منايانة غفل ودنية دوارة
فواتحنة كثرت و دمع يتجارة
شاراتنا الكبل جانت مثل الناس
هسة احنة النخاف تلوحنة الشارة
جنة علة الميانة انفوت متتعنين
وعلة زمور التفك لو ثار نتبارة
وجان المشتهينة اندك عليه الباب
ونخلي ع راسة الفشك كبارة
وجان الموت يصفن من علينة يفوت
ومن تصرخ بوجهة يبدل افكارة
شعب جان اليمسة يموت كبل الموت
وعلى هاي الشمايل كبرت ازغارة
نمشي بطولنا و بل فخر متحزمين
ويسورب ورانة التكثر اعذارة
صفينة انشاكف الطك بالاسف و الحيف
وندور ع البخت انلوذة بكتارة
ياموت العفة ارحمني برصاصة موت
ولا اعيشن دجاجة ابيت دوارة
للشاعر الكبير عريان السيد خلف
واللة دنية 💔💔
