عينـَاها التي كالبحَـِر وصوتها الذي يطيِـر بنوارس قلبـَي وضحكتــَها التي تعيديني لحياتـَي و عقلها الطفوُلي وبرائتها المحبوبه وكل شيء بهـَا جميل..
"اسد"
بسم الله الرحمن الرحيم
ـــــــــــــــــــــــــــــــــــــــــــــــــ
اسد . يولل كافيي اسكتي ناجحه ومعدلج٩٩.٩٨
بنين . من كال انصدمت شلون مو
راسبه اني شلون نجحت بعدين استوعبت انو صفاء ضحك عليه باوعت عليه صفاء وبياوعلي كمت اليه موته
بنين . حقير كلببب ادبسززز
مخليت كمله مسبيته بيه
وبعدين باركولي
فرحانههههه يمممه شويه واجو اخواني ولولد دخل فهد كال
فهد . "بنيني رفعت راسي"
بنين . شالني ويفر بيه واني اضحك ومكيفه والباقي يباوعلونه ويضحكون
بنين . يولل نزلني دخت هههه
فهد . اشو تعالي ابوسج على هذا المعدل شوفي رب العالمين عوضج بعد تعبج سنه كامله
بنين . اي الحمدلله
بنين . اخواني باركولي كذالك
بعدين دخلنه جوه لان حتصير الصلاه واحلى شي انو صوت القران بلبيت وجدتي الي كاعده تقره قران ومرات تشوفن نص البيت كاعد يقره قران وطبعا اني اقره وبكل صلاه 4 صفحات من القران هيج اكدر اختمه بشهر
بنين . بعدين تعشينه وكالو خل نطلع نحتفل بنجاحنه
جدي . لا خلوه على باجر هس صار اليليل واساسا الوكت تتأخر متتونسون
الكل . تمام
قسور . يول بنين قبل شويه اجت تموت لو مو ناجحه
فهد . ليش شبيه شصار
زينه . مو صفاء ضحك عليه وكاله حجتله زينه الي صار
فهد . اشو تعال انتَ شلون سوي هيج وياه لو صاير بيه شي
يحجي وياه هوه لوي اذنه
صفاء . يول ردت اشاقه وياه بس اختك حساسه وايدد ملحكت اكمل كلامي وكعت البرنسس
بنين . لعد شتردين اهلهل مثلا
بنين . بقينه كاعدين 12 بعدين كلمن راح على غرفته
اجه ثاني يوم وياريته ماجه بعد هل يوم انقلبت حياتي 180 درجهه
بنين . كعدت صبح سبحت ونزلت منتظرين الريوك جانت الساعه 8 ونص صبحت عليهم ورحت على مطبخ يم البنات كملنه الريوك وغلسنه المواعين وطلعنه بلحديقه نكعد شويه واجه صفاء جانت جمعه فكله موجوده بلبيت محد طالع
صفاء . يا فصعونه بابا يصيحج
بنين . اني فصعونه!!
صفاء . اي لعد خالتي
بنين . بسيطه اذا ماكل على ماما اكله يحجي على اختج
صفاء . دروحي لج تخوفين شنو
بنين . تمام لعد لا تخاف اني رايحه اكاله
صفاء . يول شبيج تعاي اشاقه وياج تردين سلاح نبع الحنانه يلعب على ظهري تعاي بنونه حبيبتي
حبيبته اخوهه
بنين . انننن دمشي خل نشوف بابا
صفاء . صدك ولج نستيني امشي
بنين . رحنه على غرفه ماما وبابا لكينه اخواني وبابا ماما من شفتهم مجتمعين هيج لزم صاير شي شهل الاجتماع الخطير هذا احم احم انجبي بنين خل نشوف شكو
بنين . شنو هل الاجتماع الحلو بابا اكيد واحد من ولدك مسويله مصيبه
اخواني كامو اليه يردون يكتلوني بشقه طبعا شردت وراه بابا
بنين . اننن ماتسلزموني
لزمني سيف
سيف . شو تعاي خل نشوف ياهوو يسوي مصايب
بابا . كافي خل احجي
بنين . من كال هيج كلنه كعدنه مؤدبين
جان اكو بطل مي فتحت اريد شربت وسمعت بابا من حجه فورا غصيت
بابا . بنين بابا انتي كبرتي واليوم عمج خطبج مني
فهد . ياعم منهم
بابا . ابو اسد
يمان . ألمن
بابا . الاسد
بابا . بنين بابا رجال مبيه عيبه وخوش رجال وبنفس الوقت ابن عمج احسن من الغريب يابابا
