الحلقة (7)
#ظلموني 💔
الكاتبه يورا الترهوني 👑🔥
وصلت لمنطقه مقطوعه وظلام لدرجه ماشفت شي لين ضي قوي جي ف وجهي
ميرال: لا ياربي لا ومعاش سمعت الا صوت الخبطه حسيت ب حاجه سخونه ع وجهي الواضح انه دم ابتسمت اخر حاجه شفتها واحد طويل ويعيط وعيوني تسكرو ومعاش حسيت ب شي يعني واخير ح نجيك ياماما كان دكرياتي كلها تمر قدامي شفت صورت بابا بين عيوني وتمنيت تكون عندي عيله يزعلو ع موتي بس مافيش 💔
معز: يكلم ف يامعاد ماتت وربي ماتت
معاد: تي لا شوفها اني مسافه الطريق ونجيك اسبقني ع المستشفى
معز: بإنفعالل تمام تمام وسكر
معز: ياربي تقعد عايشه وقرب منها قامها ف حضنه وحطها ف السياره وخدي شنطتها وطلع يجري
معز: بنت ف الوقت هدا شن ادير اوووف ياربي ميصيرلها شي ويتلفت يشوفلها واضح عليها صغيره وحاول يطرد الافكار من راسه ووصل
معز: قامها ف حضنه وخش يعيط بتموت تعالووو
جوه الدكاتره وخدوها منه بس استغربو حفيد محمد جاي ومعاه بنت وملابسه دم
الدكتور:ءء أستاد معز مجروح
معز: شافله لالا وشاف ملابسه كلهم دم قعمز اففف ياربي وقعد يستنى
معاد: انشالله مقتلهاش بس ووصل نزل يجري لقيته حوايجه دم ومهموم اففف شكلها ماتت 💔
معاد: شن صارر؟؟
معززز: مش عارف النم مش عارف
معاد: احكيلي كيف صار تي خليتك ف الجنان شن طلعك
معز: كلمني الولد يبي فلوس عشان امه مريضه طلعت نجري عشان نلحق عليه طلعت ف وجهي ضربتها
معاد: انشالله خير بس
معز: تي صغيرة البنت عمرها حدود 15
معاد: طالعه ف الوقت هدا بروحها
معز:معاها شنطه
معاد: تمام اهدا انت
معز: قعمز وواضح مهموم
معز: تأخرو داخل ولا
معاد: لالا مش عارف وولع دخانه
معز: تنفس ب عمق وهوا يفكر ف البنت وشن بيصير قاطعهم صوت الدكتور
معز ناض ؛ شن صار دكتور عايشه؟
الدكتور: حالها تمام عندها كسور وكان عندها نزيف وقفناه بس ونزل عيونه
معز: شنو
معاد: شنو يادكتور
الدكتور:معاش ح تقدر تمشي
معز: شنوو كيف هكي معاش تمشي
الدكتور: الخبطه كانت قويه ونزل عيونه
معز: مافيش علاج ولا فيه يتكلم ب عصبيه
معاد: معز اهدا
الدكتور:الشلل مؤقت بس يبي وقت عشان ترجع تمشي والاحسن تسافر برا
معز: تمام تمام وقعمز
معاد:شكرا دكتور
دكتور: ولو واجبي
معاد: معز ح ترجع تمشي متخافش
معز: انشالله وجعتني البنت ضميري
معاد: انت مش بقصد يامعز وح نعالجوها متخافش
معز: هز راسه وقعد مقعمز
___________
روايات يورا الترهوني 👑🔥
معتصم: اووو محسن رجع واخيرا
محسن: مبتسم ايه
معتصم: وشن السبب
محسن: بناخد جواز السفر وحجاتي
معتصم: مسافر ولا شن
محسن: ضحك ايه عشان نجيب مرتي وولدي
معتصم: مرتي؟
محسن: ايه وابتسم اكتر وخش لحوشهم
معتصم: انشالله خير وطلع
محسن: خاش يدندن اوو امي
غزاله: محسن وناضت حضناته وين ياولدي لاتسأل لاشي
محسن: قرايه ياامي وباس راسها وين العيله ؟
غزاله: خواتك ف غرفتهم مع بنات عمك اكيد يتعاركو ومندر وبوك شغل ومعز ف المربوعة راقد
محسن: امم وقعمز مسافر ياامي اني
غزاله: علاش انشالله خير
محسن: ضحكلها ونزل عيونه
غزاله: تي شن في
محسن: مسافر عشان شويه شغل وراجع
غزاله: اها وقداش بتقعد
محسن: مش معروف وناض مشي ووقف شوي امي
