كنيتي مصيبة🥴🔥(مكتملة)

5

✳ الجزء 5 ✳

   ❤️ كنــــــــــــيتي مصـــــــــــيبة♥

🌸ادمينات وردات الملوك🌸

🔥 ممنوع من النشر منعا باتا 🔥

جاية كتعرج على رجليها الوية لي تلوات ليها هذه النهار راه معمرها تنساها في حياتها علاش لا و هي عندها مقابلة دابا و المصيبة الصباط تهرس ليها الطالون مع كانت هاربة من البراهش مصيبة كحلة كي فيقو على النبوري الفقصة جابو ليها و الغدايد على كتبتها الملاوطة

هزات راسها في الشركة حتى كتشوف وحدة حتى هي وقفات حداها خنزرات فيها و دورات راسها و زادت تدخل و لي من موراها كتشوف فيها و تضحك دارت عندها مخنزرة

***ياك لاباس
***:كاينة لي كتجي دوز المقابلة بصباط مهرس
***(بغضب):و انت مالك اش حرق شطاتك بسلامة
****:لا ممالي والو

ضربات فيها و زادت و هي تخنزر فيها شافت في الفردة لخرى و هي تنزل حيداتو من رجليها و زدحاتها حتى تقسم على جوج و خشاتو في الصك و زادت دخلات مع الطريق وصلات لقات اخرى كتدوي مع سكرتيرة وقفات من موراها

سكرتيرة:اش سميتك
فاتي:فاطمة الزهرة
سكرتيرة:فاطمة الزهرة اش
فاتي(بهمس):البغلة ولدات
سكرتيرة(خرجات عينيها):بغلة اش
فاتي:البغلة ولداات

سمعات البنت لي من موراها ضحكات دارت عندها مخنزرة و هي تشوف فينا سكرتيرة: و انت اش سميتك
***(شافت فيها و شرات لراسها):انااا
سكرتيرة:اه اختي
عايشة:عايشة
(شافت في البنت):الهيشة عايشة الهيشة
سكرتيرة(ضربات الستيلو): سيرو اخوتي تجلسو الله يرحم الوليدين و كنيااات على صباح هذو

رجعات تخدم و هي متزهق ليها ضحكة حتى كتشوف في المدير داخل طلعهم و هبطهم من الفوق التحت و دار عند السكرتيرة تبعاتو

مدير:جاو كاملات
السكريترة:اااه كاملات غير هو كاين اشكال
مدير:فاش
السكرتيرة:كنياتهم
مدير:مجاتش لكنيات ا هدى ها انت كتبتي فؤاد دلاح فيها شي حاجة
السكرتيرة:لاااا
فؤاد:دخلي وحدة بوحدة
السكرتيرة :هي الأولى

خرجات هي كتضحك و وقفات في الباب و شافت في في اول وحدة دخلات:فاطمة الزهرة سنطرال

البنات كاملين شافو فيها و هي تخنزر فيهم:مالكم ياااا لباس راه بنت الشعب بحالي بحالكم هي انا هي انا اختي
السكرتيرة:تفضلي

ناضت بالفرحة دخلات كتجري و جلسات بدون ادن تالفة