قصتنا تبدا مع سعود و ريم ريم الي عايشه
عند عمها ومع سعود الي عايش مع اهله ...
كانت ريم عايشه عند عمها عشان تكمل
دراستها بين قرايبها لانها
كانت رافضه تطلع برا المدينه مع اهلها
ماتبغى تكون فديره غريبه فيها
تبغى تكون بين قرايبها قررت تبقى عند
عمها عمها الكبير كان عنده ولد وبنت
الي هوا محمد ورنا محمد ورنا كانوا اخوان كان
محمد :مو متقبل وجود ريم معاهم بنفس البيت بسبب
المشاكل القديمه الي بين ابوه و ابو ريم ريم الي
عندها توأم ولد الي هوا ريان واخت هديل تبدا قصة
ريم من هنا لما شافت ولد جارهم سعود سعود
الي هوا ولد جيرانهم كان في بين ابوه وابو
ريم مشاكل بسبب شغل وغيره سعود شافها
وانعجب فيها كانت ريم شعرها طويل واسود
وكانت سمراء الون كانت نحيفه كانت جميله
جمال لا يعقل كانوا قرايبها اغلبهم حاطين
عينهم عليها بسبب جمالها وطيبة قلبها
واسلوبها الحلو شافها سعود وانعجب فيها
بس استغرب لانوا يعرف ان عمها عنده بنت
وحده بس الي هي رنا جاء فباله مين ذي وليه
هنا وايش تسوي ببنت جارهم استغرب وراح لأمها
وسالها
ياامي: مين ذي الي بييت جارنا استغربت امه
وقالت مين يعني اكيد بنتهم رنا وش ذا السؤال
ياسعود ضحك
سعود:وقال لا ياامي رنا اعرفها
ذي بنت اول مرا اشوفها فبيتهم بنت شعرها
اسود ياامي وطويل حيل سمرا ياامي
اشهد بالله انها تطيح الصقر
من جمالها ناظرت فيه امه وضحكت
وقالت :وانا امك ياسعود لا تحطها فبالك استغرب
سعود :وابتسم وقال ليه ياامي؟
قالت : ذي بنت ابو ريم وانت تعرف
ان ابوك وابوريم مشاكل صح ولا لا ياولدي ؟
سكت سعود ولا تكلم
رجعت امه وسالتها صح ولا ياسعود؟
قال صح صح ياامي قام وطلع سعود
وهو ساكت واستغرب للحين ابوه مو ناسي هوشته مع ابو ريم
كانت ريم تطبخ لعشاء ابو محمد الي هوا عمها كان متجمل مع احد الرياجيل
كانت ريم وعمتها وبنت عمها الي هي رنا كانوا يطبخون كانت ريم تتغطى عن
محمد:دخل محمد وسال في احد؟
بس مع صوت المطبخ والطبخ محد سمعه
محمد :رجع سال في احد!
بس محد رد
دخل عليهم محمد
وريم: كانت مكشفه ماتوقعت ان في احد بيدخل دخل محمد
انصدمت ريم وراحت وراه عمتها بسرعه وتغطت
طلع محمد بسرعه
وهوا مصدوم من جمالها يكلم نفسه
محمد: ويسال نفسه هو ذي ريم بنت عمي؟ ذي ريم الشينة !
كيف تغيرت كذا ماشاءالله احلوت والله طلعت
ريم :ودخلت داخل ودخل
محمد:عنده اهله بالمطبخ ينشدهم
عن حالهم وكيف الطبخ معاهم
ويضحكهم شوي يغير نفسية امه
واخته طلع محمد ورجعت دخل ريم
ريم :كان كل تفكيرها فسعود الي
شافته عند الباب كانت تسأل نفسها
مين ذا؟ وليه كان يطلعني كذا؟
معقول ذا ولد جيرانًا؟ معقول ذا سعود ولد ابو سعود!
كان ودها تسأل عمتها مين
ذا بس كانت مستحيه تسأل
عمتها: كانت تناديها عمتها
كانت ريم بالها مب معاهم نادتهم
عمتها اكثر من مرا
عمتها: ماردت قالت عمتها ريم ياريم؟
ريم :ردت ريم قالت سمي ياعمه؟
عمتها:قالت صار لي ساعه اناديك!
