هوس العقيد

البارت الثالث

روئيا: تاخر الوقت وكمنا دخلنا جوا ماما فرشتلهم بالاستقبال وبابا يمهم صعدت لغرفتي شمرت روحي ع جربايه. وافكر بعمو صدام ايعععع حرام غير هو عمو شهل تفكير خل انطمر احسن
صدام خليت راسي ع المخدة واجه صورت شعرها الاحمر وشكله شنو حسن شايله خرب بغيرتك صدام عفت نسوان كلها. واجيت ع طفله. مكدرت انام طلعت برا افتر حتى راسي يوجعني وصدع ماعرف بشنو افكر افتر وارجع لشعرها اول مرة اشوفها وهيج تبهذل حالي رجعت لفراشي غمضت عيوني وحاولت انام يمكن نمت ساعه واذن الاذان معدنا صلينا وطلعنا للناصريه

روئيا: نمت كعدت صبح مو صبح ظهر تقريب ب11:30لكيت ماما طابخه غدة والبنات بغرفهن ديقرن شميت ريحه دولمه اوففففف العشق فتحت الكدر اويلي شوكت نصب غدة

فاديه:روئيا شبيج شمشمين ا تمدين ايدج لما يجي ابوج

روئيا: ماما والله مكسته صعدت يم رسل بقينا نسولف تقريب ب1اجه بابا طبعا بابا رتبه بالجيش وعنده معرض سيارات نزلنا بوسنا بابا وتغدينا
روئيا مرت الايام عادي وبلشت ايام دراسه مشت الايام بسرعه بين دراسه والبيت ومرت 3واجتي امتحانات نص سنه امتحنا اني ظامنه نجاح ومسيطرة لان اتعب بدراسه رسل. رفل سادس من الخوف ميربطن اذا مجاوبات او لا   اخر يوم رجعت اكمز واخير ح نام براحتي افيشششش
رسل: روئيا احسدج تدرين هنيالج اني اليوم انخمشت روحي الاسئله صعبه.
رفل: ايوالله صعبه كلش
فاديه:ماكو شي مو صعب يا ماما اهم شي تتأهلون للوزاري وتسدون حيلكم طلعن معدلات ترفع راس يله بدلو وارتاحو

روئيا: توزعنا كل وحدة لغرفتها وكعت ع وجهي حضن المخدة واحاجيها يبعد العشيرة كمت فتحت الكنتور طلعت ملابس بدلت ونمت كعدني للغدة منزلت بقيت نايمه

صدام: مرت شهور ونسيته تكثر شي من اصفن اذكر شعرها يمكن عجبني لان مشايف بنيه من عدنا هيج شعرها بهل فترة خطبو لذولفقار بنت عمتي وحددو العرس. بعطلة نص سنه
اجت العطله. بلشنا تحضيرات وابوي كال اخابر رحيم يجيب اهلة ويجون بداخلي شي فرح مادري ع شنو
روئيا: كعدت بليل عيوني. منفخه الكل نايم حيللل شكد نايمه فتحت الثلاجه طلعت كباب تكلا وطلتت خبز وطرشي وكعدت اكل جوعانه كلش كملت غسلت مواعيني ورجعت لغرفتي شبعانه نوم. كلبت بموبايلي دخلت ع الانستا ملكيت بس صديقاتي مراسلاتني نشرت ستوري وطلعت شغلت اغاني خليت الهيتفون ونمت فزيت صبح الموبايل طافي شحن عاععععع خليته ع شحن وكمت لميت شعري ونزلت ساعه سبعه اليوم شبعانه نوم محد كاعد باباالع وامي نايمه بعدهيلعت لطارمه نظفتها وسكيت الزرعات ودخلت لكيت ماما كاعدة

فاديه:اللهم صلي ع محمد شنو يمه شو كاعدة من وكت شنو سالفه
روئيا:تردين ارجع انام

فاديه لا وين تعاي اريدج ساعديني نسوي مطبك سمج ابوج مشتهي
روئيا: يماما ماعرف اني خل رفل تساعدج هسة اكعدها

فاديه: انجبي وتعاي ساعديني
روئيا :امري لله يله روئيا ساعدت امي. كليت سمج وهي سوت التمن طبكته هو والسمج وسوت صلصه كعدن البنات بككن عيونهن لان كاعدة من وكت

