التواضع هو خلق جميل يتمتّع به الإنسان الراقي الرائع، والتواضع يفرض أحترام الآخرين لك ويكسبك قلوبهم،
التكبر هو من العادات السيء التي يتحلى بها بعض الأشخاص في مجتمعنا، وهي من الأشياء الغير محببة،
حضرت ملابسي وغراضي خطيه ماما مخلت شي مسوته وبابا يجيب ويوصي محمد واحمد حبايبي طلعوني للمول واشترولي حاجات هم الفرحه كانت مسايعتني
وصار وكت الوداع رحنا بابا وماما ويايه ودعت احمد ومحمد وانطلقنا خالي عده محلات وبيته حلو وبالبيت بس هو وزوجته وبنته مريم خالي مصارله اطفال غير مريم ومريم حبابه اكبر مني السنه هيه ثالث مرحلة انكليزي مخطوبه لابن خالتها وزواجها قريب وصلنا للموصل الموصل حلوه وبيت خال بمنطقة حلوه وصلنا استقبلنا خالي وزوجته خالي يحبنا وزوجته حبابه ورده ومريم مكيفه بينا بقو بابا وماما اسبوع يمنا كملو اوراقي وغرفتي خالي خطيه كان مأثث غرفه كامله بابا تشكر منه اهوايه وصاني اسمع الكلام هو وماما بابا يوصل يم السيارة ٣مرات ويرجع يحضني ويشم بيه
خالي اجرلي خط كمت اروح ويه مريم بنفس الخط اروح وارجع اني كنت اانق وحده كل يوم شكل بس لحد الان مكونت صداقه حسيت نفسي شي مو طبيعي مو اي شخص يصادقه كانت الاانا عدي كبيره بشكل اه غروري اسوه بيه
كانت اكو مره جيران بيت خالي تجي يمها دائما حبابه وفقيره بس مكنت اكعد يمهم على كد السلام
امتحنت الكورس الاول ناجحه بامتياز
وارح بالشهر مره لاهلي ومرات همه يجون
فد يوم طلعنا ابو الخط ما اجه اخالي طلع السيارة كال اني اوصلكم طلعها بالشارع اباوع على التاير نايم بالكع كتله خالو التاير نايم
خالي رجال جبير
اباوع البيت المقابيلنا بيت المره التجي يم مرت خالي
طلع منها ولد ما شاء الله طول بعرض شي يخوف عبالك ملاكم اجه بتجاهنا سلم على خالي كله خيرك عمي
خالي .والله داوصل البنات للكلية والتاير بنجر رفع راسه سلم كلها شلونج مريم ان شاء لله بخير عبدالله شلونه يقصد خطيبها
مريم .الحمدالله الله يسلمك خاله شلونها
الولد.الحمدلله بخير
باوع عليه وفتح عينه سمعته يكول وبصوت ناصي اللهم صل على محمد
خالي كله هاي دكتوره جنى بنت اختي طالبة صيدله
خالي هذا عمر ابن ام عمر صديقه خالتج كتله اهلا بيك
عمر . اااهلا بيج
اسمحلي عمي فتح الصندوك وطلع الغراض بدل التاير اباوع عليه شلون يشتغل ما شالله شلون قوي لو من شال التاير بتك ايد عبالك شايل علاكه ما اعرف ليش ضليت مركزه بي
كمل وخالي تشكر منه راح الولد دخل لبيتهم
وصلنا خالي للكليه بالكليه اكو بنات ثنين بس على كد المحاضرات لكن حتى بالكافتريا مسويت علاقه مع احد وشكد ولد جوي صارحوني كنت ما انطي مجال لاحد مكان هذا طموحي كنت مفكره لاريد ارتبط بي يكون كامل من كلشي اريد شهاده وبيت وسياره ويسفرني وين ما اريد لان اني استحق الافضل لاني مميزه هههههه المهم
رجعنا نزلنا من الخط رفعت راسي واشوف هذا الولد عمر واكف بالباب باوع عليه كصني كص دخلنا وكمت كل يوم بطبه والطلعه اشوف هذا الولد كانما ينتضرنا هو الصراحه شكله وطوله هيبه بس بالنسبه الي لا مو طموحي
مره رجعت من الكليه وحدي مريم ممداومه كانت دتمطر وابو الخط مكدر يدخل بالفرع نزل براس الفرع دا امشي ما اشوف غير عمر واكف كبالي ولازم شمسيه خلاها فوكايه كان مرتبك باوعت عليه كلي
عمر . اااا اني كنت مار وشفتج اخذيها ما احتاجها
جنى .شكرا ماله داعي وصلت
عمر .رجاءً اخذيها
جنى . تسمحلي ماريد
عمر .بصوت عالي اخذيها وطيري للبيت من المطر قميصج لاطش
جنى .عزه بعينه فتحت عيني حتى ما اكدر اجوب اخذت الشمسيه وركضت
ضل يمشي ورايه الى ان دخلت للبيت
انتهى الامتحانات السنه الاولى وبالعطله اروح لاهلي واشبع دلال منهم حضرت ملابس للسنه الثانية واكسسوارات مخليت شي احمد كان متخرج وشاد النجمه تخبل حبيبي ومحمد تخرج وديدرب يم محامي صديق بابا
وصلوني لبيت خالو وبقو لان زواج مريم بعد سبوع
كنت مشتريه فستان كلش حلو ذهبي على الجسم واني رشيقه وطويله على كوله بابا عارضه ازياء ههههه حبيبي دائمآ يتغزل بيه ااول موصلنا سلمنا دخلنا بعدين اخذت السويج من بابا ادخل غراضي كنت مغيره لون شعري مسويته ثلجي ويه بياضي طالع كلش حلو فتحت الجنطه السياره طلعت جنطتي ما اسمع غير صوت واحد ورايه شلونج
انداريت شفته عمر
وكفت عدل
جنى اهلا عمر
عمر شلونج اساعدج بشي
جنى لا شكرا
عمر شعرج ااا ه اسف باي
جنى ضليت صافنه على ضهره وهو يبتعد اشو هذا صاير اضخم ووسيم اكثر وشبي شعري اوووو جنى تخبلتي دخلت الغراض ودخلت التهيت ويه مريم بالتحضيرات وصار يوم الحنه
أنت تقرأ
الامان 🔞
Lãng mạnأيها أنت سرّ بلائي وهمومي، وروعتي، وعنائي ونحولي، وأدمعي، وعذابي وسقامي، ولوعتي، وشقائي أيها الحب أنت سرّ وجودي وحياتي، وعزّتي، وإبائي وشعاعي ما بين ديجور دهري وأليفي، وقرّتي، ورجائي يا سلاف الفؤاد يا سمّ نفسي في حياتي يا شدّتي يا رخائي ألهيب يثور ف...
