هاي انا كيان وذي قصتي بعرفكم عن نفسي اول احممم انا كيان عمري ٢٤ اخر سنه لي بالجامعه تخصص طب نفس
وعندي صديقين مقربين مني مره اللي هم تركي وغيث ، غيث صديق الطفوله وتركي من الثانوي معالينا خلونا نبدا .
صحى كيان من المنبه وكان يبي يتجهز بس تذكر انه اجازه لذا قعد بالسرير لين دق عليه غيث رد عليه
كيان : هلا
غيث : كيوني شرايك تجي بيتي طفشان وليث قاعد بغرفته مايبي يطلع
كيان : طيب بجي نص ساعه بس
غيث : لا تفطر تعال نفطر عندي
كيان وافق وراح تروش ولبس ونزل لقا امه قالها انه بيروح لغيث وقالت له : طيب بس ترا انا وابوك بنسافر بكره
عشان شغل ابوك بتقعد بالبيت لحالك اوو؟
كيان : بشوف غيث اذا اقعد عنده لين ترجعون بس متى راجعين ؟
ام كيان : بعد شهر
كيان : همم طيب
راح كيان بعد ما سلم على امه ووصل عند غيث ودق الجرس
ليث طلع من المطبخ بما ان غيث يتروش وهو كان يسوي الفطور وفتح
كيان : السلام عليكم
ليث : عليكم السلام ، ادخل
كيان : شكرا ، وين غيث؟
ليث : يتروش
كيان : اها
ليث : تعال الفطور قرب يخلص
كيان راح معه وساعده بالفطور وجا غيث اكل معهم بعدها كيان راح لغيث يقوله عن سفر ابوه وامه وغيث وافق انه يقعد عنده بحكم انه بيتهم كبير شوي ومايعيش فيه الا غيث واخوه ليث
كان غيث وكيان قاعدين مع بعض ويسولفون وبعدها بدو ينعسون
غيث : نام عند ليث سريره كبير يكفيكم انا سريري صغير
كيان : طيب قله
غيث سحب كيان ووداه عند ليث بالغرفه وكلمه
غيث : خله ينام عندك سريري مايكفي
ليث : ماعندنا مراتب ؟
غيث : تبيه ينام عالارض مثلا؟ خله ينام عندك وبس تراه مو داخل بحضنك بس بيكون جنبك بالسرير
ليث : طيب لاتصيح
كيان كان ساكت وراح تسدح عالسرير ولف ضهره وقعد على جواله شوي ونام بينما ليث كان يقرى كتابه ومافيه نوم فتح جواله لقا اخوه راسل له واتس انه كيان بيقعد عندهم شهر تقريبا عشان اهله بيسافرون ومايبي يقعد بالبيت لحاله
ليث رسل له : شدخلني طيب ليه ماينام عندك وليه هو خواف ومايقعد بالبيت لحاله
غيث كتب : مالك دخل وماينام عندي لانه سريري يكفي بس لشخص واحد وانت سريرك كبير لاتصير اناني
ليث : كلزق بس
قفل جواله ليث وهو متنرفز لانه مايحب احد يشاركه بشي ولمده طويله وبالذات كيان صديق طفوله اخوه اللي من زمان وهو مايحبه مايدري ليه تسدح ولف على جهه كيان لقاه بوجهه ما اهتم وغمض وحاول ينام
تعريف سريع :
ليث : اخو غيث عمره ٢٧ طوله ١٨٧ مو اجتماعي مره مدير مطعم له فرعين .
غيث : عمره ٢٤ طوله ١٦٩ يدرس جامعه تخصصه قانون .
كيان : عمره ٢٤ طوله ١٦٥ تخصصه طب نفس .