رجع بابا من شغله كعدنا ع سفرة تغدينا وحجه بابا

رحيم:حضرو نفسكم نطلع للناصريه بهل يومين لان معزومين ع عرس ابن عمي عداي واتثل عليه عمي حلف عليه اذا ماجي قبل العرس باسبوع مياحجيني

فاديه:ايوالله يا عيني يحتاجلنا هيج مناسبه البنات يتعرفن ع اهلهن ليش لا

البنات:ايييي نروح
روئيا:فرحنا مثل المشايفين منطلع لاي اقارب ابد اهل امي نفسهم اهل ابوي امي ماخذة ابوي لان ابن عمها الي هوا ابوها ومن انتقلنا لهنا بعد بابا ميلحك ياخذنا نكظي العطل يمهم ومملتقين لا بخوال ولا بعمام فرحنا وكمنا نجهز نفسنا
رسل:بنات صار شكد ممشترين ملابس نكول لماما تاخذنا بعد شوي نششتري

رفل روئيا :اييي
روئيا :نزلنا كلنا لما وكالت اوك بس اكول لبوجن اذا ممشغول ياخذنا فعلا العصر طلعنا لسوك اشترينا كلشي محتاجي واشترينا فساتين اني اشتريت فستان طويل اسود شتوي ومخصر ع جسمي واشتريت حذاء ابيض رياضي واشتريت فستان ثاني ماروني قصير ومن ظهر مفتوح وحذاء كعب ويا اخذت بشت وعطورات وشالات.
رسل: اشتريت فستان مشمشي. وحذاء كعب اسود واشتريت فستان طويل اسود
رفل:اشتريت فستان تركوازي قصير وفستان طويل اسود نسقنا سوا واشترينا عطورات واكسسوارات

روئيا رجعنا للبيت ميتين تعب جبنا عشه من برا تعشينا وكمنا نقيس الملابس يجنننو فد شي علينا. لملمنا ملابسنا وصعدنا نمنا مكعدنال11كال بابا باجر نطلع لناصريه جهزو نفسكم

فاديه:ماما اسمعني زين كثرن دشاديش وملابس مستورة اخذن كلشي كويل قمصان طوال وعراض لان مو مثلنا منريد تطلع حجايه ع ابوجن ماشي حبايبي

روئيا: همة شعليهم ابونا قابل ع لبسنا همة شكو يعجبهم ميعجبهم طبهم مرض

فاديه:روئياااا شهل حجي انتي ليش دومج عالتني من دون اخواتج لسانج متر اموتج اذا جاوزتي هناك اموتج فهمتي

رسل:ماما ع كيفج ترا رورو محجت غلط شعليهم بلبسنا يعني احنا متعودين النا سنين هسة نغير

فاديه:افهمني همة معدهم هيج اهلي واعرفهم اسمعن كلامي يا ماما لا تعبني كومن جهزن ملابسجن يله

روئيا :سكتنا وكمنا اخذنا مثل مكالت قمصان وبلوزات طوال جهزنا ججنطنا ونزلنا ل مشه اليوم عادي نمنا كعدنا الفجر طلعنا للناصريه لبست بينصل قطنيه ويا بشت اسود غزل عريض لبست شال اسود وحذاء لون اسود رفل لبست جبه ورسل لبست مثلي بينصل وبشت طريق كل نايمين كعدتنا ماما نزلنا لكينا. جدو عداي ويا اثنين ولد واكفين بالباب باوعت ع البيت جبير اللهم ص عبالك قصر. منتبهت للمكان دخلنا لطارمه استقبلنا نسوان سلمن علينا عرفنا جناين وبيبي سميرة مرت جدو عداي وسميه حلوة بيضه بعيون بنيه صاحبة جسم تارس وحلو كلش حلوة لطيفه
دخلونا جوا وشكد ناس وجهال عدهم عرفنا غيد زوجة حسين ورهف زوجة حسن وفرح زوجة علي وكلهم عدهم جهال سئلنا اني منطويه معندي قابليه اندمج وي ناس جدد جنت بس اباع بس رسل ورفل انطلقن يحجن ولا سكتن بقيت خانسه ع كد سوؤال اجاوب واسكت شويه اخذتنا سميه ع غرفه جبيرة بيها جربايه نفر وكنتور اربع بوب

سميه:بنات هاي غرفتي وانتن وياي رادو يخلولجن غرفه بحدجن واني مقبلت ردتجن يمي اتعرف عليجن واتونس وياجن نتشارك الغرفه عادي

البنات:بالعكس همزين اصلا فرحتينا

روئيا