فهد . اي والله ونعم من اسد خوش رجال ينشد بيه الظهر عضيدي هذا
بنين . كلهم يمدحون بيه وحته منطوني مجال احجي
فوراً كلت
بنين . مستحيل
بابا . شنو المستحيل
بنين . بابا اني ماريد ازوجج لا اسد ولا غيره
بابا . لا بابا مو هسه تنطيني الجواب فكري وانطيني
بنين . بس بابا
بابا . لا بس ولاشي ورجعلي خبر
بنين . عفتهم وكمت على غرفتي
بقيت افكر هاي ماصر النه هنا اسبوعين واحنه كاضيه مناكر شلون نزوج لعد يرببيي دخيلكك لا تخيلي بابا يوافق
بقيت كاعده وافكر بس شكد مافكرت ماريد شويه واجن البنات يمي
غسق . ها بنو شسوين هنا مجين يمنه تحت
رهف . لجج الوووو بنين نحجي وياج ويانه انتي
بنين . اسمعجن
زينه . بيج شي
غنى . بنو حبيبتي شبيج ضايقج أحد
بنين . سولفتلهن وهنه هم فرحانات ومكيفات
غسق . هسه انتي عليش زعلانه
بنين . ماريده غسق
زينب . اي ياعمري شنو البيه مترديه
زينه . تره اخوي واعرفه والله حباب
غنى . هههه اسكتي انتي
بنين . تمام هسه اريد انام طلعن وطفن الضوء
رهف . جنج طردينه
بنين . بضبط ههه
زينب . وين تنامين هسه راح يصير المغرب
غسق . اي صح مو زين تنامين هسه يله كومي بلا كسل
بنين جرجني بلكوه
بنين . ولجن تمام هدني اني اكوم خل اعدل شعري
رهف . مبيج شي تخبلين يله يله
بنين . نزلنه جوه يمهم باوعت على اسد لكيته يباوع عليه وخازرني ويهس برجله
بنين . بكلبي كبرر شبيه هذا
اسد . مر كم يوم على جيت بيت عمي يمنه عادي مصار شي جديد لحد يوم الانتائج وتخربطت من ضحك عليه صفاء الصراحه متوقعت هيج شاطره وطلت هل معدل
لحد مأجه ابوي صاحني ويكل خطبتلك بت عمك
محمد
تخبلت شنو يخطبلي واني اصلن ماحبه وهاي الايام كضيته مناكر وياه مادري ليش احسه مغروره وشايفه نفسه هواي وبعدين اني مواعد حبيبتي بس تخلص دراسه نزوج بس جدي وابوي ماقبليني بس كلت الهذاك الوكت يقبلون حبيبتي اسمه مريم تدرس اداره واقتصاد مرحله ٣ وكل ما اريد اروح اخطبه تكول لا لحد ماخلص دراسه بعدين عفته براحته لان احبه لحد ما هسه وانصدمت انو ابوي خاطبلياه
اسد . يابه شدحجي انتَ
ابو اسد . شنو شداحجي جاي اكلك خطبتلك بت عمك
اسد . بس تعرفني ماريده وماحبه واصلن اني مو تعرفون اريد اخطب البنيه الي كتلكم عليه
ابو اسد . خلص النقاش كلت الي عندي
اسد . بس يابه
ابو اسد . اسد اني كلت الي عندي تريد تكسر كلمتي يعني
اسد . لا يابه ماعش الي يكسر كلمتك براحتك بس من هسه بس بلأسم زوجتي
ابو اسد . يصير خير هسه راح اروح اشوف جدك
اسد . يعني جدي يعرف
ابو اسد . اي اصلن هوه كال اخطبله
اسد . خوش حجي يلا اني طالع
ابو اسد . براحتك يابه
اسد . طلعت من الغرفه ورحي طافره يحددون بكيفهم بس بسيطه نزلت من الدرجه طلعت كدامي بنين عيونه حمر خزرته ونزلت مو طايق اشوف وجهه
بنين . كلت انزل احاجي بابا بقراري وصلت الدرجه شفت اسد خزرني ونزل شبيه هذا ويععع نوب يردون يزوجونيا
شفت ماما بلمطبخ
بنين . ماما بابا وين
ماما . بلحديقه عيني
بنين . تمام
بنين . بابا
بابا . ها حبيبي تعاي
بنين . احم بابا يعني اني قررت
بابا . اي وشقررتي
بنين . ........
ــــــــــــــــــــــــــــــــــــــــــــــــــــــــــ
بقلم الكاتبه بنين محمد
انطوني رأيكم بلبارت حبايب
لا تنسون صوتون
واسفه على التأخير