ردت ريم: معليش ياعمه بالي مهو بمعاك سمي امريني وش بغيتي؟
عمتها:طفي على المرق ياعين عمتك
ردت ريم :سمي سمي ياعمه وراحت ريم طفت على المرق
خلصوا العشاء ودخل محمد وابوه ياخذون العشاء للرياجيل الي برا
طالع محمد فريم
محمد:وقالها ماقصرتي ياريم يعطيك العافيه
ريم:ابتسمت ريم وقالت يعافيك يامحمد ماسويت شيء
هاذا اقل شيء اسويه ولا والله لو وش مااسوي
مااوفي حقكم ياعمي وياعمتي ناظرها
عمها :وقال وش ذا الكلام ياريم انتي تدرين انك
مثل بنتي انتي غلاك مثل غلًا رنا بنتي
كلكم بناتي لا عاد اسمعك تقولين كذا
ريم:ابتسمت ريم
واخذوا العشاء وطلعوا
وكان بال محمد كله مع ريم
.............................
نروح لسعود الي كان باله كله مع
ريم كان يشتغل سعود فمحل ابوه
ناظر فيه ابو سعود: ابوه وساله وش فيك ياسعود
سعود:ناظره سعود وقال ياابوي ودي اسال سوالك
ابو سعود:ناظره ابوه وهو مستغرب قال اسال وانا ابوك؟
سعود:قال وش بينك وبين ابو ريم و وش السالفه الي للحين
متهاوشين عليها
ابو سعود:انصدمت ابو سعود واستغرب من سوال سعود قال وش ذا
السوال وانا ابوك وش جاب ابو ريم على بالك؟ سكت سعود
سعود:وناظر فابوه وقال والله ياابوي حاط عيني على بنته ريم
ابو سعود:عصب ابو سعود وقف وقال طلع البنت ذي من بالك ياسعود
والله ثم والله اذا اخذت هلبنت لانت اولدي ولا انا ابوك
وطلع ابو سعود من المحل وكان معصب وزعلان
سعود:استغرب سعود من تصرف ابوه؟ وكان في سؤال
فباله ليه ابوه عصب وزعل كذا بس ؟ معقول السالفة كبيره؟
جت الساعه 8 وقفل سعود المحل الي هوا محل ذهب طلع
سعود وبدا يقفل المحل وهو مو متعود يقفل المحل بدري
بس كان باله مع ريم ومع سالفه ابوه وليه عصب كذا؟؟
طلع سعود وبدا يقفل وهو يقفل جت له
ام محمد:وحده وقالت قفلتوا؟
سعود:قال اي ياخاله قفلتا
ام محمد:قالت غريبه اول مرا تقفلون بدري ؟
كان يرد عليها سعود هوا يقفل يعني مايدري مين هي
لف سعود كان بيرد عليها لما لف شاف ريم وعمتها ورنا
سعود:ابتسم وقال لا ياخاله ماقفلنا بس بروح اجيب اغراض وبرجع
ام محمد:قالت اي زين حلو وانا خالتك
سعود:قال بروح ثواني وبرجع افتحهه
راح سعود ورجع بسرعه شافهم قاعدين عند المحل ينتظرون
سعود:دخل وقال اخرتكم ياخاله؟
ام محمد:قالت لا ياولدي خذ راحتك
رجع يفتح المحل سعود فتح المحل ودخلت ريم وعمتها
ورنا بدا سعود يطلع الذهب لام محمد وريم وسعود طول
الوقت يناظرون فبعض كان سعود يناظر لريم ويبتسم
ام محمد ماارتاحت خلصت بسرعه واخذت ريم وطلعت
وكانت طول الطريق تسال ريم تعرفينه كانت ترد ريم
لا ياعمه رجعت للبيت ريم وناموا
............................................................
صحت ريم الصباح وكان الكل نايم مافي غير محمد
ريم:ناظرت لمحمد وقالت صباح الخير
محمد: قال محمد هلا والله صابح النور
ريم :سالته افطرت؟
محمد:قال لا والله
ريم :قالت بس عندي ابشر بالفطور الزين
قال تسلمين والله دخلت المطبخ ريم
وبدات تزين الفطور وهي بالمطبخ سمعت صوت محمد
يرحب ويهلي استغربت قال غريب منهوا الي يجي الساعة
7الصباح؟ طلعت وناظرت شافت سعود برا وكان معاه محمد
كان محمد يرحب ويهلي فيه جلس سعود ودخل محمد على ريم
محمد:طق الباب وقال ياريم ؟
ريم: قالت امر يامحمد؟
محمد: قال سعود برا اعملي حسابه باالفطور حلفت الا يفطر معاي
ريم:ابتسم ريم وقال سم سم وانا اختك
طلع محمد وجلس مع سعود نادت ريم:محمد يامحمد
محمد:قال امريني ياريم قالت
ريم: الفطور جاهز وانا اختك
محمد: دخل محمد ياخذ الفطور ناظر لريم وابستم وقال يعطيك العافيه
ريم:ناظرت له ريم وابتسمت وقالت يعافيك
طلع محمدودخلت ريم داخل تصحي عمتها وبنت عمها راحت
ريم: لرنا قالت يارنا اصحي
صحت رنا وجلست ريم عندها قعدوا يسولفون ورنا كانت مبسوطه قالت
ريم:ريم وش فيك يارنا مبسوطه كذا واغمزت لها؟
رنا: ضحكت رنا وتعدلت قالت اصارحك ياريم؟
ريم: قالت اهرجي وش عندك قولي لي قالت
رنا:رنا والله ياريم حبيت
ريم: استغربت ريم وخافت انها تطلع تحب سعود قال منهو هو الي حبيته؟
رنا:قالت ريان وابتسمت
ريم:قالت ريم ريان اخوي؟
رنا:قالت اي
ريم:قالت اويلي عليك انتي
وهو وماتعلموني
ابتسمت وقامت وطلع برا الغرفه ريم واتصلت على امها جلست ريم
تكلمها وتشوف اخبارها واخبار ابوها واختها واخوها
.......................................
