رواية :فالتغفري
الكاتبة :شمس
ريم تكول :-
يحرك الكلب ، الحجي الما نكدر نكولة •!
.................................................................
ريم ...اول ما شافني ركز بوجهي ورجع نزل عيونة على طولي وخزرني خزرة لو تكتل جا اني ميتة يممه لزكت بمنار ماريد اضل وحدي عزة جاك الموت يا تارك الصلاة طلع هو و تميم و محمد
ام اسر ...يلا حبيباتي امشا
ريم ...طلعنا جاي اركب ويا تميم و صاحتني عمتي يبووو على حضي لمصخم درت وجهي اباوعلها جانت واكفة يم سيارتة ها عمة
ام اسر ...تعاي يمه انتي و منار يمنة كعدن
ريم ...ءااي رحت ادحكلة صاير نار لو ما عيب جان فترسني جن اسد يباوع لفريستة وهو مجروح مابي يصيدها بس ياويلي من يصحة يممايي صعدت صرت ورى عمتي امان اول ما صعدت منار شخط السيارة و طلع طاير بينا يمه حسيت كلبي راح يوكع بين رجلية جو متكهرب مو جن رايحين لعرس جن رايحين فاتحة
منار ...شنو هاي اسر شغل اغنية عبالك فاتحة
ريم ...خزرها وكال
اسر ...هسة توصلي و تشبعين اغاني راسي يوجعني ماريد اسمع شي
ام اسر ...شبيك يمه
ريم ...رد عليها و هو يخزر بيا من مراية السيارة
اسر ...مرتفع ضغطي يمة
ام اسر ...اسم الله يمه ليش
اسر ...اكو واحد وكح غثني اكلة سوي هيج يسوي العكس
ام اسر ...يمه عوفة لا تضوج نفسك
ريم ...عرفتة يقصدني رجع كال
اسر ...شلون اعوفة يوم غير اكص لسانة لطويل بس خل افضالة
ريم ...اخيرا وصلنا نزلت اول وحدة خايفة منو فتنا للبيت وستقبلتنة اخت عمتي ورحبت بينة
رحاب ...يا ميت هلا نورتوا ليش تاخرتا
ام اسر ...والله يا حبيبة لما كملا البنات وجينة
رحاب ...اي حقهن ماشالله عليهن طالعات يخبلا
منو هاي الحليوة الي وياج
ريم ...ضحكت عمتي وردت عليها بابتسامة عريضة
ام اسر ...هاي ريم حبيبتي ما عرفتيها
رحاب ...صلوات على نبي تعاي خالة ابوسج يمه ولا عرفتج جانت صغيرة اخير مرة
ريم ...تقدمت عليها وهي ترحب بيا و تبوس فوتتنة جوة وسلمت على بناتها و ماشاء لله لعروس كلش حلوة
منار ...تعاي ريام ذبي عباتج جوى
ريم ...اي ... رحت وياها طبت بغرفة جانت بيها بنية سلمت عليها واني هم سلمت طلعت بنت خالتها ذبيت عباتي وشال رتبت شعري ونزلنا سوى
أنت تقرأ
فالتغفري
General Fictionفي ليلة و ظـحآهآ آنقلبــت ج ـمـيع مـوآزين ح ـيآتهآ لتخـسـر جمـيع آحبــآهآ لتعيش ج ـمـيع آنوآع آلآلم آلنفسـية و آلجسـدية فهل سـيحدث مـآ هو غ ـير مـتوقع ويقلب آلمـوآزين مـره آخ ـرة لنرى مـآ سـيحـدث،.....) قصـة: فآلتغـفري آلكآتبــه: شـمـس
