منيره: دخلت المطبخ وهي مفرعه (مو متغطيه) وكان موجودين العيال
العيال اول ماشافو منيره مورمتغطيه تغطو بدالها
منيره شهقت
مفلح:بسم الله عليك
فلاح:عطاء مفلح نظره وابتسامه على الجنب
مفلح:وش عندك
منيره تغطت وطلعت
طلال:مفلح وش عندك تقول لها بسم الله عليك
مفلح:طيب البنت شهقت وش اسوي
طلال:وش تسوي هاه
مفلح:اي وش اسوي
فلاح :خلاص!!
زينو الغداء العيال وخلصو
مفلح:عيال انا بروح اتمشى شوي في الشوارع
العيال:الله معك
مفلح طلع
في الحوش الكل مجتمع حول الجد سوالف وضحك وطقطقه على بعض
الا ودخل عليهم مفلح وهو مطعون خمس طعناتت وطاح على الارض مغمى عليه
الكل قامو ركض له
مطلق :والله اخذ حقك يا ولد العمم
طلال:مفلح رد علي تسمعني مفلح ياخوي رد تكفى
فلاح شاله واخذه ل الخيمه
طلال :منهار صياح
وفلاح يهدي فيه
البقيه عند امه شوق يهدون فيها لانها منهاره
منيره :دقو على الاسعاف
مطلق :صاحيه انتي مافيه مستشفي تشوفين حنى وين فيه!!!
عبير:قطع لسان بتصارخ على بنتي!!
مطلق:انا اسف بس بنتس مدري وين عقلها
فلاح:اخلصي عمه عبير الولد بيموت وانتي تهاوشين
عبير:طيب اطلعو
طلال بوسط انهياره:والله مااطلع اخلصيييي!!!
عبير:اطلع خلصني انت بعد
طلال :انا قلت الى عندي ماني طالع
عبير:ليش مانك طالع هااا انتي الى بتعالجه ولا انا
طلال:طيب ايش فيها اذا انا موجود ، بتذبحني اخوي ل طلعت
عبير:ياحمار انا بكشف ف كيذا انت بذات اطلع اول واحد
طلال:عجيب يعني حرام علي وحلال على مفلح
عبير:ياحمار ذا كيف يشرفني وهو مغمض
شوق وهي منهاره بكي:اخلصييي علي ولدي ولدي تكفين ياعبير
عبير:ابشري بس طلعي ولدك النشبه
طلال:انا قلت ماني طلع رجلي على رجل مفلح وش تبيني
عبير:اجل خل اخوك يموت
شوق:يهبيييي فال الله ولا فالتس ان شاء الله
الجده غزيل :طلال اطلع ياورععع
طلال:والله ماطلع وانا قلت رجل على رجل اخوي ياخي وش يفرق اذا طلعت ولا ماطلعت اعتبرووني مو موجود وسوي اخلصي تكفيننن
الجده غزيل :والله لا العصأ تجي فوق ظهرك اطلع وخلصني
عبير:اي ايذا مرت ساعه ترا الولد فطس
فلاح:مات ضحك وبعد ركز وهجد
طلال:اوريك انت ، خلاص اعتبروني مو موجود اخلصيييي ياخي اخوي مات وانتي تتناقشين معي
عبير:طيب اطلع والله مااعالجه وانت موجود
طلال:طيب انا حلفت ماطلع الا واخوي بخير
عبير:يمكن اخوك مات الحين
محسن:يالله يا عبير تتفاولين على ولدي ليش ، طلال وانا ابوك امش خلها تشوف شغلها بتركيز تعال
طلال:ترا عشان ابوي بطلع مو عشانك وطلع
دخلت عبير على مفلح وبدت تعقم مكان السكين وتخيطه وكل ذا تحت الم و ونين مفلح وكل شوي يغمى عليه من الالم ويقوم ويرجع يغمى عليه