مرت الأشهر وسعود وريم دخلوا فعلاقه
وحبوا بعض وكانوا عارفين
ان زواجهم من بعض مستحيل بس
كانوا يكابرون كانت تضعف ريم
وكان يقويهم سعود ويقولها حنا مخلوقين
لبعض مستحيل اتركك لغيري
وكانت تصير أقوى ريم من كلام
سعود لها وكذالك لما كان يضعف سعود
كانت تقويه ريم فكلامها مع انها من داخل
مو مقتنعه وتدري انهم مستحيل
يكونون لبعض بسبب مشاكل ابوها وابوه مرت
الايام ورجعوا اهل ريم
لديره الي ريم وعمها فيها ومع الايام جاء
ريان وتقدم لرنا ووافقت عليه
رنا واهلها وانبسطت ريم
لاخوها ولرنا فعرس رنا: كانت تلمح على
شيء وكانها تقول لريم اناخوها محمد قريب بيتقدم
لها كانت تقول انوا
رنا:ان شاءالله قريبًا بنفرح فيك ياريم انتي وممحمد
وتضحك لما سالتها ريم ريم:ايش تقصدين؟
رنا:قالت يعني ماتعرفين ايش اقصد ياريم
ودخلت ام محمد
وام رييم يطلعون رنا برا لانها العروس
انصدمت ريم من كلام رنا وكانت
تحاول ماتفكر ان محمد بيخطبها وهي
تعرف لو خطبها سعود ابوها بيخليها
تتزوجه غصب عنها لانه ولد عمها
كانت خايفه ريم بس كانت تحاول تشيل
التفكير ذا من راسها لانها عارفه انها راح تتدمر
لو اخذت غير سعود
قامت وطلعت برا ريم وبوا يرقصون
وكانوا فرحانين خلصت اليلة على خير
وطلعوا رنا وريان وراحوا لبيتهم
وهم طالعين اهل ريم جت
ام محمد: ياام ريم
ام ريم: هلا
ام محمد: بنجيكم بكرا
ام ريم: حياكم الله البيت بيتكم بس ليه؟
ام محمد: بنخطب ريم لمحمد
ام ريم: يامرحبا والله حياكم الله
ريم كانت تناظر وهي مصدومه كيف كذا وكيف
باخذ غير سعود! كانت مصدومة
رجعوا للبيت وراحت ريم لغرفتها
وطول اليل تبكي اتصل سعود وماكانت بتقول له
سال سعود: وش فيك ياريم عسى ماشر؟
ريم: مافي شر ياسعود
سعود: كيف مافي شر وصوتك ؟
ماقدرت تمسك نفسها وقالت
ريم: ياسعود محمد جاي يخطبني بكرا
انصدمت سعود وماكان عارف ايش يقول
سعود:قال كيف انتي لي مو لغيري كيف بياخذك!
سكتت ريم وماكانت عارفه ايش تقول له
سكتت ريم قفل سعود وطلع لامه بيركض
انفجعت امه
قال ام سعود: وش فيك ياسعود؟
سعود: ياامي بياخذونها مني
ام سعود: ياخذون من ياعيوني امك؟؟!
سعود: ريم ياامي ريم
ام سعود: قالت ياسعود انا وش قلت لك؟ ماقلت لك لا تحط ريم فبالك!!!؟
سعود: حبيتها ياامي اخخخ حبيتها
ام سعود: ان شاء الله خير ان شاء الله خير
ام سعود ماتدري وش تقول وهي عارفه ان
مستحيل ريم وسعود يكونون لبعض
رجع سعود لغزفته ومو عارفه ينام
تفكيره كله فريم
ام سعود: ابو سعود؟
ابو سعود: امريني
ام سعود : والله ياابو سعود سعود ولد
ابو سعود: خوفتيني وش فيه؟؟
ام سعود: يبي ريم وريم بكرا جايينها خطاب وولدك متعلق فيها يابو سعود
ابو سعود: انا وش قلت له ماقلت له لا يحطها فباله!!!
