يعرف الحب 🌶🌶
1
تعيا ما ترضى ودير فيا عارف كلشي راك غير كاتخربق لحقاش القدر بوحدو عارف مصيرك فين واخة دير لي بغيتي دير ماتهز لهم لحتى حاجة سير فينما مشاك الله
هادي هضرت هاد جوج فينما مشاو المش والفار... النار والماء هكا معروف عليهم دائما في مناقشات واخة بجوجهم عشران من روح الروح
هو وهي كلشي عارفهم في الجامعة شكون هوما ولاد من!! حاكمين الحرم الجامعي بجوج علاش لا واحد عائلتو بن شقرون والثاني بن جلون أصحاب بعض من القدم أحفاد الاباطرة ديال المغرب
سميحة ... الابنة لمدللة لجدها بن شقرون صاحبة السالف والعين السوداء مسمينها غير مونيكا بلوتشي على تشابه الكبير بيناتهم دابا هيا 24 عام كاتقرا الهندسة أكبر عايقة و في الجامعة متكبرة وعاجبها راسها دائما رافعاه لفوق مسوقهاش فحتى واحد اهم حاجة عندها ضفرانها و صاكها يكون من علامة تجارية تكون كبيرة وصافي
هو الغراب ديال الجامعة بحكم حبه للون الاسود ولد بن جلون الحفيد الكبير للعائلة أمير ليالي لي مطيح نص في بنات الجامعة كما كايقول لقلب يعشق 60 ماشغلي في حد انا
في الكافي قريبة للجامعة نزلات من سيارتها بجيب قصيرة حد فخاظها شعر بوكلي ميني ريحة كوتشي آخر مكاين في الاكسسوارات سدات سيارتها الرونج هيا تدخل كاتمختر بشوية عليها عاجبها راسها بزاف علاش مايعجبها راسها .....
حيدات نظارة الشمسية هيا تتقدم شافتهم في نفس المكان قلبات عينها ملي شافت الشقراء جلسة فوق رجلين
الغراب بإبتسامة مستفزة تحركات عندهم
سميحة : هاي (شاف في ديك لبنت) اممم عجبك الحال تماك ماحشمتيش
خلات درية تحمار لكن سي سيد سي الغراب أسامة طلع فيها ونزل : بحالك سبحان لله ملي كاتهزيه
سميحة : بتسمات متسوقاتش ليهم جرات الكرسي جلسات قريبة الغراب ) اممم نسيت معندهاش لاش تحشم
كلشي تفرشخ بضحك عليه خنزر فيها لحقاش هضرتها بحال سم لكن حتا هو ماكيقصرش من جيهتو
