= أنتي إيه اللي عاجبك فيه يا بنتي دا رفيع ويدوب طولك وبشرته غامقة أوي ومناخيره كبيرة و
- بس كفاية أنتي مش واخده بالك إنك بتعيبي على خطيبي ولا إيه؟! وبعدين عاجبني ومرتحاله
=بت هو عاملك عمل ولا إيه؟ دا مش فتى أحلامك أبو عضلات ويكون أطول منك وجسمه رياضي وقمحي أو أبيض هو فيه إيه؟! هو ماسك عليكي ذلة ولا إيه؟!
هى بانفعال: أيوا ومالكيش دعوة بينا يا تسنيم لو سمحتي
تسنيم بعصبية: بت أنا صاحبتك ومستغربة من اختيارك ما تقولي هددك بحاجة ولا إيه؟
هى: يهددني بحاجة؟! ليه شايفاني بترعش من كلمتين؟
تسنيم بعصبية: اومال وافقتي عليه ليه نور؟
نور بتنهيدة: جالي في الحلم.
تسنيم: حلم إيه؟
..............بقلم إيسو إبراهيم..............
نور: شوفته في الحلم وبيبتسملي وبيمد إيده ليا وفي غشاوة دموع على عيونه الكلام دا بعد لما تقدملي.
تسنيم: أما قصة مؤثرة بصحيح
نور: بت اطلعي برا، أنتِ مش فاهمه حاجة... مش كل اللي بنتمناه بيحصل عشان بيكون شر لينا أو مش مناسبنا، وربنا هو اللي بيختار الخير لينا.
هو اها كنت بقولك عايزه واحد بمواصفات غير بتاعت أيمن خالص بس وقتها كنت بقول المواصفات دي من باب الهزار...أصل مش كل حاجة الشكل يا تنسيم.
أنا شوفته بقلبي مش بعيني... ربنا حط القبول ما بينا حتى لو كان غير عاجبك أنتِ أو غيرك.
تسنيم: على فكرة مش قصدي حاجة أنا بس استغربت منك لأنك كنتِ بتتمني مواصفات تانية
نور: يابنتي عادي كنت بهزر...لكن من جوايا كنت عايزه شخص حنين معايا متفهم، عنده مفهوم الإنسانية، طموح، فاهم للحياة، ومايهونش عليه زعلي.
ودا اللي لمسته في كلامه، عنده أهداف أساسية وقوية للزواج، وكمان دا سبب كافٍ عشان علاقاتنا تبقى ناجحة ومستمرة يا تنسيم، لازم نختار الشخص بعناية عشان دا اللي هتكملي معاه حياتك...عشان ماتندميش على اختيارك بعدين إنك بصيتي لجانب هامشي وتركتي الأسباب الأساسية والقوية.
تسنيم بابتسامة: وعلى فكرة هو محظوظ بيك؛ِ لأنه هياخد واحدة عاقلة رغم إنها أحيانا بتكون تافهة
نور بابتسامة: عشان أنا فريدة من نوعي
تسنيم: الواحد كان مفكرك عايزه تعيشي قصة حب وبتاع بسبب رفضك الكتير للعرسان، بس خالفتي توقعاتي
نور بابتسامة: الكلام دا للناس النايتي مش لناس فاهمة ومدركة وواعية.
تسنيم: صح ومنكم نتعلم ونتثقف ياست، وأنا كنت مستنية منك تقوليلي أصل حبيته
نور: حب من أول نظرة دا ولا إيه؟
هقولك جملتي اللي دايما مابتفارقش دفتري يمكن تحلي عني بقى وتخلصيني من فقرة الأسئلة دي وهى:
«أريد زوجًا لأحبه، وليس حبيبًا لأتزوجه»
#الزواج
#إيسو_إبراهيم
أنت تقرأ
سلسلة اسكريبتات
Ngẫu nhiênاسكريبتات مميزة وشيقة قد تكون واقعية أو خيالية كوميدية أو رومانسية اجتماعية أو عشوائية
