في بيت ابوصالح بعد الفطور
ابوصالح:اقول اليوم اسعتعدوا بسوي عزيمه
ام صالح:ليه ماتخليها بكره بروح اليوم انا وزينب لام راكان
ابوصالح:روحوا الحين والليل العزيمه
نوره:تكفى يبه كلم اهل ابو علياء
ام صالح:ايه بنكلم اهل الجيران كلهم
ابوصالح:انت يافهد رح لسوق الغنم وشف لنا ذبيحةٍ سنعه وصالح كلم الجيران وعمك لا تنساه وفارس رح للسوق جيب نواقص المطبخ للعزيمه ونوره ومها وشريفه ونوال وام صالح لشغل البيت
الكل:ابشر
طلع ابوصالح لابو ماجد وطلعوا العيال كل واحد على الي وصاه ابوه وبعهدها يروحون للغنم والبل مع عيال ابو ماجد لان حلال ابوماجد وابوصالح سوا
لفت نوره للبنات:يووووه ابوي بيكلم عمي وتجي معه فلوه ورفعه
مها:حبيبتي انا ما احزن الا على سمر مسكينه ربي حطها بين ناس اللهم لا شماته
شريفه:الحين تجي رفعه من العصر وتقعد تنقد قهوتكم ماطبخت وشاهيكم ناقص سكر وووو
نوال:اللهم لاشماته بس مدري شنسوي فيها
ام صالح:قومي يامها قولي لخالتك تجهز شوي ونروح لام راكان ولاتتاخرين وتحطينها سوالف مع غدير
مها:ابشري راحت مها تركض للباب الي في حوشهم يفصل بين حوشهم وحوش ابو ماجد
فتحت ريم:هلا يالاخت
مها:تقول امي قولي لخالتي تجهز بيروحون لام راكان الحين وبالليل عندنا عزيمه
ريم:ابشري
مها:وانتم خلصوا شغل وتعالوا ننتظركم للقهوه
ريم:لا انتم تعالوا
مها:يبنت الحلال مانقدر
ريم:طيب
._________.
راحت ريم تعلم امها
ريم:يمه تقول مها تجهزي عشان بتروحون الحين لخالي حمد
ام ماجد:ليش ماقلنا بنروح ااعصر
ريم:يمه تقول عندهم عزيمه
قامت غدير تركض للباب
ام صالح:يالمخبوله وين رايحه
غدير:بروح اساعدهم يمه
ام صالح:ارجعي ارجعي
حسناء:غدير بنخلص شغل البيت هنا ونروح لهم
غدير:كفووو
ضحكت حسناء:اجل انا بنظف مواعين الفطور
ريم:وانا بكنس البيت وغدير ترتبه
قامت كل وحده لشغلتها وطلعت ام ماجد لام صالح:اقول ام صالح عسى بتكلمون ام فهاد
ام صالح:اي عزمناهم ولا ودي نعزم فلوه
ام ماجد:الله يسامحك يامره خلاص اتركيها بحالها
ام صالح:وش الي اتركهها بحالها انسانه مقابلتني انا وعيالي اضحك واصفق لها
ام ماجد:امشي امشي الله يهديك بس
ركبوا سيارة ريان
ام صالح:صباح الخير يبه ريان
ريان:هلا هلا خاله صباح النور
وصلوا لبيت ابو راكان
ام ماجد:ريان تعال الساعه ١١ ونص
ريان :ابشري يمه
دقت الباب ام صالح
دقت الباب ام صالح
ابو راكان:قم قم ياراكان شف من عالباب
قام راكان:هلا هلا بعماتي ياهلا تفضلوا تفضلوا
ام ماجد:زاد فضلك ياوليدي زاد فضلك
قام الو راكان اول مايمع راكان يقول عماتي للباب وشاف اخواته:يامرحبا ياهلا يامسهلا هلا باوخياتي ياهلا
ام صالح:المهلي مايولي ياخوي المهلي مايولي
سلموا على راكان وابو راكان ودخلوا لام راكان:سلام عليكم يا ام راكان
ام راكان :ياهلا ياهلا تو مانوّر البيت
ام ماجد:منور باهله يام راكان
ام صالح:كيفك ياعايشه
ام راكان:طيبه الحمدلله وكيف اخوي يا زينب
ام ماجد:زين الحمدلله ويسلم عليك وعليك يابو راكان وانتم ياعيال
الكل:الله يسلمه
واستمرت السوالف عندهم
._________.
