ليلى:: نورتي يلاه لبسي غادي نخرجو نتعشاو كاملين على برا نور:: حسن من طياب ف دار عديل حتى هو يمشي معانا يتعشا ياك ليلى:: واہ تافقنا كاملين نتعشاو ليوم (وجدت راسي و لبست واحد لا غوب جابتولي ختي من فرنسا كحلة قصيرة شوية و ساوبت شعري و طلقتو و لبست طالون ف كحل و درت ميكب خفيف كحل فوق عيني و شوية ݣليتر و كلوس غوز و درت بارفا خرجنا لقينا دراري كيستناونا..)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لبيسة ديال نور 🖤🤤
عبدو:: فين هي نور متخرجش معانا نوى:: مالك عبدو و انا شكون مبنتش ليك عبدو:: وا راك بنتي ليا ولاكن متيقتش تكوني نتي نور تبارك عديل:: صراحة حتى انا معقلتكش جيتي كتهبلي دوماج خوك en couple مالوكان منك منطلق عبدو:: سكت راها تسمعك ايمان تحرم علينا الخرجة (هوما كيهضرو وانا كنت ف غيبوبة ناري عديل قالي هاد شي لا لا كنحلم يعني عجبتو مهم بعدا شي حاجة تحركت فيه اوا طريق کاملا وانا ساهية و كنفكر واش عديل شي نهار يكون ليا ولا غ كنكذب على راسي بديت نمل ونحس بحال كنضيع الوقت بلا فائدة معم تعشينا و مشينا لواحد ساحة كبيرة ف شاون كلسنا تما بقينا كنهضرو و نضحكو الاغلبية مكنوش معانا كل واحد مشا مع حبيبتو بقيت غ آنا و عبدو و سهام و عديل و صفيريطة و شي وحدين خرين انا مهزيتش عيني من عديل كان كالس اون فاس ليا وصفيريطة عاقت بيا و هي تفكر وائل ) ايمان:: نور يبالي كاع مورتيناش وائل واش مزوینش و خفتي نضحكو عليك نور:: نو نتي اصلا مطلبتيش مرة أخرى تشوفيه ایمان:: اوا هانا طلبت يلاه وريني نشوف ياك تلفون ف يدك دبا نور:: خودي حبيبة ها هو فيس ديالو و شوفي تصاور (ایمان شدت تلفون عينيها خرجو شافت يلاه 2 تصاور و عطاتتني تلفون قاتلي خودي مبيهش انا حسيت بيها معجبهاش لحال باين فيها انانية تبغي تكون هي توب وعديل حيت زوين حسبت حتى وحدة مغادي يكون عندها شي حد حسن منو هي مكتبغيهش هو كتبغي غي زينو و فلوسو مهتمة غ بمضاهر بانتلي البنت بحال معجبها حال بدات تعنق ف عديل و تشدليه يدو انا تعصبت حيت عديل ليا انا متستاهلوش وحسيتها هي كتاخدلي بلاستي شوية هي تبوسو انا بلا منحس وقفت و مبغيتش نبقى حيت صاافي زادت فيه كتبوس فيه و تشوف فيا زعمة موتي وحشومة دير هاك حدانا انا ديك البوسة خطيبي و عمري درتهالو هي حدانا ف زنقة كالسة تما تییتاوسو مهم بقيت نتمشى بحدي و خليتهم هوما ياخدو راحتهم حتى ليلى حسيت راسي تقيلة عليها ملي جات مبقات مع خطيبها على راحتهم بقيت غاديا كنتمشى محسيتش بالوقت کلست ف واحد جردة و كنشوف ناس غادية جاية و نشوف لي عرسان جداد جايين يدوزو شهر العسل حيت باينين مزال الحنة ف يديهم وكنشوف لي جايين مع وليداتهم صغار كيلعبو تمنيت نكون ف بلاستهم و يكون عظيل حدایا و نعيش هاد السعادة لي كنشوفها مرسومة على وجهم شوية جا شي حد كلس حدايا فيقني من عالم الخيال لي كنت فيه...) نور:: اش كدير هنا ؟؟ فين خليتي لوخرين....