غزاله: نعم
محسن: بنجيبلك كنه را
غزاله: وقفت كيف ها النهار المبارك بنت منو شن اسمها وقنينه نبي ناخدلك وحده تبارك الله اني قلتلك
محسن: ضحك بشوي خيرك
غزاله: اسكت انت وقولي
محسن: اسمها كيان الله يبارك قنينه وتو تشوفيها
غزاله: اممم امتى نمشولهم
محسن: خلي نروح وانظم الجو
غزاله: تمام وقعمزت تكمل ف الشاهي
ومحسن: خش ياخد ف ملابسه ويفكر ف كيان ياعمري انتي جايك وفكرت انه ح يكون اب مفرحاته والاكتر انه منها ❤️
ترن ترن ترن
محسن: ايوا
محمود: الأمور تمام الليله طيارتك
محسن: تمام التمام
محمود: فرحان الله يبارك
محسن: ايه وضحك
محمود: ياكلب هي سلام
محسن:ههه سلام
أما ف الغرفه التانية
ريان: اني بروحي مش عارفه ونزلت عيونها 💔
نسيبه: ياعمري وحضنتها
ريان: تبكي عيلتي تخلو عليا هادي قصتي 💔
نسمه: لالا وتحاول تواسيها
ريان: نبي نعرف ليش جابوني ع الدنيا وهما مايبونيش 💔
نسيبه: ياقلبي انتي عسل كيف مايبوكش وزادت حضنتها احني عيلتك
ريان: تشهق بس خاطري تكون عندي عيله تحبني ونخاف عليا متخلينيش نشتغل خادمه عند الناس 💔
نسيبه: تبكي اني وين لوحتيني
ونسمه: واني وحضنوها التنين
ريان: ربي يخليكم ليا 💔
نسيبه: امين
نسمه: امين
ريان: ابتسمت وصت كسرتها 💔
نسيبه: باهي ماحولتيش توصلي فيهم
ريان. كيف
نسمه: ايه صح ممكن تعرفي عيلتك
ريان: مش عارفه بس هما تخلو عليا 💔
نسيبه: احني عيلتك ❤️
نسمه: هي تعالو نديرو نسكافي ونقرمو سمر واسراء
نسيبه: وهيا تمسح ف خشمها درت كيكه كراميل تعالو
ريان: ضحكت نحبكم وربي 😭
نسمه: حني اكتر
نسيبه: هي هي نجهزو ونقعمزو ف الجنان
نسمه: تضحك
نسيبه: خيرك
نسمه: الجنان 🤣
نسيبه: ياعيله اتفو
ريان: خيرها
نسمه: هدا ياحنة صاحب معتز اسمه معتصم كل متطلع للجنان تلقاه 😂
ولا والمنظر ابداع كل مره يشوفها
نسيبه.: عار 🙂
ريان: ههه وشن شكله
نسمه:طرف عيونه ملونات
ريان: ياعليك بخت يانسيبه
نسيبه: شافني ب الربطه ع راسي 🙂
ريان: وههه 😂😂😂
نسمه: هي ننزلو
نسيبه ريان: تمام
نسيبه: استنو وقعدت تشم 😂
نسمه: خيرك هبلتي
نسيبه: محسن رجع وربي ريحة عطره محلاها الزفت
ريان: تي واككك
نسمه: مش طبيعيه را
نسيبه قلبت عيونها ونزلت
ريان: تهبل بلعكس
نسمه ' ايه لين خلاص
وكملو هدرزه
__________
روايات يورا الترهوني 👑🔥
راكان: كنت تحت الميه المصقعه عشان اتطفي النار بس مافيش فايده فكرت انها تحبه كانت تحرق فيا تولع ف قلبي النار هيا ليا اني بس ومسح عيونه شد سنونه غصباً عنها هيا ليا وطلع يلبس ب هدوء وهوا يفكر ف ميار ويدخن
راكان: ابتسمتها كافيه تغيرلي مود يوم كامل أما دمعتها تحرق قلبي ح ندفعك التمن يا انس وبعدين ابتسم ب شر للاسف معاش حيصير اب وضحك اكتر شن دارله
اما ياميار نعرف كيف نوريك ع حبك ليه وخش صاله الرجال وقعمز يساير فيهم بس عقله ف ميار وكيف عيونها تعبو دموع لما قلها ضغط ع الكوب لدرجه نكسر ويده نجرحت
الجد: انت بخير راكان
مصطفى: خيرك
فتحي: نوض ضمدها
راكان: وهوا يحول ف المرشه ببرود جرح بسيط وطلع عشان يغسل يدهه
ميار: خبطت فيه ااه خيرك متشوفش
راكان: مشي كأنها مرض ب نسبه ليه
