လွန်ခဲ့သော ဆယ်နှစ်ခန့်.....
“ဟဲ့ နင်သိပြီးပြီးလား အိမ်သာနားမှာ ဘုန်းမြင့်မြတ်ခွေးကိုက်ခံရလို့တဲ့”
ကလျာရဲ့ပြောစကားကြောင့် ကျွန်မထိတ်လန့်သွားမိသည်။သူအများကြီး အကိုက်ခံလိုက်ရတာလားမသိဘူး ဟူသည့် စိုးရိမ်စိတ်ကလေးများသည် ကျွန်မဆီသို့ အပြေးအလွှားဝင်ရောက်လာလေတော့သည်
“ဟုတ်လား ...အများကြီးအကိုက်ခံလိုက်ရတာလားဟင်..”
“သူများတွေပြောတာတော့ ခြေထောက်မှာ သွေးတွေအများကြီးပဲတဲ့”
“သူကလည်း ဘယ်လိုလုပ်ပြီး အကိုက်ခံလိုက်ရတာလဲ ခွေးနားသွားပြီး မျက်စိရှုပ်အောင် နေပြလို့ အကိုက်ခံလိုက်ရတာလားမသိဘူး...”
“အေးဟ အိမ်သာနားလေးမှာ ခွေးမကြီးသားကျနေလို့ ဆရာမက အဲ့နားသိပ်မသွားဖို့ပြောထားတယ်လေ”
“အေးဟ သူအိမ်သာသွားရင်း လိုက်ဆွဲခံရတာနေမှာ..”
“ဟော မိုးဥတု ..ပြောရင်းဆိုရင်း အကိုက်ခံရသူကြီးလာပါပြီ...”
ကလျာစကားကြောင့် မိုး အခန်းတံခါးကို လှမ်းကြည့်လိုက်တော့ ထော့နဲ့ထော့နဲ့နဲ့ တစ်လှမ်းချင်းဝင်လာပါသော ဘုန်းမြင့်မြတ်...
သူ့ဘေးတွင် လူများဝိုင်းအုံနေကာ တွဲသူက တွဲပေး ဒဏ်ရာကို ဝိုင်းကြည့်သူက ကြည့်နဲ့ ဆရာ/မတွေကအစ အကုန်ဗျာများနေကြရသည်
မိုးလည်း သူ့ဒဏ်ရာဘယ်လောက်နက်သွားသလဲသိချင်လို့ သူထိုင်နေတဲ့ ခုံနားလေးသို့ အများနည်းတူ လျှောက်လာခဲ့သည်
ဒဏ်ရာက သိပ်မများသော်လည်း အတန်အသင့်ဖြူဖွေးနေသောခြေသလုံးသားေပါ်တွင် အစွယ်နှစ်ခုရာက ခပ်နက်နက်စိုက်ဝင်နေလေသည်
သွေးများကတော့ အစွယ်ရာပေါ်တွင် ခပ်စို့စို့တော့ တင်ကျန်ရစ်နေသေးသည်
YOU ARE READING
အဖြူရောင်ချစ်ခြင်းမှ အစတည်၍
Romanceမိုးဥတုဆိုတဲ့ ကောင်မလေးတစ်ယောက်ဟာ သူကိုယ်တိုင်တောင် မသိလိုက်ဘဲ ကောင်လေးတစ်ယောက်ကို ချစ်မိမှန်းမသိ ချစ်မိလာခဲ့တယ် ထိုကောင်လေးက သူမနဲ့နီးနီးကပ်ကပ်လေးမှာ အမြဲရှိနေခဲ့ပေမဲ့ သူမတို့နှစ်ယောက်ရဲ့ဆက်ဆံရေးကတော့ ချစ်သူဖြစ်ဖို့မပြောနဲ့ သူငယ်ချင်းတောင် မဟုတ်ကြတ...