Bʅυҽ Hσυʂҽ | Jιƙσσƙ | Oɳԋσʅԃ

03

"Goody, goody, good!
Good morning!
Good, good, good, good
Good morning!
It's a beautiful day
"Hello, sunshine!"

"මොන??? ආහ් මගේ කණ!!!!"

ජනාධිපති ධූරයට පත් වෙලා තාම පැය හතළිස් අටක්වත් ගෙවිලා ගිහින් නැතුව ජීමින් හිටියේ ජනාධිපති මන්දිරේ ඒ කියන්නේ බ්ලූ හවුස් එකේ එයාට ලැබුණ විශාල නිදන කාමරයෙ. මතක හැටියට පැවරිලා තිබුණ රාජකාරී සේරම ඉවර වෙලා ජනාධිපතිතුමා බෙඩ් රූම් එකට එද්දි පාන්දර තුනත් පහු වෙලා. පොතේ හැටියට, අත්දැකීමෙන් පාර්ක් ජීමින් ආයෙත් ඇහැරෙන්න ඕනි දවල් වෙලා. හැබැයි මේ දැන් ජීමින්ගේ කණ ගාවින් මෝනින් රයිම්ස් ඇහුණෙ උදේ හයට විනාඩි දහයක් තියෙද්දි.

"ගුඩ්මෝනින්.. ඔයා ආයෙමත් නිදාගන්න ලෑස්ති වුණොත් වොශ් දාගන්න සීතල වතුර එකක් බෙඩ් එකටම හම්බෙයි."

ජනාධිපති උපදේශක ජියෝන් ජන්කුක්ගේ කටහඩ ඇහෙද්දි ජීමින් ඇස් ඇරලා බැලුවේ මෝනින් රයිම්ස් හදපු කෙනාව වගේම ජන්කුක්ව හදපු කෙනාවත් ආදරෙන් සිහි කරගෙන.

"වෙලාව කීයද?"

"ඒවට උත්තර දෙන්න නෙවෙයි මං ඉන්නේ. අද ඉදන් ඔයාගේ ලෙසන්ස් පටන් ගන්නවා. තේරුණාද ප්‍රසිඩන්ට් පාර්ක්?"

ජන්කුක් එහෙම කියද්දි ජීමින් බැලුවේ එයා ඇහැරෙද්දිත් රූම් එක ඇතුලෙ හිටපු කට්ටිය දිහා. ජනාධිපති ලේකම් මින් යුන්ගි, ජනාධිපති ආරක්ෂක කිම් ටේහ්‍යොන් ජීමින්ගේ ඇස් ඉස්සරහා ඉන්න එක නම් එපා කරපු වැඩක්. ඉස්සර හිටපු ජීමින් නම් මේ වගේ දෙයක් කීයටවත් අනුමත කරන්නෙ නෑ.

"මං කැමතියි ඔයගොල්ලො මගේ ප්‍රයිවසි එකට ගරු කරනවා නම්. එහෙම නේද මිස්ටර් මින්? පුළුවන් නම් හෙට මේක අස්සට ඔයාලගේ මුළු ෆැමිලි එකම ඇවිත් ඉදි. ප්‍රසිඩන්ට් පොදු දේපළක් තමයි. ඒකේ තේරුම පාර්ක් ජීමින් කියන්නේ පොදු දේපළක් කියන එක නෙවෙයි."

ජීමින් නෝක්කාඩුවෙන් කිව්වත් එයා දන්නවා දැන් මේකට පුරුදු වෙන්නම වෙන බව.

"අනවශ්‍ය දේවල් කතා කරන්න වෙලාව නාස්ති කරන්න එපා මිස්ටර් ප්‍රසිඩන්ට්. ඔයාගේ ෆස්ට් ලෙසන් එක බ්‍රෙක්ෆස්ට්!"