يوم العرس
فبيت قوم شيخه
حمدان: شيخه يلا بسرعه عشان انزلج بيت شمو واسير الحلاق
شيخه: انزين حمدان خلصت بس ترا بتنزلني الصالون
حمدان :اوهو يلا يلا بسرعه
شيخه:لا تتفلسف انا ما يخصني شمو تبا تسير الصالون ماتبي الحرمه تيي البيت
حمدان :دام شمو فالسالفه خلاص ما اقدر اقول شي
شيخه :يحظج يا شمو
حمدان :يلا يلا بلا كثرة السوالف
شيخه: انزين ترا اليوم عرسي انا بعد
حمدان :انزين ما قلنا شي
ركبو السياره ومن ركبو حمدان ما هد فونه
شيخه :ش فيك ماسك الفون من ركبنا
حمدان: رمستي شما اليوم
شيخه : لا تصدق من الخبصه وجي بس البارحه رمستني ان بنسير الصالون
حمدان: لا تقولين
شيخه : ش فيك ش مستوي بينكم
حمدان: مب مستوي شي بس من الصبح ادقلها ما ترد اطرشلها واتس ماترد مو من عوايدها يعني،شيخوه دقيلها
شيخه:ش فيك انته يمكن البنت قالت ما بترد عليك لين العرس😂
حمدان:سيري لاه اليوم العرس بعد شو
شيخه:جي انته خليت البنت فحالها كل يوم ف بيتهم😭
حمدان :مب وقت المصخره الحينه عطيني فونج
شيخه:ش تبا فيه
حمدان:بتصور وياه، يعني ش ابا فيه بتصل بها
شيخه:انزين نزين يود
حمدان:بسم يارب ترد اكييد بترد
شيخه:انزين انته اتصل اول عشان ترد
اتصل حمدان مره و مرتين وثلاث شما ماترد
حمدان :لااااا البنت فيها شي بتصل ف راشد
شيخه:اصبر شوي يمكن مافيها شي لا تخوف ريلي عالفاضي
حمدان: وابوي عليج انتي ريلي سيري لاه ، اقلج شما ما ترد
راشد بصوت الرقاد:الوو منو
حمدان:عنبو راد ع الفون وما تعرف منو متصل
راشد :هلا حمدان ش بغيت
حمدان:دام ان ش بغيت عيل اوهوووووو
حمدان فجاه صرخ ان راشد فز من عالسرير:ش الي ش بغيت ترا انت معرس اليوم ليش راقد للحين واختك وينها ما ترد ع فونها
راشد:هييييييه قول جي من اول تسال عن الحبيبه
حمدان:راشد مب وقت مزحك الحين تراني معصب ومتوتر
راشد:دام انك قلت راشد مب بو سنيدة يعني انته معصب صدق ،سلمك الله شمو ابوي نزلها الصالون وسار يخلص كم غرض لين تخلص
حمدان : تمام يلا عيل قوم عشان انا بنزل شيخوه الصالون وبي عندك بنخلص عمارنا
راشد:اففف انزين اي اوامر ثانيه
حمدان:اجلب ويهك
وسكر
شيخه :ليش جي تكلمه
حمدان:احلفي انتي بسس،يلا يلا وصلنا الصالون نزلي
نزلت شيخه والا تشوف الصالون كله مكسر:خير اختي شنو صاير هني
عامله : كان في بنت هني جاي عشان يسوي شعر مال هو ومكياج بعدين في واهد هاذا مجنون يجي داخل صالون كسر كلشي بعدين هاذا بنت قالت انا بتصل شرطه بعدين هذا مجنون طلع سكين قال حق بنت اذا انتي خبر شرطه انا يذبح انتي بعدين هذا مجنون شل هذا بنت وراح
شيخه: ويييييه الله يساعد البنت ويصبر اهلها خلني ادق ع شمو عشان ما اتي عالفاضي ودقت
رن التلفون واللا الصوت فالمحل بس شيخه ما انتبهت والعامله قالت : وهاذا تلفون مال بنيه مسكين مايسكت في نفر بتصل عشرين مره يمكن رجل مالها لان هي قالت اليوم عرس مالها
شيخه: شووووووه لا يكون هاي شمو اشوف اييي التلفون
العامله: تمام مدام
ويابته وهني كانت الصدمه ان الفون فون شما
و عطول شيخه اتصلت حق حمدان بصوت متقطع و كله صياح: حمدااااااااااان الحق سرقو شموووو
حمدان:شوووووو ش اللي سرقوها
شيخه:تعال الصالون بسرعهه
حمدان:سكري سكري ياي
ما مرت ١٠ دقايق الا وحمدان واصل ودرعم عالصالون :خير ش مستوي ش هالحوسه وين شما
ردت عليه العامله وقالتله السالفه لان شيخه كانت منهاره
حمدان شل شيخه وهو فالدرب ما يعرف وين يسير وحق منو يتصل ومن صوب صياح شيخه اللي يوتره زياده اتصل حق راشد ما يرد:مب وقتك يا راشد
ودق حق بو راشد ع طول رد:الو هلا ب المعرس
حمدان :هلا عمي بقولك شي بس عمو عندك
بوراشد راح بعيد شوي :الحين لا خير ولدي ش مستوي
حمدان : الصراحة وقاله السالفه
بوراشد :ش تقول انته يلا يلا سكر بس هاه تحمل تقوول حق اهلك وانا ما بخبر حد الا راشد
حمدان :محد يعرف الا انا وشيخه يلا عمي انا وصلت مركز الشرطة
بو راشد ؛ يلا نحن يايين بعد
دش حمدان و لأول مره حس انه ما يعرف كيف يتصرف شافه ظابط من بعيد :هلا اخوي تفضل
حمدان: هلا اخوي
ويا يبا يقوله السالفه
الضابط:اصبر ياا
حمدان:حمدان
الضابط :تعال معاي الغرفه واستريح وقول الي تباه
حمدان سار معاه
عند بو راشد:يدق باب غرفه راشد محد يرد:شكله راقد دخل الغرفه ما حصل حد:مب وقتك ابدا يا راشد انا خلني اروح المركز عند حمدان وهناك بدقله خلي ايي راح المركز وهو يدور ع حمدان دقله وسارله الغرفه
حمدان:راشد وينه
بوراشد:مادري به قلت اول ما اوصل بدقله زين ذكرتني خلني ادقله
عند راشد: هاذا ابوي ش اقله الحين
شما : لا تقوله شي بيخاف الريال و ما بيسون عرسنا بعدين
مستغربين صح بقولكم ش اللي صار بعد ما شل الريال السكران شما وركبها السياره شما تمت تدور بعيونها تشوف اي شي ممكن يساعدها وشافت تلفون وبعدين حصلت غرشة ببسي فالسياره ضربته ع راسه وشلت الفون وطلعت من السياره بس ل سوء حضها الفون كان فيه رمز ورفعت راسها شافت ان هي عند بقاله دشت وقالت حق راعي البقاله انها تبا تتصل حق حد و اتصلت حق راشد ويا وشلها
