ضابط وعشق شيخ فهد

بارت ٣٣

صباح الخير متابعيني

فهد: وخرت يده ولج شنو هذا دم وشلون نجرحتي حاجيني

عباس و ضرغام : ولج خويه فهمينه شنو هذا دم

ورده: هم يحجون واني ساكته وحجيت والله ماكو شي بس بعدني ما مكمله وصاح بوجي فهد

فهد: حجيت بعصبيه والجج شنووو ماكووو شيي لعدد هذا دمم شنووو اشوفه غمضت عيونه من عصبيتي اول مره اشوفه خايفه مني

ورده: هوه قريب علي ومن صاح صدك خفت لان جان عصبي كلش عروكه ناطات وعيونه تجدح نار ومن خوفي غمضت عيوني ومن سمعته سكت فتحت عيوني بس حجيت بغصه بلكوه كاضه دمعتي حتى لا تنزل وانت ليش صيح علي هيج قابل شنو اني متعمده اضرب روحي اليوم صار هجوم على لمركز وصوبت

الكل: شنوووووو

ابو فهد: ولج بويه ليش ما كلتينه على لهجوم وعلى صابتج

ورده: ماكلت حتى لا تقلقون وتخافون وهيه كله اصابه خفيفه وصطحيه

ابو كريم و ابو سحر: ولج بويه هذا دم كله وتكولين خفيفه

جاسر: من شفت دم تخبلت هذا كله وتكول خفيفه بس لقهرني منا هيه مصوبه وتتوجع وشيخ صيح عليه وهيه خافت منه من لعلم هيه ابد ولا تخاف من عصبيته ابد اخخ يا شيخ وحجيت هسه ابدال ما ضالين نحقق وياه نروح نداوي جرحه

صكر: شيخ حجي جاسر صح خلي ناخذه للمستشفى

فهد: من شفت دمعته صدك ضجت حيل بس والله من خوفي عليه اخخخ والله بدي اشبكه وامسح دموعه وحجي جاسر صيحح هوه وصكر وحجيت يله بنيتي امش تروح للمستشفى

ام فهد: اي يمه اخذه وطمن كلبي عليه

فهد: صار يمه بس اجيب سويج سياره صعدت بسرعه جبته يله بنيتي امشينه بخوف عليه راحت وياي بس بدون كلمه ركبنه سياره وتوجهنه للمستشفى و دخلنه لطوارء واجت دكتوره وعالجت اصابته وهيه ابد ولا كلمه جاوب بس على كد سؤال لسئله اله دكتوره وتسكت ستغربت بيه وحتى ما تباوع علي ابد ولا تحجي وياي عرفت بيه زعلانه مني خلصنه معالجته وطلعنه وتوجهنه للبيت

ابو فهد: اخخ يا ورده شلونه هسه بالي كله يمه

عباس: اهدء عمي هسه يجون نطمن عليه

سحر: امم جنه كاعدين وهادئين هيه اجت وعكرت مزاج الكل

امل: شوفو مو بس اني احجي عليه هاي سحر ما تعرفه وحجت عليه وصدك هيه اجت وهيه عكرت مزاج الكل