ام سعود: عين خير ياابو سعود ولد نفسيته متدمره
سكت ابو سعود
..................................
صحوا الصباح وسعود مو قادر ينام
ماحس الا فامه
وهي تساله
ام سعود: صاحي ياسعودد؟
سعود:صاحي صاحي هو انا قدرت انام
سكتت ام سعود وقالت له قم افطر
ماكان بيقوم بس مع اصرار امه قام
سعود كان قاعد مع امه وابوه وهو ساكت
ساله ابوه
ابو سعود: وش فيك ياسعود؟
سعود: مافيني شييء ياابوي
ابو سعود : بنروح نخطبها اليوم الله يكتب الي فيه الخير
سعود انبسط وفرح
سعود:صدق يابوي؟
ابو سعود: ايه وانا ابوك بس خل امك تتصل تبلغهم
ام سعود: من عيوني وش عندي اغلى من سعود انا
انبسط سعود وراح يكلم ريم
ردت ريم
سعود: ريم؟
ريم: هلا سعود
سعود: عندي لك خبر
ريم: وشهو؟
سعود: بنجي نخطبك اليوم
ريم: كيف؟ اهلك؟ كيف ام محمد بتجي اليوم
سعود: الله يكتب الي فيه الخير
...................
ام ريم: ريم ياريم اصحي ام محمد على وصول
ريم: ان شاء الله يامي
ريم كانت تعبانة وكارهه كل الي حولها بس ماكانت تقدر تسوي شيء
طلعت ريم لام محمد
وخطبتها ام محمد
راحت ام محمد وجت ام سعود
وخطبتها وكانت فرحانه ريم
دخل ابو ريم
ابو ريم: ها ياريم مين تبين؟
ريم: والله ياابوي ابي سعود
ابو ريم :ها وش تقولين انتي؟
ريم :ماابي محمد يابوي
ابو ريم :عصب وقال ماتاخذين غير محمد
ريم: ياابوي مابيه!
ابو ريم: ماراح تاخذين غيره
وطلع صارت تبكي ريم وتضرب على وجهها
وتردد الجمله ذي انا كنت عارفه ان مستحيل نكون لبعض ياسعود
.................................
اتصلت ثاني يوم ام ريم على ام سعود
وكان سعود عندها وكان متأملا انه راح
يوافقون عليه كان الرد صادم على سعود
ماكانت امه ناويه تقول له بس ماقدرت
انهار سعود وماقدر يتحمل
سعود: ريم ياريم
ريم: هلا ياسعود
سعود: بتصيرين لغيري؟
ريم: اهه ياسعود مو بكيفي
سعود: ووعدك لي؟
ريم: كنت عارفه من اول مستحيل نكون لبعض
سعود: قلبي الي حبك وش اسوي فيه ياريم!
ريم: ياسعود لا تزيد الهم همين
فصل سعود وهوا منهار
دخل فحاله اكتئاب سعود
تغيرعلى اهله ومحد صار يشوفه
تزوجت ريم وقرر محمد ياخذها برا
المدينه عشان لا تشوب سعود
قبل تروح ريم وهي تودع اهلها شافت سعود
عند الباب وكان يناظر فيها وهو مكسور
طلبت ريم انها تكلمه اخر كلمه لانها تعرف انها مارح تشوفه
ريم: سعود اخبارك ياسعود؟
سعود: تساليني عن حالي وانتي عارفه اني ماكون بخير الا معاك ؟
ريم: ياسعود والله اني ماحببته ولا بحيه مثل حبي لك ياسعود
سعود: تزوجتي غيري وانا حالف مااتزوج غيرك ياريم
حبي لك ياريم بيوم وليلة راح كلشيء كلامك وعودك؟!
ريم: ماراح صدقني كل شيء محفور فقلبي ياسعود
سعود : وانتي محفوره فبالي وصورتك ياريم
كيف بنساككك
ريم: تقبل الامر ياسعود انا وانت مالنا نصيب
سعود: وين رايحه؟
ريم: انتهينا ياسعود
راحت ريم وسعود منهارر ولا هوا عارف ايش
يسوي الدنياء قفلت ابوابها فوجه
.................................
بعد محاولات من ام سعود له انه يتزوج وهوا رافضه
قرر يتزوج ويشوف حياته
تزوج سعود بعد سنواتتتتت
سعود جته بنت وسماها ريم
وهنآ انتهت اجمل واروع قصة حب بس الفراق دمر كلشي انتهت قصه حب سعود وريم والنهاية ماكانت معجبه الاثنين