في بيت ابو صالح
خلصوا البنات شغلهم وجلسوا على القهوه ينتظرون غدير وريم وحسناء
نوال:صبر بروح اناديهم
نوره:والله تسوين خيير
مها:بروح معك تكفيين
شريفه:البنت ذي اذا سمعت طاري غدير انهبلت
مها بضحك:يلا يلا مع السلامه بروح لغدورتي
نوره:الله يستر لا يوم من الايام نشوفك شايلتها بيدينك
مها:بجيبها الحين فوق ظهري
ضحكوا كلهم وراحو مها ونوال يدقون الباب نوال:يالجيران تعالوا للقهوه بلا تكبر
غدير ركضت للباب بضحك:مشغولين يالجيران الله يهديكم ماتحبطون من القهوه بنكم مايخلص
شهقت مها:تعالي تعالليي يا حيوانه وتشوفين كيف تحبطين الحين مو من القهوه من الكفوف
نوال:اسمعي ذي وكوميديتها الحين معد يجون وش ذا تذبين ولا تنكتين
رفعت يدها مها:نوالوه لاتطقطين تسمعين شتقول
فتحت غدير:انا بروح اتقهوى وانتوا ادخلوا انفظوا البيت للثنتين ذول
نوال:عجييب يالاخت البيت فيه احد؟
غدير:لا لا مافيه احد
دخلت مها حوش ابو ماجد:حسناااء و ريم تعالوا للقهوه
طلعت حسناء معها فرح: سلامات تصيحين ياختي
ريم:جينا جينا
راحوا عند البنات
نوره:مابغينا
حسنا:سلام عليكم وردي السلام ثم هاوشي
نوره:وعليكم السلام الحين انتي ما كنه بيت ابوك يابنت تزوجتي ونسيتي بيتنا لازم نناديك ولا ماتجين
حسناء:انا بالياله افتكيت منك وش لي بوجهك كل صبحيه كفايه ضيعت 26 سنه من عمري على مقابل وجهك خل اغير واروح مكان ثاني
خزتها نوره:اقول اليوم بتجي رفعه وامها فلوه ذي
غدير:يوووه الحين مين له خلق لملحجة رفعه يارب صبرك
ريم:غديير شفيه
حسناء:خليها خليها لاتقلين لها شيء لان متاكده بتساعدني اليوم ونتوطى بطن رفعه
نوال:ياعزي لفرح وهي تسمع امها بترافص
شريفه:الا على طاري فرح وين عزوز وسلطان ولانا
نوال:مدري عنهم جننوني وفكيتهم لفت نوال على ريم:انتي وين نواف
نوره:اخذه ابوه اليوم الفجر
شريفه:بقوم ادور
قامت شريفه تدور ولقيتهم في المطبخ كسروا كرتون فناجيل
شهقت شريفه: يا المخابيل وش مسوين انتم وش مسوين هااه
ركضت نوال على صرخة شريفه:سلطان لانا شمسوين عزوز وش سويتوا
سلطان:لانا كسرتها
شريفه:هي في الدولاب الي فوق مستحيل لانا توصلها
عزوز:ماما انا وسلطان طيحناها كنا بنلعب فيها
نوال:وتلعبون بالفناجيل انا انادي نوره تتفاهم معكم
نوووره تعالي شوفي شوفي
جت نوره:عيال شمسوين
سلطان:عمههه بالغلط والله لا تضربينا
نوره:ومين مسوي كذا مين
عزوز:انا وسلطان
نوره:ليييه شموديكم هناك ووش مطلعكم
سلطان:جبت طاوله وطلع عزوز وانا امسكه
نوال:امسكيهم ثلاثه واضربيهم
نوره:اليوم عفو لكن تعيدونها والله والله لتندمون تسمعون ولا
لانا بصوت صغير ولهجة اطفال:ععمهه ماكان عزوز يقصد
نوره:توها ذا البزر اليوم تتكلم امشوا برا لا اكسر روسكم برا
طلعوا ونظفوا نوره ونوال وشريفه وطلعوا للبنات
حسناء:شفيكم نسمع صراخكم ولا نشوفكم وطولتوا
نوره:عيال هالمخبولتين كسروا كرتون فناجيل مدري شقهوي فيه فلوه ورفعه اليومم
مها:بسيطه كل وحده تمد كفوفها واسكبي لها فيها
ضحكت غدير:بس بردي القهوه والشاهي ورفعه وفلوه لا من على الفرن ليديهم
نوره بغضب رمتهم بفنجال:يا ظريفات انقلعوا عن وجهي
ريم:بوجهي بوجهي اجلسوا يا البقرات الضاحكات
غدير:هذي يا نوال زي ذبت مها عند الباب
ضحكت نوال:تكفيين ليتها استخارت ولاا قالتها
مها:اسكتوا عني يا الثنتين بس
حسناء:طق عرق الفضوول شقالت
واستمروا سوالف وضحك ويطاردون ورا سلطان وعزوز ولانا بس الحين فرح يادوب تمشي وقلبت البيت فوق روسهم
