اسم مدرستي الصالحات
______________________
طبعا قبل بيوم من الدوام جنت سهرانة ونمت
ساعة ب3 وجنت نايمة وحلمانة راح اسولفلكم
الحلم يابعد جبدي بس موتقلدون عليه او اضحكون ترة الله يذبكم بالنار نكمل
فاجنت حلمانة انو اني رايحة الملهة
وهناك جنت سكرانة وجان يمي واحد حلو
وصكيك وفجأة طبو اهلي علينة اني والصكيك كام يرجف وبعدين كام يضحك
(مادري والله اشلون بعد حلم هوة)
وبعدين كمت اني وكمت اركص
واذكر يمكن جنت لابسة جبة
(مادري شلون بملهى ولابسة جبة)
وكام الصكيك يركص وياي
واهلي جانو ساكتين فجأ والة
مادري الضربات وين تجي وبعدين
والصكيك المنعول شرد الله لايوفقة وعافني
وبعدين امي كعدتني من النوم وضليت
اباوعلهة وارجف وبعدين كلتلي كومي تريكي
مسوية بيض كمتلكم والنومة بعيني
وغسلت واكلت وبعدين كمت ابدل
خوما اروح بملابس البيت للمدرسة
لا بدلت ولبس القميص الأبيض والصدرية
والحجاب احنة مادري ليش حجابنة رصاصي
بس اني يلوكلي الرصاصي فاكوي مو
مثل الابيض اطلع جني حجية
لفيت حجابي ورحت للمدرسه
وية امي.
وصلنة المدرسة وضليت نص ساعه واكفة والمديرة بس تمسلت وكل الحجي الحجتة مابي فائدة النة وبعد عناء طويل طبيت
الصف ماتي وكعدت والصف اقسم بالله
حسبتة بي50 طالبة شعبة الف فرنسي
واني شعبة الف لان فرنسي فالبنات
كامن يخلطن يطبن الفرنسي والموفرنسي
والصف صار خنكةةةةة خوب رابع درس
مااوصوفلكم الريحة والخنكة الصارت بالصف
متنوصف والله بس بالأخير صفونة والشعبة
هدأت والف صار زين
وتعرفت على بنية اسمهة مريم كلش
حبابة وكيوت وبنية اسمهة نفس اسمي
رقية وكلش حبيتهن وكلش لطيفات يابعد جبدي ارجع وعيد لحد يصيحلي رقية
صيحولي ام جويسم
ومع السلامة يابعد جبدي
كتبولي امي شتتوقعون تشتغل بالمدرسة
https://media.tenor.com/GRZMQEcl73cAAAAM/%D8%A8%D8%A7%D9%8A.gif