ميار: استغربت بس معطتش اهميه راكان يدك وشدت يده
راكان: باعد يدها وكمل طريقه
ميار: نستاهل مهزبه وخشت وهيا مضايقه من اللي صار وقلبها مكسور من انس وانه صح متجوز 💔
هايدي: خيرك ميار وجهك أصفر
ميار: تبكي تخيلي ءءء انس
هايدي: خيره اصلا مش مرتاحتله وغلط ياميار تعلقي ف قلبك معاه وانتي عارفه عيلتنا شنو💔
ميار: كان يكلم فيا عشان يمشي وقت وهوا خاطر وتجوز الاسبوع لفات 💔💔
هايدي: الحقير الله لاتربحه
ميار: تمسح ف دموعها حقيرر عيلل صدق في راكان وتنفست ب عمق 💔
هايدي: ايه من الاول قلتلك اني
ميار: عارفه بس نحبه وربي وتبكي وربي نحبه هوا كسرني
هايدي: ربي ها يعوضك خير خديتي تلفونك من راكان؟
ميار: لا من عرس ماسه عنده
هايدي:من قالك وكيف عرفتي امالا
ميار: نزلت عيونها عرفت من البنات
هايدي: اممم تعرفي استاحشت ماسه
ميار: اني اكتر اكتر من اسبوعين مشفتهاش💔
هايدي:ربي يسعدها
وسمعو صوت عياط
ميار: شن في
هايدي: صوت جدك ومالك انشالله خير وناضو
الجد: انت كيف ادير هكي
مالك: ببرود انت عارف انه الصفقه هادي كانت ح تخسرك كل شي
الجد: بس ب اللي درته انت وطيت راسي طلعتني ماعنديش كلمه كيف تهينهم ف وسط حوشي
مالك: انت عارف انه يبو يطيحوك ويحبسوك وهادا كله داروه عقد الصلح الهدنه كله وهم وولع دخانه
الجد: قعمز وشن الدليل لعندك
مالك: عندي تسجيل كاميرات المراقبه ونفخ الدخان يعني ياجدي كانو ح يضحكو عليك
فتحي: احترم نفسك جدك
مالك: كلام الحق وجبد من دخانه وناض الفيديوهات ح يكونو ع طاوله مكتبك ومشي وهوا مش يفكر لين قاطعه صوت جده
الجد: تمام ح نشوف وين مرتك ماجتش
راكان: قعد يشوف لمالك ب غل وكان ح يقول بس قاطعه مالك
مالك: عندنا مشوار كان وتعبت شوي رقدت
الجد: تمام وناض وهوا حاس انه في شي
راكان: شافله ب غل وطلع
مالك: بروضو مشي عشان يطمن ع ماسه ف المستشفى
________
الكاتبه يورا الترهوني 👑🔥
ف المستشفى
فقت وحاسه ب جسمي مكسر وراسي تقيل
ماسه: ياربي وحاولت تقعمز مقدرتش بسبب رجلها المكسوره ويدها توجع حاولت بس مافيش فايده جسمها فاشل قاطعها دخول مالك وريحة عطره
مالك: كيف حالك اليوم
ماسه: مردتش وتحاول تقعمز
مالك: قرب منها وضغط ع كتفها
ماسه: تبكي ااه حول حول
مالك: لاحظ انه شاد ع كتفها المكسور حول يده وقرب اكتر وقامها من خصرها وقعمزها بس استاكه ف عيونها وقعد سارح
ماسه: حسيت ب حاجه غريبه وتألمت لانه ضاغط ع خصري
مالك: فاق وباعد اليوم ح يعطوك خروج
ماسه:
مالك: قرب ولي صار مانبيش حد يعرف بيه تمام وقرص خدها بقوا تمام
ماسه: حطت يدها ع خدها وهزت راسها بس نبي نقولك انه ل بالك كله غلط اني مش هكي ونزلت عيونها 💔
صح كلمته بس وربي ماغلطت
مالك: عيونه حمرو مش مهم وطلع كلم الممرضه عشان تجهزها
وخش عشان يطلعها
ماسه: كيف ح نروح هكي اني واشرت ع رجلها
مالك: ببرود قامها ف حضنه وطلع ح نقعدو ف حوشي ف المزرعه لين تتعافي
ماسه: ريحة عطره خدرتني وحسيت ب امان لدجه اتمنيت اطول الطريق وحطني ف السياره واني وجهي احمر وشاده يديا
مالك: استغرب بس مادورش ولع دخانه وطلع
وكملو الطريق هدوء لين وصلو
ماسه: عجبتها المزرعه كيف مهتم بيها
