اللــــهم صلِ على محمد وآل محمد وعجل فرجهم
اللهم عجل لوليك الفرج
السلام عليك يا صاحب الزمان
السلام عليڪم فراشاتي شلونڪم شخبارڪم ويه الدوام ان شاء الله بخير وصحة وسلامة وعافيه يا رب
__________________________
قبل فترة ڪلت راح اروح احجي ويه د. صادق و حجيت ويا وما ڪتبت الي صار وياي لان هل الفترة طنننن محاضرات اي ريحانتنه الحلوات
يومين اني اروحله اخذ منه موعد وبسبب المحاضرات ما الحك ويروح عليه الموعد وتالي حصلت معرفه بالتلي فراسلته وشرحتله حالتي وحجيتله الي بڪلبي وانطاني نصائح ڪلش حلوه وجميله و بريئة مثله..
الله يحفظه ويوفقه بحق محمد وال آل محمد
_____________________________
بعده بديت اتحسن بس جدا اتأثرت لمن اتوفت بلبلة 💔 الله يرحم الجميع الفقد يؤلم الصراحه
الله يصبر امهات الشهداء و زوجاتهم واطفالهم
💚 شرايڪم نحجي ؏ تنظيم الوقت الصراحه اني انسانه منظمه يعني شلون. مثلا اڪعد بڪذا وقت اصلي بڪذا وقت اسوي هل الشي بڪذا وقت ادرس.... وهڪذا
💚 اول ما بديت بتنظيم الوقت من خلال المنبه انو يذكرني شنو اسوي بيومي
💚 تنظيم الوقت شي جدا مهم في حياة الانسان
💚 حبيباتي اليڪم جدولي شلون بما انو اني جامعه و روحه ورده وڪذا فلو نحسب هل الجزء من اليوم هيج يصير 👇🏻🧡
توقيت المنبه ؏ ساعة
4:25ص تأدية صلاة الليل ( رڪعتا الشفع و الوتر)
4:44 يا حاضر يا ناظر 7 مرات جدا مهمه المواضبه عليه فهي تحيي القلب و تحول حياتك للافضل
4:45 صلاة الصبح من خلال برنامج حقيبه المؤمن
5:00 انظف البيت + ابدل ملابسي + ريوك
من الــ 6:00 الصبح الۍ 5:00 العصر بالدوام
اجي تعبانه و جوعانه
اول شي شور صحي لجسم وينطي نشاط شوي بعده اكل خفيف بعد نوم فد ساعه لراحه ڪقيلولة
7:30 العشه
8:00 او 8:30 دراسة الۍ ان تصير 12:30 نوم
وهڪذا ينعاد اليوم
