئلة بلا إجابة...... !
لكن هذا لا يهم .. فالحياة تستمر.....
وهناك ما تعيش من أجله.....
لا شيء يمنحك السلام إلا أنت.....
حين تعرف نفسك لا شيء مستحيل....

#مشاعر مبعثره

الكاتبه:  شمس احمد

قرائه ممتعه لاتنسو التصويت. ❤️

____________________________________

في زمن التسعينات كاعدين كلنه بيت واحد بيت جبير حيل متكون م̷ـــِْن 7 غرف وهول ومطبخ وحولي وحمام وطارمه بمنطقه شعبيه احدئ مناطق الحله (بابل)  واحنه مسوين خطوط علئ الكاع ونلعب توكي والولد تلعب طوبه والنسوان العجايز كاعدات باب البيت والي يبيع موطه برد والي يبيع شعرب بنات ويفوت ابو عربانه اللبلبي ونجمع كلنه حوله ونروح نركض نشتري منه ونخلص ونرجع لبيت الي كلنه

مجموعين بي عماتي 3 وعمامي 4 ونسوانهم وجهالهم وامي وابويه

كلنه نلتم علئ صينيه وحده ونكعد نتعشه ونسولف ونضحك
ونكوم نروح لفراشاتنه نمدد بيهن
ونشغل تلفزيون اسود وابيض
بي قناه وحده تنفتح بيها افلام كارتون نباوع نيلز

ونكعد الصبح نلكه امي مخليه قوري الجاي والبيض والجبن امي الوحيده الي شايله البيت وتشتغل فقيره ومالها حس هيه تطبخ وتكنس وتمسح وتسوي كلشي وحدها
وهسه اعرفكم عن نفسي
اني شوك عِنـ.̷̷̸̷̐ـديّ  3 خوات و5 اخوان. امي مَـرّھٌ فقيره م̷ـــِْن اهل الله لاتعرف تقره ولاتكتب
وابويه يُشَتغلً جان بجيش وهيج شي ابويه عصبي حيل شالع كلب امي وامي متحجي متحمله وساكته
اني رابع تجاره بلشت المدارس وبلشنه نحضر لدوام شتريت صدريه قصيره سوده كلوش وقميص ابيض منلبس شالات لان جان يختلف قبل عن هسه

خليت ملابسي يمي ونمت كعدت الصبح علئ صوت الطيور والدجاج تقوقي
غسلت وجهي وفرشت اسناني وغيرت ملابسي وعدلت شعري القصير الناعم. واخذت جنطتي ونزلت
لكيت امي كاعده

شوك:  صباح الخير يمه

صباح الخير بنيتي
تعالي تريكي علمود تلحكين علئ دوامج

شوك:  كعدت واني اتابع امي بعيوني وين متروح حمت الجاي وسوتلي بيض طك وخلتهن بصينيه ونطتنياهن هيه صح بيضه بس هيج طيبه ومينشبع ‏​‏​منـِْهـ♡̨̐ـِْا لان م̷ـــِْن ادينات امي
خلصت الحمدالله
رحت غسلت وبوست امي وطلعت اتمشه
والهوه العذيبي الي يداعب شعري والهوه النقي الي اتنفسه بقوه اريده يملي رئاتي
واشوف العالم الصبح الي رايح لمدرسه والي رايح لدوامه علئ الباسكل والي يدفع بعربانته ويصيح( يافتاح ياعليم يارزاق يارب)  والي الي كاعده علئ كارتونه ومخليه صينيه بيها اجبان وبيض وخبز والعالم تكعد تتريك ‏​‏​منـِْهـ♡̨̐ـِْا