فاقت ب مالك قايمها وخاش بيها
ماسه: اااه خيرك تضغط ع خصري هكي
مالك: ببرود مش مطيحيش مرزنك الزح
ماسه: قلبت عيونها
مالك: ابتسم ع وملامح وجها كيف تغيرو وحطها ف الصالون وخش للدار عشان يدوش
ماسه: اففف نبي الحمام كيف بنوض حاولت توقف بس ماقدرتش لين وقفت
ماسه: ااه الهم توجع بديت معاقه ياعطيك كسره يامالك وحاولت تسند نفسها ع الحيط حست ب يده ع خصرها ويدها تلفتت
ماسه: خلعتني خيرك مديرش ف صوت
مالك: انتي صوتك لما تفكري عالي وضحك
ماسه: ياربي عليك حشمه ووجها احمر من الموقف
ماسه:ءءء كنت نبي اميه
مالك: ببرود لا تبي الحمام
ماسه: نزلت عيونها وتحشمت اكتر
مالك: ضحك وقامها ورفعها للحمام
ماسه: خلاص حطني ع الباب نقدر بروحي
مالك: غمزلها لالا متقدريش
ماسه: نصدمت من جرائته لالا وسكرت الباب بسرعه
مالك:طفله وقعد يستنى فيها ع السرير
لين طلعت من الحمام
مالك: قامها
ماسه: ااه خيرك هكي مزال نبي الكيلى بتاعي
مالك: زاد ضغط عجبني وغمزلها
ماسه: ياقليل الادب نزلني
مالك: متصدقيش روحك نجامل ولوحها ع الصالون وقعمز يدخن
ماسه: خزي وقعدت تتفرج لين غفت
وغطاها مالك وطلع جاته مكالمه
مالك: تمام مليح
صقر: ف المستودع حطيناه
مالك: ابتسم ب شر تمام التمام
صقر: تمام هي سلام ملوك
مالك: سلام صقرنا
وسكر وهوا يفكر طريقة العداب ليوسف وخش رايق قعد يدخن ويشوفلها
______
رويات يورا الترهوني 👑🔥
الجده: قعمزت وعيونها ف فاطمه ورحمه أما نورس مقعمزة شاده تلفونها
الجده: اني اليوم جمعتكم عشان الخطبه لحتصير
خطبه: خطبه شنو؟
رحمه:؟؟؟
الجده: خطبه ميار وراكان
فاطمه: نصدمت كيف ؟
رحمه: نصدمت ياعمتي بنتي صغيره
فاطمه: ياعمتي راكان كبير ع البنت
رحمه: تشرب ف حبوبها ياربي يفرجها عليا
مصطفى: بوي قال قراره وهوا عارف
رحمه: تي البنت صغيره
فتحي:تكبر عنده
فاطمه: عمي غالط مفروض مش هكي يزوج فيهم وخلاص
مصطفى: عارف مصلحت كل شخص فينا وكلمته متوليش تنين
رحمه: اني ماشيه ومشت معها فاطمه
مصطفى: شكلنا ياخوي مكتوبلنا نكونو نسايب
فتحي: ضحك ايه والله
وكملو هدرزه
__________
ف مكان بعيد ع ليبيا
ف بريطانيا
كيان: فقت وضهري يوجع من رقدت الكنبه
كيان: اووف جعانه وتفكرت انها طلبت جاهز بس رقدت
كيان: ناضت وفتحت الباب لقاته قدام الباب خداته وسخناته وبدت تاكل بس بشكل غريب بشراهه
كيان: ياماما شكلي بنسمن 😂
كيان: وليدي جعان هلبا وكملت اكل وناضت تنظف ف الشقه وترتب فيها لين كملت
كيان: ظهري وقعمزت شدت صورت محسن وحضنتها شكلي نتوحم عليك يامحسن وضحكت
كيان: تتأمل ق صورته بعيون حب ودموع ف نفس اللحظه كنا سند لبعض بس بس أنت كسرتني كنت نقول راجلي بس تخلى عليا كنت نقول دنيتي بس ههه لعب عليا ودموعها تنزل وغمضت عيونها ودموعها تنزل بس لتوا نحبك وقلبي مقدرش يكرهك علاش جت بين عيونها لما قلها حبي منو جي
كيان: ربي يسعدهم ونعست الباين انه لقت راحتها ف النوم عشان دكراياتها ترحمها هيا وولدها 💔
______
تسريع الاحدات بعد مرور شهر
أنت تقرأ
ظلموني(منقولة_ليبية)
Action- يـكثر كرهـي للشخص يتغيـر علـيا بدون سـبب . رواية ظلموني. للكاتبة يورا الترهوني. منقولة❤❤..
