بتلك العينين وقع قلبي

part 39""

بعض الابواب اذا فتحتها ستجرحك فدعها مغلقه حفاظاً على ما تبقى♥️🫀

بتلك العينين وقع قلبي""

بقلم"غلا"أية

"""""""""""""""""""""""

زهراء""

جنت داسوي اكل لمنتظر جان جوعان وهوه لحد هسه
علاقته بغيث متوتره ويحجون بس من يگعدون يم
أمير بس هم بالحقيقه واحد ميحجي ويا الثاني وهوه
ڪَـلش ضايج ومقهور من تصرفات غيث يكول

مايحترمني ولا يسمع الكلام وآني من خوفي هيج اسوي
بس هوه ميفتهم عباله اني كارهه لو حارمه من الطلعه
بس هوه ميفتهم صبيت الغده جان كاعد بالصالة يگلب
بالتلفزيون يباوع اخبار المظاهرات

خليت الصينيه مقابيله ابتسملي وكال بنبره هادئه

- عاشت ايدج كبدي تعبتج تعاي اكلي وياي

- جاوبته بفرح" لا حبيبي مجوعانه انـتَ اكل

- منتظر"" ليش متاكلين منتبه عليج هليام متاكلين أبد

- زهراء"" مااشتهي أكل بس اجبر نفسي

- منتظر"" ليش يروحي تحسين بشي يوجعج يأذيج

- زهراء"" لا مابيه شي حبيبي ليضل بالك كمل اكلك

- منتظر"" لا لا انتي سالفتج مو خاليه خل اخلص
اكل واتفرغلج

- زهراء"" ضحكت علي اثناء منحجي دخل أمير مبلل
جان يغسل السيارة باوعلنه وگعد ؏ القنفه وصاح

- اخخخ تعبت نعلى على يومك غيث كتله اغسلها ماقبل

- منتظر"" لعد انـتَ شنو شغلك حتى غيث يغسل سيارتك

- أمير"" انجب ادبسز اني اخوكم الجبير تنفذون كل اوامري

- منتظر"" ؏ روحك حبييي هوه اني وياك فرق سنه
بعد شنو اكبر مني خلينا ساكتين

- أمير"" لا بلا لتسكت احجي احجي

- منتظر"" احنا ناس مندور مشاكل فخلينا ساكتين

- أمير"" وبعدين غيث وينه شو ماكو صاير بس بالاكل
اشوفه

- منتظر"" شمدريني تسئلني روح سئله

- أمير"" شوف ولك اني شاك بأمركم بس ساكت ومغلس
بمزاجي معبرها

- منتظر"" يعني شصاير مثلاً