الحلقه الواحده والعشرون 🌿🦋''
••
مَيـلي على مَيالج وعَمَت عينة اليغثج وأنَة خَيالج.
''
# رهائن الميتم ♡
''
واكفين نباوع على ميساء لابسه بـدله الحنه
فرحانه نص البنات يركصون ونص بالمطبخ
ونص كاعدات لمتهم حيل حلوه
شكد افرح مـن اشوفهن يضحكن بناتي ومتجمعات
جمانه يصفي تسولف ويه قُربان وتضحك
علياء واكفه ويه كوثر ومريم يسون بصينيه الحنه
الاجواء راحه نفسيه
الولد لحد الان ماكو هواي نسوان بالصاله يسئلن
علينه منين هذن و عمه صابرين تعرفهم علينه
يعرفون جمانه خطيبه بڪر
وعلياء خطيبه ابـو الجون
واني زوجه مُصعب
يتعجبون ويسئلون عندج بعد خوات
مستغربين اني زوجته ههه
يمڪن لان محد يعرف بيه زوجته يكولون شوكت
تزوج ليش ماعزمتونه وعمه تكعد تبرر الهم
جمانه :- تعالي كلها مبدله واحنه بعدنه
امشي راح يجون بعد عالم
اسـو : اجيت
صعدنه فوك وكلمن راحت لغرفتها فتحت الكنتور
عجبني فستان من الجابهم مُصعب كلش حلو نازك
لـون احمر غامق كلش الحنه بس نسوان يعني
عادي اذا لبتسه الولد ما موجودين
اخذته وطفرت سبحت خلصت وطلعت الخاولي
على جسمي رطبت جسمي وهاي السوالف
بعدها لبست ملابسي خليت مسكاره حمره وعجبني
اخلي كحله اول عين اجت عدله بعد عناء طويل
اخاف افگس عيني همزين خلصت
باوعت للمرايه هاي عيوني بقيت اباوع مامصدكه
شلون صارن هيج عيوني صارن عدلات بالكحله باوعت للعدسات احجي ويه نفسي احط لو لا هوه الكحله كوه نوب عدسات تروح عيوني
عفتهن مابيه حيل اصير عميه
شعري عفته مفتوح نوب طول بس حلو وهوه طويل
صار لنص ضهري گذلتي طولانه لحد حنچي
باوعت ما عجبني شلته كله لفيته لوره وحطيت ماشه
بيها فراشه ذهبيه نزلت خصلات على رگبتي وخدي
رجعتهم وابتسمت على شكلي جميل
حطيت عطر شويه فتحت خانه الأحذيه اضوج من
الكعب خذت فلات باوعت للمرايه وضحكت
معيديه لخاطر ربج ذبيتها ولبست كعب ماكو ماروني
الاسود يرهم على كلشي لبست اسود
كعدت على الجربايه والبس بالكعب الحذاء حلو حبيته مريح خفيف
كمت من الجربايه امشي صوته يطك بالراس حبيت
هالشي رجعت باوعت للمرايه حبيت شكلي
مامتعوده البس فساتين كله بناطير طلع الفساتين
حلوه عليه احم احم هههه
طلعت مـن الغرفه ردت اروح لـ جمانه طلعن كلهن
من غرفه قُربان يمشن جايات لغرفتي
باوعت عليهن مامنتبهات الي لابسات طالعات يجنن
مشيت طلع صوت الكعب رفعن راسهن
كلهن وكفن يباوعن عليه مصدومات حته اني وكفت
اباوع عليهن كمت اباوع لوره خاف اكو احد
